今天的ANALOG MAGIK示範會完滿結束, 在此先要多謝輝煌音響東哥借出場地及器材. 當中尤以部LUX 509X最為搶眼.

當然更要多謝N&E audio既Edison為大家介紹 這套咁正既黑膠微調軟件Analog Magik.

等我分享今曰既相片比大家睇睇啦。

今天一早我已約好Edison早D上輝煌準備， 包括軟件上的測試， 估唔到我上到輝煌時， 已見Edison比我更早到步Setup.

Setup上我就幫唔到手， 唯有自己先影影今次Event既器材啦。

今次Event示範器材主要與之前既post相同， 不過喇叭就由YG Carmel2, 改為YG Sonja 2.3 最新旗艦喇叭， 而推這對Sonja 2.3就照舊使用Luxman 最新AB類合併機皇509x。

你地無睇錯， 我都無講錯， 就係用這部賣價唔駛六萬既合併機去這對YG。

東哥同我講出這配搭時， 我都O左咀， 但當一開聲後， 我就確定就用這配搭啦， 包保所有會員聽完都會目定口呆

而Edison為左今次Event能完美示範， 在測試DE BAER唱盤與Analog Magik既兼容性用左好多時間， 最終攪到飯都唔得閒食。

開場白又係我鎗王介紹今次Event既由來及介紹輝煌音響東哥出黎， 講解今次Event既示範器材。

而東哥更用左好多時間在介紹Luxman509x既相關技術。

東哥介紹完， 就帶出今次Event既主講者Edison。

而Edison一開始就比首歌比大家聽下先。

一曲完結， 在場個個Hiendy會員都對今次示範既Luxman509x好有興趣， 點解一部五萬幾蚊既合併既控制力可以控到這對YG旗艦貼貼服服。
這示範可以說得上是氣勢與幼勢並重。

聽完歌， Edison就為大家分享這套ANALOG MAGIK既功效與使用方法。

前前後後, Edison齋講都講左90分鐘， 但奇怪係到場既會員都無感到悶場， 反之會員更會與Edison互動分享黑膠調較既心得。 不時又問下問題， 氣氛互動。

結果大家玩到17：00先完結， 足足玩左兩個半鐘, 你地可想而知今次到場既會員都學到好多新知識， 大家都好滿足呢。

https://www.hiendy.com/hififorum/forum.php?mod=viewthread&tid=123571