點解我用headphone聽到好多弱音,細節, 但係

rickkklam

用番喇叭聽, D弱音, 細節冇晒? 例如好細聲既叮叮聲.

問題出係邊? Amp? Speaker?

bigpun1975

空間唔夠靜都會架喎

charliey

用左靚earphone 后，自己都有類似經驗，直至再換新amp后及玩黑膠后，而家套hifi 先追過earphone嘅細節及感情。但空間感及場面就hifi ㄧ向win earphone

Siuping

如果係同一部 Amp，假設耳擴和放大線路差距不大，問題可能是來自 speaker 或擺位，toe in 角度，兩邊喇叭與聆聽位距離不對稱會令兩邊聲波相互抵消，你就會覺得少了弱音和細節，某些環境情況下喇叭對擺位的敏感度可以好高…

kmg

你將隻耳哄埋喇叭度,其實是聽到的

Fayefei

charliey 發表於 2016-9-1 11:54
用左靚earphone 后，自己都有類似經驗，直至再換新amp后及玩黑膠后，而家套hifi 先追過earphone嘅細節及感 ...

耳機埋身好多, 如果用靚耳機, 更加可以聽多好多嘢
若果屋企套系統出5到咁多detail嘢, 同意c hing所講, 喇叭同amp係好大o既原因, 但音場同空間感又非耳機可享受到的.
自己最近都換左靚啲o既耳機同耳擴做隨身聽, 又真係幾過癮的.
個種效果....同屋企用專業耳筒聽嘢又係兩回事.

黑色暴乳

我古應該同靈敏度有關吧，耳機靈敏度高個喇叭，再加上耳機貼耳，聽多左細微野唔出奇

kkkiu

我係先玩headphone，跟住再玩hifi，初想玩hifi是因為道聽途說覺得hifi是更高層次，事實剛入門時非常多不滿意，難度更高，有一大段時間我玩hifi的期望是希望追到headphone的聽感(分析力，音色...等等等)

經驗中，到你覺得你的hifi能夠追到或超越headphone，估計價錢至少達到40或50倍之數~我覺得，headphone要得到很高分析力或三頻平衡比hifi實在容易太多，但係要得到hifi的動態及超低頻，你卻永遠無法在headphone中得到。

hifi的分析力，器材級數之外(財力有限)...我自己能做的是電源、電源線部份下功夫比較有效果~!

rickkklam

我用HD800, 玩headphone好聲既感覺不比玩喇叭差.

用headphone 仲可以全個人投入左音樂既世界中. 正.

kkkiu

rickkklam 發表於 2016-9-1 17:20
我用HD800, 玩headphone好聲既感覺不比玩喇叭差.

用headphone 仲可以全個人投入左音樂既世界中. 正.

我用hd650，headphone既好尤其在深夜之時，無左佢都唔知點算好~!!

天下第柒刀

試過由100w 後級 升到250w 後級， 之後所後細節，弱音 出返晒來，個人覺得力水好緊要

ccli1996

我聽感會覺得耳筒聲好過喇叭，已經係好多年前(應該超過廿年)嘅樹了，自從自己走咗玩DIY喇叭嘅路，就可以逐啲逐啲去改變一對喇叭裡面嘅元件(單元，分音器，聲箱以至內裡接線)，而可以了解怎樣逐啲逐啲咁去改變其聲音，那些地方改變會對喇叭聲音改善最為有效之類
喇叭係音響系統裡是最終出聲嘅器材，但亦發覺它是當中失真最大嘅器材，所以它最終出聲嘅表現，不同喇叭之間會有著很大嘅差別，當喇叭嘅聲音質素能去到某些層次時(即係等如佢嘅身價)，我嘅經驗係，肯定不想聽回耳筒聲了，兩種聲音根本好難比較，其實亦係對自己耳仔能否辨別及聽得出不同喇叭或耳筒聲嘅失真率有幾大嘅一個考驗，聽多了，你會好容易聽得出它們之間聲音失真多少嘅分別
一對「低失真」喇叭(通常都代表其身價都係有番咁上下)發出嘅聲音，其分析力及播放弱音時嘅表現，應該冇可能比唔起耳筒所發出嘅聲音的，問題都係用乜嘢喇叭，跟乜嘢耳筒來做比較，比如1萬蚊喇叭跟1萬蚊耳筒比，我會覺得耳筒聲會悅耳啲，但用十萬蚊喇叭跟十萬蚊耳筒比(我唔知有冇 )，我相信喇叭聲會好聽啲，價錢再上，就應該喇叭一面倒了

利申:我還是負擔唔起啲低失真喇叭，只能繼續用緊啲低價嘅DIY喇叭

haha12

Ccli 兄太謙虚了,

雖然未有機會領教閣下大作, 師兄對 DIY 喇叭的熱衷及認知, 可知重播系统的能耐绝不簡單!

ccli1996

haha12 發表於 2016-9-1 19:57
Ccli 兄太謙虚了,

雖然未有機會領教閣下大作, 師兄對 DIY 喇叭的熱衷及認知, 可知重播系统的能耐绝不簡單! ...

Haha兄，
你太睇得起小弟了，我果啲係小兒科DIY喇叭玩意，與之前聽過Haha兄嘅超級組合，真係冇得比啦！

haha12

ccli1996 發表於 2016-9-1 20:30
Haha兄，
你太睇得起小弟了，我果啲係小兒科DIY喇叭玩意，與之前聽過Haha兄嘅超級組合，真係冇得比啦！{: ...

金氏家族乃多年金漆招牌亦曾經是小弟心儀對象，初入毒海固然是高不可攀玩吾起，後來是各方引誘太多始終無緣入屋。

如今李兄是全金宴兼 且 Bi-Amp 聯手 又怎會是小兒科呢？悉心炮製金氏獨特魅力想必令人怦然心動也！

racewong

haha12 發表於 2016-9-1 22:28
金氏家族乃多年金漆招牌亦曾經是小弟心儀對象，初入毒海固然是高不可攀玩吾起，後來是各方引誘太多始終無 ...

傾佛偈?!

haha12

racewong 發表於 2016-9-1 22:48
傾佛偈?!

版主大人, 凡事隨緣嘛！

最經典試過某大品牌鎊晒水入埋屋 靚聲收貨 一個月後都係冇得留低，八字吾夾啩？

racewong

haha12 發表於 2016-9-2 05:56
版主大人, 凡事隨緣嘛！

最經典試過某大品牌鎊晒水入埋屋 靚聲收貨 一個月後都係冇得留低，八 ...

你講你的故事或是我的故事? 哈哈

haha12

racewong 發表於 2016-9-2 07:17
你講你的故事或是我的故事? 哈哈

當年我對佢仲好痴心㗎 , 奈何代理吾爭氣搞出大頭佛唯有含淚送別啦!

tst123

ccli1996 發表於 2016-9-1 19:16
我聽感會覺得耳筒聲好過喇叭，已經係好多年前(應該超過廿年)嘅樹了，自從自己走咗玩DIY喇叭嘅路，就可以逐 ...

耳筒和喇叭絕對兩種聽感，小弟耳筒都有對睇下門口，用 Violectric V281耳擴夾 AKG K-812 配 Siltech 耳機缐

耳筒分析力高，K-812 以音場計在耳筒中已經係頂班，但一拍座地喇叭，音場方面係天與地

至於細節方面，夠分析力喇叭，絕對能與耳機抗衡，只不過耳機不會受 room acoustic 及擺位 影響，較易發揮，而且大部分喇叭，在50hz 以下都無貨交，形成一般情況下耳筒有優勢

價錢方面，耳機都愈來愈天價， Sennheiser 都已經推出對定價40萬耳機系統，其他10萬元系統，也愈來愈多