本帖最後由 racewong 於 2013-2-28 11:28 編輯
本來依篇野放在o係隔 離台, 但我驚隔離台會執笠, 所以copy返過黎比自己作個紀錄.
----------------------------------------------------------------------------------
racewong音響系統 (英日組合)
大家師兄好, 小弟一向都o係 av-forums 做開CD-ROM, 不過見好多網友都SHARE一o下自己的組合, 而且又有好多師兄指導等等. 所以都想share一o下我這半年黎既音響歷程...
上年大約12月, 我的器材如下.
NAD 520 CDP + NAD C320bee INT. AMP 當PRE-AMP + KT88 DIY POWER AMP. + EPOS M12.2
至於線材, 全部都係用"鴨記秋葉原".
及後, 經網友推介, 先在線材著手, mogami 3173 RCA + SFH PII SPEAKER CABLE都係好線, 好中性.
十二月中, 再換左對彷FDII腳架 + TAOC PTS-F, 因為係焊死 & 已入鋼沙既關係, 對於低頻 & 定位有一定既幫助.
大約十二月尾, 因為部膽後級借左比朋友, 所以只用NAD C320bee INT. AMP 推EPOS, 但係唔多夠力. 所以換左部 AURA 100LS
力水立即得到改善. 加上 AURA 的獨有韻味, 音質又得到提升.
但到一月頭, 又發覺CDP的分折力唔夠好, 所以買入 LITE DAC-AH & MF X10D. 數碼線就用 APOLOGEE.
換左之後, 一天都光晒, 當時我已經好滿意這組合...^^
但係....音響o既野, 聽聽o下就會身痕. 所以又要大出血囉......
至於之後的器材up-grade, 明天再share.......^^
繼續...............
到一月中既時侯, 上網睇到好多師兄都對CEC既TL51XR的正面評論, 令到小弟又再次身痕. 今次UP-GRADE既目標係 CEC TL51XZ, 因小弟對TOPLOADING的CDP情有獨鍾, 睇番依家既CDP市場, 幾千蚊既TOPLOADING CDP只得CEC可以選擇, 所以就入左部 CEC
之後o係網上面見到有師兄放塊磁浮板, 開頭只係諗住外觀靚仔D, 並唔期望塊磁浮板會對音質有D咩野改善.
部CEC TL51XZ有自己的DAC, 所以我就試o下A/B TEST,
A - CEC做盤, APOLOGEE去LITE DAC-AH -> MOGAMI 3173 -> MF X10D -> AURA 100LS
B - CEC做埋DAC直入AURA 100LS.
A - RESULT, 人聲甜美, 中頻突出.
B - RESULT, 中高低頻都好平衡. 立體感強.
最後都要放棄部 DAC-AH & MF X10D..
到一月尾, 有次朋友上我屋企聽歌, 比左個好好的建議. 就係傢俱擺位, 大家可以睇番我第一個POST & 下面的FLOORPLAN
但當時我老婆好反對"考慮中"的擺位, 咁唯出絕招->有襯佢去行街的時侯, 自已一個搬位....哈哈.
大功告成..
搬左位之後, 個音場平衡左好多好多, 重多左好多野聽TIM..我諗主要因為後牆反射少左, 所以清析左..比多張FLOORPLAN大家睇睇.
繼續..............繼續..............
上文提到搬左傢俱擺位後, 好多好多方面都有正面的改善, 但係有得必有失. 因為無左後牆反射, 所以低頻不足. 咁o岩又比我搵到部"童年夢想"之一 -> ALCHEMIST APD15A MKII, 佢幅裸照大家睇O下先.
兩個大環牛整齊咁放o係兩邊. 線路板及水塘都放得好平衡. 每邊 100w 輸出. 好力水, 但係又不失英國機的獨有韻味.
英國機ALCHEMIST + 英國喇叭 EPOS 果然絕配. 音樂味濃, 又不失分析力.....好滿意.!!! ---> 左兩個月.
--------------------------------------------------------------------------------------------
有日o係網上見到有師兄放對............另一童年夢想 --> KEF 105/3, 十幾年前, 讀書o既時侯, o係德發地庫聽過佢播"悲情城市", D震撼感到依家都重記得.
最重要係賣家真係好愛護依對KEF...用左九年, 依然好似新既一樣. 所以立即買入.
開開心心咁搬到返屋企後, 立即駁喇叭試聽.
一聽之後, 情緒立即由高漲去到低落...
點解"玉智浩二"比人用"麻布袋"凹住黎唱歌呢.?
最後無辨法, 唯有打返電話比個賣家查詢, 得知此speaker一定要用"幼線"才可出聲. 重建議用 QED 25th. 平靚正喎.
咁唯有去買條試試啦....最後好彩都正常番..
最後比多張的依家既全家福..
當然中間有好多網友幫手調聲, 包括線材, 喇叭擺位等等.....所以話, 多識幾個高手, 真係學多好多野架...
--------------------------------------------------------------------------------------------
又換喇叭.
前前後後, 半年內換了第四對喇叭....>_<
KEF 105/3 真係一對好喇叭, 但礙於小弟的AMP唔夠力. 所以玩唔到....
最後都係決定放生佢....
咁我又考慮到, 如果要買新既喇叭, 一來BUDGET有限, 二來又想玩座地, 三來又驚新喇叭同我原來的器材 & 線材唔夾.
左諗右諗, 有兩對SPEAKER係我的目標,
1) JMLAB 816V (二手)
2) EPOS M16
如大家有睇開我之前的POST, 都知道我係用開EPOS M12.2, 當時我其實好滿意EPOS的表現, 但略嫌低頻不足. 所以經過好多網友的分折後, 最後都係重投EPOS的懷抱....^^
因為新喇叭的關係, 所以又要煲佢九九八十一日先再比REPORT大家....^^
--------------------------------------------------------------------------------------------
又換新野...
自從比網友部 spark 300B毒親後, 決定快放部ALCHEMIST. 之後慢慢搵AMP.
考慮左大約一個星期, & 試聽左兩次. 決定DOWN GRADE去山靈 A40 MKIII,
不過真係唔到你唔信, 部山靈既 50W CLASS A (唔知真定假, 我都係聽聲收貨)真係可以出到 CLASS A的音質 & 密度. 至於動態唔係輸比KT88 膽機...^^
所以我這半年的UP-GRADE器材, 反而覺得最BEST BUY係部DOWN-GRADE左既山靈AMP...^^
--------------------------------------------------------------------------------------------
哈哈...無錢UP-GRADE器材. 又可以靜一靜, 諗一諗自己屋企既聆聽環境如何作出正面既改變. 昨天經好多網友既正面建議. 例如: CD架既位置, 喇叭既位置, 皇帝位既位置...等等..回家後立即試搬.....^^
不過搬完之後, 比老細發現左....又"哦"左一晚, 所以無試聽有無改善, 希望有啦...今晚返屋企再試聽. 明天交REPORT比大家...@~@ 比多個新floorplan比大家睇睇.
--------------------------------------------------------------------------------------------
~同大家分享一下~
自從買左部DAC後, 一直我都唔係太滿意佢既表現. 因有用開依部DAC既師兄話輸出db效到"0"先係最好聲, 但我試左好耐都係"拆"聲. 一定要將db較到"-8"以下先正常番(無"拆"聲, 但唔代表靚聲).
當時我不斷o係部新DAC既db上既數值上"研究". 又o係條"同軸線"上研究, 攪黎攪去都係唔好聲, (同之前只用部CEC TL51XZ既DAC比較).
尋日見有時間, 打比一位前輩詢問有關"拆"聲問題, 得知原來當部DAC輸出過大既時侯, "拆"聲現像係正常既, DAC既DB輸出數值係要配合番部前級. 所以唔需要太執著幾多db...好聲就得.
咁我就唔駛再煩db既問題, 昨天回家後第一時間set到個db去到-20, 之後慢慢調教. 最後都係覺得 -13係最好聲.
之後就到喇叭擺位啦. 首先用"定位師傅"既方法, 但唔成功, 因為我既聆聽環境唔係正長方形 / 正方形, 所以比較難以此方法搵到 room coupling point. 咁我唯有用自己既耳仔, 將喇叭推到離後牆2尺, 之後半尺半尺咁移前, 當移到離後牆四尺既位置, 音場既深度/闊度, 人聲既定位立即浮現. 再將喇叭既toe-in調教到與皇帝位成三角型. 音色/質密度, 人聲樂器既定位清晰番晒. (見圖)
依家終於可以做番之前 M12.2既感覺, 就係~~音樂滿屋~~...
好開心...唔駛點駛錢, 可以有大約 50% 既改善....真係 50%呀....無吹水架...
你地如果得閒, 可以上黎聽o下我套cheap cheap器材既表現...^^
在此多謝咁多位師兄既指教 & 建議......^^
--------------------------------------------------------------------------------------------
又有新玩具...^^
這是之前塊磁浮板...
之前塊磁浮板既改善, 主要係增強空氣感, 立體感.
有次因為要借塊磁浮板比朋友一日, 發覺無左塊板後, 聲音好死沉沉, 無生氣.
咁我先知道分別在於"空氣感, 立體感.",
其實新既磁浮板同舊果塊既聲效係一樣架...
只不過係靚仔好多咁解... :love2:
--------------------------------------------------------------------------------------------
又有新玩具.....!! ACCUPHASE耀眼既"錶板"
ACCUPHASE耀眼既"錶板"第一次o係我屋企開著...心情真係好興奮
--------------------------------------------------------------------------------------------
又有新玩具..!!
金仔 C-280L
--------------------------------------------------------------------------------------------
哈哈...比你講中晒啦.
多謝咁多位師兄o係過去一年既指教. 令我明白到音響為何物...
今後小弟會暫時放棄音響.~~ 吐現cash養BB仔...
祝咁多位師兄...日日有歌聽, 越玩越精彩, 中毒越黎越深....^^
最後送番張囝囝既BB版葉問相片比大家
--------------------------------------------------------------------------
之後既報告, 可以睇番
<<完金夢>>
http://www.hiendy.com/hififorum/ ... D121%26typeid%3D121
<<goldmund之旅>>
http://www.hiendy.com/hififorum/ ... D121%26typeid%3D121
|