本帖最後由 白影 於 2010-12-5 00:15 編輯
不盡不實, 超入門級器材, 亂試後的包膠:
今天係家中玩左一整天, 多方面聽沙沙83803跟我本身用既老P 2.5 的分別:
(沒有轉黎轉去, 直接聽條83803, 因為以下聽既野, 我係我條老P2.5, 最少聽過20次以上, 甚至熊貓, 最保守應該都過200次, 哈!)
爆戲: 老變2, 亞凡賊, 未來戰士2018, 功夫熊貓
演唱會: Madona Sticky&Sweet, Sammi Love Mi, David Foster&Friends (HitMan), Andrea - Live in Tuscany
CD: Masksim-The Piano player, 范曉萱-甜蜜眼淚, 趙學而-聽聽, Gregorian - Master of Chant
先講為何我喜歡用老P, 一個字, 平! (我只會用1.5跟2.5, 因為是單支, 7芯的4MM已不是我喜歡既老P)
平得黎, 越煲越有味, 喜歡聽厚潤人聲, 音樂感及帶點溫暖感而又想最經濟的不二之選
(當然亦很可能我試既線太少吧, 呵呵, 不過平線黎講, 我都估我聽左好多了, 哈!)
不過喜歡原味及爽快既人, 老P可能不是你最好既選擇, 而想有氣有力, 好爆的, 老P亦未必可以。
(不過以上只是老P於馬仔6004的表現, 網上討論有樣野我是極不認同的, 就是聽完條線就評價條線既表現, 而且有些更是說到某些線一文不值,
我覺得很可能只是器材之間的特性不吻合, 不應一概而論)
那為何我想轉PC, 因為馬仔本身的特性跟老P太吻合了, 大家應該明我講咩了, 所以不言明了...
找尋一條又好力又爆得, 又要平既PC線, 83803本身都很合適, 但以前試過, 當中某個特徵是完全接受不了, 而放棄了的,
直到收到朋友這條灌沙版83803, 比多一次機會它吧...
看了幾段戲, 結果沒了粗支大葉的致命問題, 而且密度有所提升, 同時保留了力感及不過不失的衝擊力, 是一條少少提升了優點及明顯除去短處的83803..
因為是豬耳及無咁好心機, 不似我朋友聖龍兄可以一段一段地仔細分析了, 我只概括地分析兩者之別
MOIVE:
83803比老P更可用於AV AMP上, 一個字, 爆! AV AMP唔爆得始終係一件比較令人難受的事! 同時都係為何馬仔咁好聽既AV AMP都唔係咁多師兄喜歡用於睇戲的原因吧。但我還是喜歡馬仔, 哈!
punch位明顯提升不少, 音場更大, 更闊, 但少許定位不清晰, 有點亂, 控制力不及老P的老練及細緻, 而且整體耐聽性下降了, 但正常人都唔會同一段反覆睇N次吧, 所以問題不大...
演唱會:
完全是看個人口味的一環了, 各有千秋, 有味的老P一定是我比較喜歡的, 中性而帶點剛性的83803就係娜姐及亞MI中表現出馬仔都可以聽到現代感重的爽快BOM BOM BOM 歌,
但於聽David及Andrea, 雖然明亮左好多, 音場大左, 現場感好左, 而且因為有力左, 推開左D野, 連空氣感都提升左, 但人聲的表現就少了那份老P有的質感及溫度, 食開味精野既我, 唔係好慣, 真係有得必有失吧
不過我估有其他正常人同我一齊聽, 佢地會比較多人投條沙沙83893
CD: (2CH, direct mod)
個人口味問題, 老P大勝, 哈! 人聲溫暖, 帶點柔潤, 對我來說聽歌始終是要令我感動為先, 而不是好力, 分析力, 細緻度, 還原度, 音場, 層次, 定位.... 而是好聽既人聲, 對我來說就最重要了,
但有一隻碟就完全表現出83803既好處, Flight of The Bumble Bee之前於我這套又沒有拉獨立電, 又沒有好拖板, 又沒有後級, 沒有好電之下只單靠6004自己推對前置喇叭, 是死得好很慘的, 簡單慘不忍睹, 異常難聽, 亂到九彩, 無層次, 甚至出現控制力不足而散哂及拆聲...
但用左83803明顯有所改善, 好力到連回塘速度都提升了? 唔知, 只知無咁抄埋一碟, 但隻 Bumble Bee 都唔算好聽, 哈, 幾時先有機會比我再聽到好聽的Flight of The Bumble Bee....
胡說八道完, 如果唔介意, 加個分, 比少少鼓勵, 等有下次我再有力去亂吹一番, 呵呵{:5_99:} |
IP卡
狗仔卡
發表於 2010-11-28 00:19:56
」
」
」
提升卡
置頂卡
沉默卡
喧囂卡
變色卡
顯身卡
