racewong report - 處男分享~AustruIEM

racewong

這篇可說是我第一篇寫耳機的報告, 在此之前, 我沒有任何玩高級耳機的經驗, 沒有比較下, 我只能以我玩音響的經驗來評測本文主角 ~ AustruIEM.



最近見ROCKSTAR & PETER仔的耳機分享, 攪到我都想入番部DAP+耳機聽.






我平時好少搭車聽歌, 所以今次借部DAP+耳機, 主要都係喺個老婆教仔仔做功課時, 自己塞住耳筒咁聽下歌, 等佢做完功課就陪佢玩一陣先踢佢入房訓覺.

佢入左房, 我先可以開番我套HIFI聽歌, 我諗好多做人爸爸的網友都同我有差唔多的經驗吧.

講番今次既主角, 本來我都想寫埋部DAP OPUS1, 不過ROCKSTAR之前已分享了.

http://www.hiendy.com/hififorum/ ... &extra=page%3D1

所以我不再評論. 今次要講既係AUSTRUIEM這耳機. 有關佢既資料大家可以到佢既官網或代理網頁睇睇.

Cypher Labs AustruIEM

金聲耳筒網頁

講真, 我暫時仲未有時間去了解在耳機界裡, 動圈與動鐵的分別, 會否和黑膠唱頭的原理一樣呢?



今次我拎 左部OPUS1回家後, 立即將最新的MQS檔案放晒入去, 插著本文主角AustruIEM, 長煲48小時. 之後先拎出黎慢慢測試.



第一隻碟, 我選擇了"鐘氏兄弟" - 極, 這張製作超班的大碟, 在我屋企套HIFI聽, 無論人聽定位音質音色, 最都是頂班之作. 我尤其鐘意首 [時代的顛覆者 (feat. 大Al+梁球)], 大AL的滄桑與梁球的無奈真係無得頂.
在AustruIEM聽這首[極], OPUS1的音樂感加上MQS的音質密度, 完全能透過AustruIEM表露無遺, 我最鍾意係極微細的微動態, 人聲感情竟然比我套音響還要多, 訊息量多到聽唔晒.


再聽多隻MQS係張敬軒的[完全因你], 在OPUS1+AustruIEM的配合下, 感情真係滿分, 如要我用我玩開的音響來說, 要造出這份感情
, 我諗套機起碼要超過廿萬組合先可以出到咁細緻又充滿感情的音質.


上文已提及, 我第一次玩咁高級既耳機, 雖然在訊息量, 細緻度都輕易滿足到我的要求, 但在耳機上我還未能掌握空間感與定位等等的元素究竟是甚麼一回事.
不過講開又講, 依對AustruIEM的隔音力好強, 我試過一個人行街帶住佢, 佢真係好可隔晒在街中的雜聲. 令我可以專心享受OPUS1+AustruIEM為我帶的樂趣.


小弟的耳機分享第一次就交左比AustruIEM, 期望可以玩多D唔同耳機, 多D經驗再與大家分享. 謝謝.


http://www.hiendy.com/hififorum/ ... &extra=page%3D1

bigpun1975

玩耳機好易分别到錄音好壞

Rockstar

恭喜版主進入另一毒海， 耳機同hifi可以係完全唔同聽法， 一對好嘅耳機信息量可以多到嚇死你

racewong

Rockstar 發表於 2016-10-10 20:12
恭喜版主進入另一毒海， 耳機同hifi可以係完全唔同聽法， 一對好嘅耳機信息量可以多到嚇死你 ...

耳機的確好玩! 又唔貴!