Acoustic Harmony 這家日本造線廠, 在HIENDY擁有眾多FANS, 理論上真係唔駛再介紹依間廠既歷史, 不過我睇番晒HIENDY咁多年有關Acoustic Harmony嘅REPORT, 好似未有一個REPORT介紹過依間廠. 所以我花少少時間介紹啦.

Acoustic Harmony (AH) 係一間日本線材公司, 佢地主力以生產線材為主, 在家用產品中, 有著低價至頂級的型號供不同預算的客戶選擇.

https://acoustic-harmony.jp/home_products/index.html

除了線材, 他們還有很多配件以及一對好靚好靚嘅GM1 Sophia 分體式喇叭

Acoustic Harmony 的產品亦有汽車類別, 大家有興趣嘅話可以直接到下面條LINK睇睇.

https://acoustic-harmony.jp/car_products/index.html

而AH對於音響線材的理念是不但要高傳真,更需要長時間提供穩定、一致的出色表現. 所以AH喺香港咁多年, 依然有大量粉線支持.

——————————————————————–

介紹完AH間公司, 就講番依兩條線啦, ZXR-1平衡線 與 Z1Y喇叭線.

AH新一代旗艦型號, 全部以”Z”為首, 好似衣條ZXR-1就係平衡線, ZR-1就係RCA, 而喇叭線又分為Z1Y 叉插, 與Z1B蕉插.

而電線方便, 就係之前數字馬田都推介過嘅 ZP-1

堅守原則,但與時並進 – Acoustic Harmony ZP1 電源線

我自己對AH的線材特性一向都好熟識, 大家都知我成日去輝煌搵東哥吹水聽歌, 對於AH的舊款號線材聽, 我一直都覺得AH的調聲是中性偏中低頻, 即係有少少偏厚暖, 但速度爽快嘅線材.

反而新款AH就好少聽, 所以就問東哥拎左兩條AH旗艦返公司測試, 聽下最新嘅AH線材提升左幾多.

———————————————————————-

到手嘅ZXR1與Z1Y係齋線, 即係我無拎到PACKING, 我先談談AH這兩條旗艦的線身. 兩條都係銀白線身, 至於AH使用的接頭一向高品質, 無論係入門型號嘅N系列

或頂級的Z系列, AH對於每個型號線材的插頭都落足心機設計. 當然越高級就越靚啦.

睇番佢地官網,  新一代的Z系列的線芯用左塗有高純度銀的無氧銅, 其他的資料可以攪番佢地官網.

ZXR1
https://acoustic-harmony.jp/home_products/xlr_cable/zxr1.html
Z1Y
https://acoustic-harmony.jp/home_products/speaker_cable/z1y.html

對於線身設計, 我有樣野想讚就係AH嘅線材偏幼身柔軟, 對於香港窄狹家居, 這是十分重要的.

—————————————————————-
今次我用左兩套器材測試這兩對旗艦.

工作室內的RAPTOR + NAGRA + YG

大廳的 BACH + SOULNOTE D2 + ARC REF.6SE , 160S 推屏風3.7i

我先談談工作室內的NAGRA與YG, 而一對ZXR1使用的位置, 我先插在RAPTOR 與NAGRA HD PRE之間, 之後再試下佢駁前後級.
而Z1Y當然係插喺NAGRA HD POWER與YG之間啦.

將ZXR1插在訊源位置, 聽左不同類型的曲目, 聽感是能量感強, 令全頻的質感有所提升, 另外值得一讚係佢今代嘅旗艦, 在高頻表現上比上一代幼細左好多.   人聲一向係AH的強項, 我尤其鐘意佢表現男聲的磁性喉底.

見佢咁強能量感, 我覺得將佢插在前後級的接線, 會更加正. 所以我就將原有用開兩萬幾嘅XLR, 換上ZXR1.

哈哈, 估計沒錯, 中低頻的厚度與彈跳力都有所提升, 但又不影響到中高頻的通透延伸.

在NAGRA與YG的組合裡, 我鐘意使用ZXR1插前後級多D. 表現平均, 又有能量感, 低頻彈性又可以提升.

試完套NAGRA+YG, 我又將依兩對AH拎出大廳, 將Z1Y插在ARC REF.160S 與屏風MAGNEPAN 3.7i之間. 而ZXR1我就插在ARC REF.6 SE與160S之間, 嘅係前後級嘅接駁線.

AH夾上美國ARC與MAGNEPAN 3.7i後, 聽感上比NAGRA更夾, 由於AH強於中低頻的厚度, 這特性令到屏風全頻的質感都提升左好多. 所以我覺得今次這新一代AH旗艦, 佢除左保留了上一代的簽名式中低頻, 她在高頻的分析力與空間感都有所提升.

總結:
早左八年前, 我已經係AH的用家, 當時我都是使用MAGNEPAN 3.7, 加上ARC與BRYSTON. 使用了AH當年的老頂G1B喇叭線, 當年的聽感, 與現在的Z1Y相比, 覺得AH在這幾年取得了重大突破, 因為上一代的AH給人的印象大都是樸實自然, 略偏中低. 但今代無論是XLR 或 SPEAKER CABLE, 在全頻上更平均自然,  空間感與通透度提升至更高境界. 講真以輝煌依家的賣價, 真係好吸引. 加上AH的外觀設計一向精緻美觀, 我諗今次這一代AH依然會大賣呢.

  • 目錄