温哥華發燒友家訪報告(外傳)-玩來玩去仲係玩mid fi 的 eds六十

eds60

本篇純熟攪笑。 如引起各位反感， 小弟先講聲唔好意思。   相片是隨便找張舊相。 以前在這廳放套機，後來被逼遷。 之後有機會隨便放套機玩了幾天時拍的照片。

最瘀皮發燒友 eds六十
我在最近一篇家訪提到我已找不到新的家訪對像。有一位師兄主動找我説可讓我去家訪他。我相信好多人應該見過他的 id,eds六十。 他是相當活躍的會員。 不過他套機好舊好平就好多人都知， 我正猶豫要不要去家訪。 怕到時聽到好衰的聲音，都唔知寫唔寫出來好。他相當自信地説好靚聲的， 如果唔好聲，你照寫出來也沒所謂。 我心想你咁自大，我就去聽下你點出醜。他還透露他用電池供電 top loading CD機，超寧靜的。

家訪日去到他家，他先帶我去睇他的主系統。 他説: “這套機好Q靚聲， 你聽完一定中毒。 他還説為咗唔想你中毒咁惨， 俾你聽我的第二系統好了。 這套又平又靚聲。 你中咗毒，都買得起”。 我猜想他應該是怕瘀，用籍口叫我聽第二系統， 萬一衰聲他也可賴部機平宜。 行去第二系統期間， 他說他的喇叭好像隱了形一樣，音場又深又闊。 我即時請教用那種理論擺位或者任何獨門秘方。 回應是隨便擺便可。 我心想呢條友識唔識㗎。 見到他的第二系統後，雖則話求其擺。 對喇叭前後左右都没有任何東西阻住對喇叭呼吸。 難怪他如此説。

我非常好奇究竟是用什麼電池供電 top loading CD機。 我見識少，只知有電池供電 phono amp、DAC、合併機、前、後級。 想唔起有什麼電池供電CD機。 我正在找電池供應盒在哪之際。 他問我找什麼？ 我問電池供電盒和CD機在哪？ Audio Analogue Maestro 24/192 唔係電池供電, 更不是 top loading。他指着一部機話電池是內置的。





我一睇，看得我木定口呆了足足10秒鐘。 我都算見過下大場面， 今次真係嚇親。 心想唔那係嘛，你玩x我， 俾D咁嘅嘢我聽。 所謂內置電池，係兩粒 AA電芯。 所謂的 top loading CD機係一部 Marantz 手提 VCD機(好似 discman)。







雖然音場沒有如他自吹自擂咁誇張，不過勉強算合格啦。 喇叭又真係像隱了形一樣。 這套機高音伸延唔算好高，不過聽鋼琴和小提琴是足夠的。 低音較弱係意料中事， 聽大棚嘢就唔掂。 聽人聲和幾件簡單樂器還可以。 聽了一輪後，越聽越好聽。 我沉醉在樂聲中， 沒有再想高音是否夠高，低音是否快狠準。 我發覺聽到的聲音是現在好多機所没有的， 係中音的音色， 人聲好有感情和感染力。 現在的器材走高清、通透、快速、像真度高。 原來欣賞音樂唔一定要用貴價器材， 原來簡簡單單一套機也可以。


以上純屬攪笑， 希望唔會得罪各位啦。

Matthewlhy

good sharing.  totally agreed .

wuying908

BoB182

笑左

前輩，小弟都係用Audio Analogue Maestro 24/192 CDP，
請教前輩會推介用咩電源線及訊號線呢？ 謝謝

eds60

BoB182 發表於 2016-5-17 16:10
笑左

前輩，小弟都係用Audio Analogue Maestro 24/192 CDP，

Bob 爺，我賣咗部機好耐了，我只用了很短時間。

我沒有試過好多款電源線，都係較平價的線。 印象中它對電源線不是很敏感。 我用 Harmonic Tech ProAc10 Fantasy。

BoB182

eds60 發表於 2016-5-17 16:14
Bob 爺，我賣咗部機好耐了，我只用了很短時間。

我沒有試過好多款電源線，都係較平價的線。 印象中它對 ...

前輩，我只係BoB野咋
明白。我試過4-5條入門線及試過蕭踢皇子，
但都一樣發覺好似冇乜黎到
Ps：我係一個冇耳仔的人

Davidsky

eds60 發表於 2016-5-17 16:14
Bob 爺，我賣咗部機好耐了，我只用了很短時間。

我沒有試過好多款電源線，都係較平價的線。 印象中它對 ...

AC10都相當唔錯

timmywan

通常高手都係甘，自然舒服
完全唔覺得聽緊hifi

Eric2004

好精采..呀
還有.  第一系統  跟尾 ....等 ing....

iwantbd

电池……Top loading!

remychiu

反撲歸真,呢D就係高手中嘅高手,勁!

eds60

BoB182 發表於 2016-5-17 16:21
前輩，我只係BoB野咋
明白。我試過4-5條入門線及試過蕭踢皇子，
但都一樣發覺好似冇乜黎到{:5_ ...

部 CD機高音較暗，中音幾濃下。 播錄得差的碟都唔會惡聲，音染幾重下。 線材、墊材對聲音影響不大。

eds60

timmywan 發表於 2016-5-17 16:40
通常高手都係甘，自然舒服
完全唔覺得聽緊hifi

冇高、冇低似聽緊收音機質素。 梗係唔覺得聽緊 HiFi。

eds60

remychiu 發表於 2016-5-17 21:13
反撲歸真,呢D就係高手中嘅高手,勁!

最高境界!   無欲無求、求其有聲出就得。

eds60

iwantbd 發表於 2016-5-17 20:39
电池……Top loading!

部胆後有 volume 掣。 唔用前級， CD 直入後級。 犠牲動態，音色較通透。部 Audio Analogue CD機幾重音染。

eds60

Eric2004 發表於 2016-5-17 16:54
好精采..呀
還有.  第一系統  跟尾 ....等 ing....

Eric兄，家訪第一系統   要等佢中咗六合彩， 大换血後先會有。

你先睇他被迫遷後變環境鬥士的血淚史。 間獨立 hifi房不足80尺， 低樓底。 以體積計算足足細了6倍。 這兩張照片約拍於搬遷前兩年， 已是8年前了。由喇叭面至前牆的面積比那間房還要大。

分享我玩 Room acoustic 房間處理的經驗
http://www.hiendy.com/hififorum/ ... hread&tid=84960
(出處: Hiendy.com 影音俱樂部)


這一篇是他如何踏上玩 HiFi 之路。正確嚟講係玩來玩去仲係 mid fi。

由1987年開始睇 HiFi 書發燒到現在
http://www.hiendy.com/hififorum/ ... hread&tid=85810
(出處: Hiendy.com 影音俱樂部)

remychiu

A門兄, 你好野吓!
其實你都係手中無劍、心中有劍嘅高手

Davidsky

eds60 發表於 2016-5-18 03:32
Eric兄，家訪第一系統   要等佢中咗六合彩， 大换血後先會有。

你先睇他被迫遷後變環境鬥士的 ...

60兄：看見你最下哪張相片就令我回想起想當年初玩音響去你家中聽歌時的情形 看見你那後邊又多又粗的線材 真是羡慕不已
   過了那麼多年的今天！我覺得我已經是越玩越癲 不能自拔 而你我覺得真是已經是返璞歸真！已練成金剛不壞之身，百毒不侵 恭喜恭喜

Law記

我覺得你有絃外之音囉

eds60

Law記 發表於 2016-5-20 10:16
我覺得你有絃外之音囉

冇啊