Accuphase P-7300 (分享^^)

ac816816

今日返到屋企又再一次見到佢~
雖然冇乜特別嘅開箱, 但係都想同大家分享開心嘅喜悅 ^^


話說兩個月前選擇購買了金嗓子前級後，便估計到自己好快會用埋他們家出品嘅後級了，來一套整齊企理嘅西裝見人。但係黎到啲個時候問題就來啦！發燒友都知道金嗓子嘅後級大概細分 A類/ AB類兩大陣營。我想，大部分金仔用家都會十分樂意地選用金嗓子嘅A類後級而不選擇AB類的（用家的反影），咁我要如何選擇才可以揀到自己心愛嘅型號呢？就就係呢兩個月面對矛盾嘅煩惱之中，進行了好多次嘅網上爬文，在反覆思考自己嘅音樂取向，再加上到現場進行兩機試聽比較，最後作出了一個決定性嘅答案。無錯^^，這就係今次嘅主角  Accuphase P-7300.

其實 P-7300 有什麼本事可以吸引到我目光，可以好快地使我作出一錘定音嘅決定呢？這大概是本人嘅口味和聆聽音樂嘅習慣了^^，當我到試音室進行試聽時，入室第一部機等著我的就是A-70，和他相處了半小時後得到充分了解，便知道金仔發燒友為何會如此喜歡金嗓子A類嘅後級，新一代金嗓子A類散發嘅魅力確實比了我一份煥然一新嘅感覺，這時侯腦海浮現出是馬上要落單包起嘅衝動，叫店長唔洗試P-7300囉～ 埋單走人！

但一場黎到，又冇理由唔試埋架^^

係時候換機再試，店長行動迅速，左手一起右手一放，便把兩機替調了。原來兩部機嘅分別都幾明顯的，難怪金嗓子要把後級分成兩條主線也是這個原因。P-7300 給我的感覺就係我一直在選擇金嗓子後級之中最想追求，可以保留了一點點傳統溫暖金仔味道嘅同時，又要有高速靈敏瞬變，細緻通透嘅新一代音色。只要願意親身去感受和作出聆聽比較，令人煩惱嘅選擇問題其實也不難解決。

現在雖然相處時間還很短暫，但這半套西裝實在使我穿着得好清新滿意，我想這套材料優良嘅精品時尚襯衣，可以陪伴我享受一段很悠長嘅快樂時光，為我平凡生活中增添了一點不平凡嘅色彩^^


還有要多謝各師兄們之前給的意見~ 謝!

ccli1996

師兄，
恭喜

相信師兄都一定很喜歡聽啲大堆頭又或強勁抽鼓嘅音樂了

ac816816

ccli1996 發表於 2016-10-3 19:16
師兄，
恭喜  

多謝師兄,

係呀~ 我現在好喜歡聽的大場面大氣勢嘅音樂

timmywan

正確的選擇

iwantbd

之後……非常Sin mo!

wildmanhk

恭喜樓主，一鋪金

FET

樓主經歷最後拍板明智，
P 7300 增益是否係28db?

ac816816

FET 發表於 2016-10-3 21:16
樓主經歷最後拍板明智，
P 7300 增益是否係28db?

對, 增益MAX時係 28db.

Panda

恭喜！恭喜！

FET

[size=4]ac816816
原全是理想生活，生活理想的音樂泉源。
P-7300 給我的感覺就係我一直在選擇金嗓子後級之中最想追求，可以保留了一點點傳統溫暖金仔味道嘅同時，又要有高速靈敏瞬變，細緻通透嘅新一代音色。只要願意親身去感受和作出聆聽比較，令人煩惱嘅選擇問題其實也不難解決。/size]

ccli1996

FET 發表於 2016-10-3 21:16
樓主經歷最後拍板明智，
P 7300 增益是否係28db?

金仔所有後級(不論新金，舊金型號)嘅Gain都一律係28dB

FET

ccli1996 發表於 2016-10-3 23:11
金仔所有後級(不論新金，舊金型)嘅Gain都一律係28dB

見樓主詳盡，盡訴心事好合我要的要求，怕是推底頻是否啱803D2啫。

racewong

絕對FEEL到你果份開心喜悅.

ac816816

FET 發表於 2016-10-3 23:17
見樓主詳盡，盡訴心事好合我要的要求，怕是推底頻是否啱803D2啫。

Fet兄無須懷疑，一試便知龍與鳳

ac816816

racewong 發表於 2016-10-3 23:39
絕對FEEL到你果份開心喜悅.

多謝版主^^

racewong

ac816816 發表於 2016-10-3 23:41
多謝版主^^

金仔加VA, 你真識嘆!

ac816816

FET 發表於 2016-10-3 23:17
見樓主詳盡，盡訴心事好合我要的要求，怕是推底頻是否啱803D2啫。

Fet兄，其實我到試音室試聽時，發生了兩段小插曲^^，試音過程並不是一帆風順的，音色可以出現三個朝代天地之別，頭兩次表現實在是不盡人意，但經歷兩次撥亂反正後，到第三階段音色之好，任何發燒友聽過也會愛上，不分A類/AB類，結果一致。（我的試音分享也是以第三階段作標準的）

所以我大膽假設，見意Fet兄應該作到 "如何玩好現有器材" 的心態為目標。因為師兄選用的喇叭品牌正正是金嗓子私底下合作多年的測試鑒定指標，音樂表現上理應一拍即合。師兄的金仔好高級了，可以在現有器材中作多試不同微調，可能會得到意想不到嘅效果。

smalltiger

恭喜AC兄 , 入手金仔靓聲後級

Jason1969

Congratulation!

lumbak

A70 正正是我想要的聲音(你講得岩)，所以我无试金仔AB類后級就已決定左。唯一後悔系冇錢直上A200罗!   其間試音室換走对XX接線一天光晒。