路過中環, 人有三急, 諗住借厠所, 見到肥仔看更! 看更話有好介紹! 心諗又係“腥沙田”? 十皮八皮一對, 吾等音響草民, 此草不同彼草, 你找錯人啦!
語畢! 看更即話今次真係平靚正! 又即管跟你睇下! 我頂! 又係ATC! 好悶啫! 今次还要係Pro版! 上次对七十週年, 真係靚仔到暈! 今次尼对黑蚊蚊! 樣又薯嘜,你估黑就係古天樂咩!
看更話尼对ATC Active Pro版超書架喇叭超堅! 已經賣好幾对! 等人又未夠鐘. 一於涼下冷氣! 看更用Playback MPS-5作轉盤,
Bricasti M1解碼直推, 先來一張白頭佬, 嘩! 以一对書架喇叭來講, 場面又真係好誇張! 氣勢磅礡, 完全離箱! Fill滿二三百尺一定冇問題! 即時想起尼個月頭去睇音響離地show! 喇叭閒閒地都一百幾十万, 大部份都幼細有餘, 但火氣欠奉! 可能香港人最近壓力大啦!太過火未必頂到!
再來一張“鬼爪”, 小提琴不是强調纖細柔美, 典型Pro版喇叭特色, 以忠實刻劃每個錄音為己任!
時間差不多, 又要夠鐘交人, 臨走時係咁易問下價錢! 盛惠五皮半! 假如買樣, 尼对ATC真係吾合格, 七十週年都係三皮八到. 靚仔又易入屋. 但係以不足兩万元差價似乎有買不到有質素後級, 更可況尼对ATC SCM 20 ASL Pro絶对又比七十週年高幾班, 雖然樣子同個看更一樣, 絶不討好, 兼異常樣衰!
其實只需簡簡單單找部MFA Classic無源前就可開聲, 兼絶無配搭上煩惱! 喇叭線又可慳返! 想嘆音樂就是這麼簡單! 但係大前提真係要頂得Pro版個樣, 兼肥仔看更的嘴臉!
|