我將會用4條Valhalla 電源公插的地線

eds60

因所需插頭未齊，未能全部接駁。 剛入多一條 Valhalla 地線。 現在總共有5條 Valhalla 和1條 V2(前級用)地線。 但係只夠電源處理器和前級用。 其餘的 CD 轉盤、 DAC、 後級和 phono amp 用 1.5mm Mundorf。

點解買咁多條 Valhalla， 為何有4件器材冇得用 Valhalla 地線。 除了多器材外，最大原因是我好試唔試，試出個禍來了。

Hifi 房内有兩條獨立線。 牆内接線用每極 10 gauge 粗度實芯銅線，地線約 12 gauge。 Valhalla 是7芯每芯 16 gauge, 扭合7芯時粗達8 gauge。 把 Wattgate 330RH EVO和古河CF-201R叉的洞塞滿。 牆蘇用 Oyaide R1 和古河 FP-2R。 本來用一條 Valhalla 地線接 Wattgate 330RH EVO 電源公插接牆蘇(R1)。 效果非常明顯。 我嘗試接多一條 Valhalla/ Wattgate 330 地線至古河 FP-2R(另一條獨立線)。 相中見到架後的類似紙的， 是 Stillpoints 的 ERS 神氈。 有吸收 EMI/RFI 作用。 Stillpoints 網站是這樣寫的。 The ERS ( EMI- RFI Suppression) material redirects, absorbs, and diffuses EMI/RFI frequencies.







其實用地盒和地線會有何改善，我相信很多師兄也一清二楚。我只略略講下。 聽 Eric Clapton Unplugged 更有現場感，歡呼聲更像真。 背境噪音再進一步減低。 聽蔡琴機遇，琴姐把聲和我以前聽開的很不同，是更好聽。 不用 ab 比較，一插上已聽出和以前很不同。 當然我有拔掉再聽。 第2條一米 Valhalla 連插約5千蚊。如果有人同我講, “俾5萬蚊你，但係以後我唔可以用第2條地線接牆蘇。” 我會即時拒絕，根本不可能沒有第2條。 原來冇限制咁導走垃圾分別如此巨大(盡量減少限制應該更貼切)。

我覺得不用插頭和較短的地線應該更好，我沒有比試過去証實我的想法。大地盒比細地盒佳，全因吸收、化解垃圾效能較大。 我相信用了一條地線接牆蘇渡走垃圾(雜訊)， 大、細盒的分別會縮少。 當用2條地線，我相信兩者差距會再進一步縮少。 我沒有比較過，只是我一廂情願的相法。 我在給藉口自己，不要買大地盒。

第3條電源插地線用在電源處理器 Exact Power EP15A 的 analog outlet。 我試過 analog outlet 和 digital outlet 分别，analog outlet 效果好約 10%。 我用 Mundorf 1.5mm 和 $30 的電源公插(相中黃色插頭)做實驗(因不夠插頭給 Valhalla 用)， analog 和 digital outlet 插晒。 結果，我將會用 2條有電源插的 Valhalla 地線插在 Exact Power 上。 試完唔用唔得，點解我要試。 試完買極都唔夠用。  每款電處設計不同，未必會有我的相同效果。 只是2條 1.5mm Mundorf 加$30的電源公插接電處已有非常大的改善。 如用上2條原條 Valhalla 加 Wattgate 330RH EVO, 聲音應該可以再上一層樓。 我需要多2個電源公插才可接駁 Valhalla 地線。













Hiendy 的師兄不停放毒話 NCF 好。 唔通我真係要入2個 NCF 接牆蘇， 2個 Wattgate 接電處。我詢問代理要訂古河 NCF 要等多久。他説加拿大的 NCF 被他拿光，他手上的亦被發燒友買光。 要等2個星期。 我忍痛訂了一個 NCF。

我仍未知死，  再嘗試接一條 Mundorf 地線由地盒至電處的螺絲上。 本身已接了兩條有電源公插的地線至電處的 analog outlet 和 digital outlet。 即係總共3條地線接電處。 點解又有可聞性的大改善。我試過接3粒在機殻右邊的螺絲，越接近機後方的效果越佳。 我越買得多地線，越發覺唔夠地線用。 現在電處(一部機要3條先夠, 尚欠一條)、CD 轉盤、 DAC、 後級和 phono amp 都未有 Valhalla 地線用。

心水清的師兄可能已發現我没有提及第5條 Valhalla 用在哪？ 我用的地盒是 Sound Mechanics DC1 和 PX2000 避震板(此板有類似地盒作用或有加強地盒的作用)。 第5條 Valhalla 用在連接兩者之間。


其實試到現在，地盒只接了電處和有地線的兩條 Gutwire X Clef Square 電源線(兩條電源線接CD轉盤和前級)。 我對聲音的要求並不高，現階段已十分滿意。 想再入 Valhalla 地線。 全因心魔作怪，唔用齊唔安樂。 並非有什麼不滿。現在尚欠5條。 我應該買多3條便算。 因太多條原條地線，即太多插， 接柱也沒法接上。

leslie611

歡迎師兄跌落接地呢個毒海

eds60

leslie611 發表於 2016-10-19 13:30
歡迎師兄跌落接地呢個毒海

完全因你

Hungmo

60兄其實已經十二分明白地線同地盒好處
又明白系統樽頸位係邊
未加大地盒都咁明顯, 你話加返兩隻有料地盒會點？
朋友多，緊有人upgrade地盒可以讓俾你
唔試瞓唔着

Hungmo

同埋60兄電處Main cable 係Triple run?

eds60

Hungmo 發表於 2016-10-19 14:13
60兄其實已經十二分明白地線同地盒好處
又明白系統樽頸位係邊
未加大地盒都咁明顯, 你話加返兩隻 ...

可能大地盒都唔係我的 Sound Mechanics手腳。  盒上兩個掣有調聲做用。

之前有朋友放農夫大銀盒。 不過我已滿意，所以沒有買。

Hungmo

eds60 發表於 2016-10-19 14:21
可能大地盒都唔係我的 Sound Mechanics手腳。  盒上兩個掣有調聲做用。

之前有朋友放農夫大銀 ...

試完先講啦

Hungmo

eds60 發表於 2016-10-19 14:21
可能大地盒都唔係我的 Sound Mechanics手腳。  盒上兩個掣有調聲做用。

之前有朋友放農夫大銀 ...

今時唔同往日
你D地線堅咗好多

eds60

Hungmo 發表於 2016-10-19 14:14
同埋60兄電處Main cable 係Triple run?

http://www.stereotimes.com/cable122905.shtml

Hungmo

eds60 發表於 2016-10-19 14:41
http://www.stereotimes.com/cable122905.shtml

堅
不過睇落硬成咁，好難擺位

eds60

Hungmo 發表於 2016-10-19 14:54
堅
不過睇落硬成咁，好難擺位

當年我的架後有3尺空位先到牆。 肉搏了30分鐘先插好。

wildmanhk

60兄的線材，已夠買我全家器材幾次！

smalltiger

leslie611 發表於 2016-10-19 13:30
歡迎師兄跌落接地呢個毒海

60兄有611兄 全力低價供應V1&2地線 ,令60兄無後顧之憂 ,611兄功德無量 , 相信香港很多師兄都流晒口水了 .

smalltiger

eds60 發表於 2016-10-19 13:34
完全因你

恭喜60兄 ,不斷中迷香,正所謂月快樂 ,就月

eds60

smalltiger 發表於 2016-10-19 15:47
恭喜60兄 ,不斷中迷香,正所謂月快樂  ,就月   ...

611兄的 V1 我已接收晒。 我唔夠錢買 V2。

diary_yuan

c hing有無試過每隻喇叭負極各接一個地盒？好想知道效果正面定負面！
其實我都覺得地線一定要多，效果先好！

Davidsky

60兄：你都幾離譜 明明不玩地線地盒！但現在看看你這篇的報告 反而給你毒返轉頭那些二手地線 將會比你搞到很貴

Davidsky

另外提醒60兄你：不要再試！衹怕你在找屎

Davidsky

eds60 發表於 2016-10-19 16:03
611兄的 V1 我已接收晒。 我唔夠錢買 V2。

60兄：611兄嗰啲俾你買曬！我有啊你有冇錢啊

racewong

smalltiger 發表於 2016-10-19 15:43
60兄有611兄 全力低價供應V1&2地線 ,令60兄無後顧之憂 ,611兄功德無量{:5_21 ...

我晨早已經流晒口水了