分享我玩 Room acoustic 房間處理的經驗(續篇), 朋友的房

eds60

本來我叫朋友T君他自己寫。 他話他套機好普通(以 hiendy 嘅 level 計，係算普通)，他話唔好意思 post 出來。 不過都算比上不足，比下有餘。 我叫咗幾次終於肯讓我寫出來。 我都一路有聽換器材和攪房的分別。由T君講述分別，我代筆。





二十八前令我對 HiFi 產生興趣的兩位朋友的其中之一 T君。 他都是被第一位朋友引誘而玩。 他玩到大約1990年時轉玩汽車音響。停了12年。 2002年從新玩兩聲道。從新開始玩 HiFi 後。T君在睡房玩。 器材放在闊的一邊，地上鋪地氈。 一路玩就一路升級器材。 後來再把器材放過去較窄那邊。 打直聽， 喇叭就可拉離前牆。 音場層次改善不少。

越燒越勁，最後決定改裝睡房為獨立 HiFi 房。 用另一間房作睡房。Hifi 房大約13尺x16尺， 現在喇叭面離前牆 55寸， 兩邊喇叭側離側牆29寸。

先拖兩條獨立電源入房，換全房木地板。 換了木地板就問題來了。 未搬器材入內，只是入到房間已覺迴音好嚴重。以前全房地氈和有床，其實都係相當理想的聽音環境。

打掃乾淨後就搬器材入房。煲番幾日套機先正式聽(套機成個月冇聽，又新電源。 結果都係迴音太大，跟本聽不入耳。要諗計。

T君在本地一間音響店遇到一美國牌子 Echobusters.  T君發現可向廠家直接訂，價錢仲平好多。 打電話訂時， 對方會問房間尺寸，然後提議用多少和放那位置。 對方從電話亦可聽到房間迴音問題。



Phase 4

三角形狀調聲板


先訂幾塊吸音板試下先。改善相當大。 第二次訂多幾塊吸音板時，買埋一對放前牆角位專門用來改善低音的四方柱叫 Phase 4. 全部角位上方另放三角形狀調聲板(房間角位需要處理。 所以每個牌子都有專門對角位作處理的產品。通常係上方，兩邊牆加天花，三平面形成的角必需處理。)。全部 Echobuster 放好後，迴音問題全解決。音場、定位比未裝修前好好多。T君嘗試將吸音板擺放位置和數量改變，找出他認為最啱聽的組合。 改善低音的 Phase 4 有兩邊有不同效果，距離和那邊向外亦要詳細試聽。這期間亦都不停嘗試不同喇叭擺位。

最後決定前牆(喇叭後面) 放5塊， 側牆的第一、二反射㸃各放一塊。即每邊側牆兩塊，共9塊。 前牆角位用 Phase 4(改善低音用)。他再買入一張大約8尺x10尺的厚地氈放喇叭前面地上和聆聽位間。 可減輕過快的地面反射聲。

之後我都玩埋房間處理配件。雖然各自用不同牌子，不過都會大家硏究下。

再加入兩塊 Roomtune 的 PZC(像相片中左邊的，不過有腳座，4尺高)。 由原先放於側牆第一反射點。 慢慢向喇叭方向移。最後放於喇叭側，最前點置於約喇叭後半部，即係在喇叭面後方。 放好後音場較闊。




就這樣玩了幾年。用了 Echobusters 和 Roomtune 後，間房好像大了。 音場深和闊了不少。各樂器的定位、層次相當鮮明。 房間背境靜了，可聽多了錄音裏的微弱訊息。 聲音比未用前圓滑厚潤。最重要係冇晒迴音問題。




右邊側牆

http://www.soundstage.com/revequip/db05.htm
http://www.stereophile.com/roomt ... 0CHt8TkKgYq0Qb4S.97
http://www.theabsolutesound.com/ ... tical-treatments-2/
http://www.positive-feedback.com/Issue2/echobusters.htm
http://www.audiophilia.com/hardware/echo.htm
http://www.laaudiofile.com/echobust.html

我在HiFi Review 家訪見過香港有一位師兄用 Echobusters。 可惜幾年前 Echobusters 已結業。

未完,將會講到加入 diffusers。

這篇是小弟的房。 如果未睇的師兄，請入去睇下。
分享我玩 Room acoustic 房間處理的經驗
http://www.hiendy.com/hififorum/ ... hread&tid=84960
(出處: Hiendy.com 影音俱樂部)

eds60

比較吸音和 diffuse(散射) 在前牆的分别。

最後入了一套6件 Vicoustic Multifuser DC2 diffuser. T君曾嘗試把前牆的其中3塊吸音板拿走，換入6塊 Vicoustic diffusers. 全吸音的好處, 音場深度更深和樂器定位更準確。 正中用6塊 diffusers 的好處， 音場更闊。 空間感就一樣不變。 整體效果不及全吸音。再把 Vicoustic 放到側牆第一反射點代替 Echobuster. 效果一樣唔合他心意。最後放在側牆反射點的 Echobuster 上方。 我有聽過在這位置上有用 Vicoustic 與没有用的分別。 高音向上伸延， 空氣感有所增加。 音場亦都擴闊向外伸延了。 餘下的4塊 diffusers 放在聆聽位後方。


T君之前去廣州 HiFi show。 和代理談起 diffusers 放前、後牆的問題。 代理偏向喜歡放前牆。



而T君和我的意見係唔一定。 要因應房間大、小尺寸、形狀， 牆身結構等因素。和自己口味要求。 需要自己親耳聽過才決定。

經T君悉心調校後的房。 就算聽大爆棚，房間仍然可承受，没有多餘低頻。 音像定位不會因音量加大而有所改變。

T君的屋在較寧靜的區域，房間在地牢。再配合房間處理。 在這麼寧靜的環境聽歌。 令我非常羡慕。


T君補充： 無對同錯， 最緊要自己岩聽就ok。  

PhantomGTR

很利害！

新漢陳Sir

eds60 發表於 2016-1-15 15:00
留用

未完,將會講到加入 diffusers。

「漫射」或「散射」是 Diffuse 較恰當的中譯。未知意下如何？

eds60

新漢陳Sir 發表於 2016-1-15 15:45
「漫射」或「散射」是 Diffuse 較恰當的中譯。未知意下如何？

“散射” 好。

唔該陳sir。 我中一都未讀完就移民。 中文有限。

新漢陳Sir

eds60 發表於 2016-1-15 15:49
“散射” 好。

唔該陳sir。 我中一都未讀完就移民。 中文有限。  ...

兄臺太客氣了。

hohoiho

eds hing,

Thank you for sharing.

iwantbd

eds60 發表於 2016-1-15 15:49
“散射” 好。

唔該陳sir。 我中一都未讀完就移民。 中文有限。  ...

我就……亂射！

remychiu

呢D圖丶文真係正，吾係單單用錢就可以搞掂！
只要買齊料就可以玩死人，亦可渡人升仙

kahw

Thanks for sharing!
Room acoustic is the most important thing in Hifi, after all the tuition I paid in this 4-5 years.

長長影子

新漢陳Sir 發表於 2016-1-15 15:45
「漫射」或「散射」是 Diffuse 較恰當的中譯。未知意下如何？

"散射" 同 "擴散" 喺 acoustical terms 係指唔同嘅嘢。我嘗試簡單d去解釋:
對聲波嚟講，任何凸起嘅嘢大過例如聲波波長1/4都可有散射嘅能力或作為一個有效嘅散射器/板)，即相對於一個平面，可以將聲波反射向另一個與平面唔同嘅 non-specular 角度。但當聲波響 specular 入射角度或甚至係 random incident 下即任何入射角度都唔會保證可以對所有反射角度產生均勻嘅全方位反射。而擴散(或擴散板作用)係指聲波即使係隨機入射角度下都能夠對全方位角度產生 uniform 嘅聲波反射。

差嘅散射性及差嘅擴散性，如硬嘅平板: (藍線係同尺寸下平面板 specular 反射，紅線係反射出嚟嘅 polar response。)

差嘅散射，差嘅擴射。

好嘅散射性但差嘅擴散性:

好嘅散射，差嘅擴射。

好嘅散射性及好嘅擴散性:

好嘅散射性，好嘅擴射性。

eds60

長長影子 發表於 2016-6-19 02:39
"散射" 同 "擴散" 喺 acoustical terms 係指唔同嘅嘢。我嘗試簡單d去解釋:
對聲波嚟講，任何凸起嘅嘢大過 ...

多謝解釋。

k500a

長長影子 發表於 2016-6-19 02:39
"散射" 同 "擴散" 喺 acoustical terms 係指唔同嘅嘢。我嘗試簡單d去解釋:
對聲波嚟講，任何凸起嘅嘢大過 ...

長長影子兄，
請問有甚麼產品或牌子有這個 「好嘅散射性及好嘅擴散性」的特性？
謝謝。

racewong

長長影子 發表於 2016-6-19 02:39
"散射" 同 "擴散" 喺 acoustical terms 係指唔同嘅嘢。我嘗試簡單d去解釋:
對聲波嚟講，任何凸起嘅嘢大過 ...

影子兄, 可否介紹一D好的擴散品牌嗎?

racewong

eds60 發表於 2016-1-15 15:00
比較吸音和 diffuse(散射) 在前牆的分别。

最後入了一套6件 Vicoustic Multifuser DC2 diffuser. T君曾嘗 ...

13 x 16房間! 贏在起跑線了

長長影子

k500a 發表於 2016-6-19 08:19
長長影子兄，
請問有甚麼產品或牌子有這個 「好嘅散射性及好嘅擴散性」的特性？
謝謝。 ...

我識嘅牌子唔多，唔會特別推薦牌子，我諗好難有人可以試晒咁多隻牌子，而且話邊隻得邊隻唔得好容易嘈交。多數只講設計及規格要留意嘅地方。唔計唔同牌子，唔同設計各有優缺點。以一維QRD或PRD擴散板同二維擴散板比較為例。同一節數N及同一深度設計嘅二維設計可以向兩個方向作擴散，擴散性睇落會比一維好，但一維設計響同一深度下低頻擴散性比較好，因此兩種設計各有得有失。擴散板深度加深可以有效擴散低d嘅頻率，除咗會佔更大室內空間，深度加深後會吸收咗高頻由原來擴散性走向高頻吸音。同一尺寸下去設計增加節數高頻可以有更佳嘅擴散性，但低頻擴散性就會變差，有興趣想知原因可以去研究吓QRD設計公式。

blackcolor

eds60 發表於 2016-1-15 15:00
比較吸音和 diffuse(散射) 在前牆的分别。

最後入了一套6件 Vicoustic Multifuser DC2 diffuser. T君曾嘗 ...

Vicoustic 超靚，唔聽得都睇得！

好耐之前上去尖沙咀睇 taoc 先知道原來佢地攞左返黎做代理！

有無多的佢既產品資料可以分享！謝謝

shooter

請教吓各位, 如圖中擺位, 如果想搵塊板放左手邊空擴位置希望改善吓, 其實係要用咩類型既板呢? 例如擴散板, 吸音板, 反射板......
Thx!

racewong

shooter 發表於 2016-7-13 18:27
請教吓各位, 如圖中擺位, 如果想搵塊板放左手邊空擴位置希望改善吓, 其實係要用咩類型既板呢? 例如擴散板,  ...

放多個櫃擺黑膠, 順便可以做間隔

shooter

racewong 發表於 2016-7-13 19:34
放多個櫃擺黑膠, 順便可以做間隔

cd櫃都欏唔到permit, 黑膠櫃更加唔使諗