老一輩的屏風用家流傳著一個定律, 膽後推屏風才是皇道。
這定律相信與香港音響界的傳奇人物[定位李]有關。
有關[定位李]前輩的故事, 大家都可以在網上找到相關資料, 在此不再詳述。
而我這兩聲道餅主, 一向尊師重道, 前輩們的金科玉律, 一定係由無數經驗累積而來, 錯不了! 所以我第一塊屏風1.7, 就是使用ARC Ref.110推動。
自從升到上3.7後, 因一直搵唔到二手ARC REF210, 所以就不斷試石機, 由Passlabs XA100.5, 到Bryston 7Bsstc. 之後再不斷借機測試, 全部都係以石機為主。
在我的試機生涯, 過千火的後級都試過幾對, 但大火數的膽後始終無緣進仕鎗宅。
一直至到上星期, 收到Nelsen PM話造左部大力膽後級, 拎比我試試推屏風的表現。
YS AUDIO的膽機一向比我的印象強於唱放及前級, 或細火數膽後級! 反而大力後級唔多見Nelson推廣。 所以今次見Nelson送機上門, 我即時問佢對後級幾多火先? 用咩膽先?!
NELSON既回覆令我十分興奮, 每邊6支KT120, 能輸出300火威力既膽後真係令我好期待。
二話不說, 約好Nelson送機日子。
當晚見到Nelson落車, 推著四個大紙箱! 奇怪問下佢點解係四箱?! 對後級唔係要分體呀?! 我屋企無位放喎。
好在Nelson既答覆係: 知你搵緊唱放, 咪拎多部Balance P2 Phono比你試囉。。
WOW。。。得老友如此, 乎復何求呢。
喺今次既報告裡, 你地唔會見到我既開箱post, 因為細心的Nelson知道我屋企無位放咁多個紙箱, 所以幫手搬完上架後, 就拎番D盒返公司。 咁既代理, 喺邊度搵呀!
當然. 駁好晒機, 我點都要播番兩首歌比Nelson親耳聽下這對300s推屏風3.7時的表現如何。
第一次招呼Nelson, 我就拎左我全屋最貴既唱片, Mozart 20, 21 Piano Concertos 玻璃CD黎招呼Nelson. 點知播左都無三分鐘, Nelson就問我有無Krall姐既CD, 因為佢聽慣Krall姐把聲, 所以我就拎左隻The girl in the other room黎招呼佢!
聽左兩首歌後, 佢個樣話比我知佢好滿意這對300s推屏風既表現! 見住佢個咀角微微戚起, 起身睇下我既器材。 就咁, Nelson就帶著滿足的笑容離開了我屋企!
好記得當晚我自己一個喺廳, 聽著林憶蓮隻新碟! 第一首接近清唱的一段, 林憶蓮把聲真的把我醉到。
一直以來, 我相信膽後夾屏風對於中頻水份有著極大幫助, 這正是我預期的反應。 但現在這YS AUDIO 300S配搭屏風的表現, 實在遠超我預期!。 中頻既水份, 膽後既空氣感都無需多講, 最令我驚訝既係佢既立體感, 人聲樂器既線條! 聽憶蓮第一首[李香蘭], 強烈既立體感令我興奮到即晚就出左個Post分享喜悅。
說真的, 這份強列既立體感從未在我家出現。 加埋人聲水份的微細感情細緻演出, 我越聽越興奮, 越興奮就越驚。 今年我用左好多錢買黑膠碟了, 我唔想再洗錢呀.
說真的, 在鎗宅, 未曾使用過本地品牌的膽後級, 原因都係因為我對屏風太大食, 要推得出屏風應有的速度氣勢, 無250火每邊都休想推得我滿意! 今次我第一次試用Ys audio Balance P2, 每邊擁有6支KT120膽, 兩部合共12支. 在現在的夏天季節, 的確好鬼熱, 加上我再將佢地放入Solidsteel底層, 熱上加熱!
不過好在我習慣聽歌的時侯開冷氣, 所以熱力方面我並不太擔心。
頭幾日我只能在深夜時份聽下聽小品, 直到上星期四端午節, 有機會測試爆棚古典及一些Rock。 聽感上的確與我對Bryston好唔同。
先講下Rock, 平常膽後比石機會少了點狠勁, 激情, 尤其係中低頻打擊的力度, 分別應該幾誇張。但這對300S喺低頻力度與量度, 比7B更為實淨, 量感更豐滿.
另外低頻速度最為令我驚喜, 佢既速度只係輸比石機少少, 播放Rock時的狠勁都過到關。
我想說, 屏風其實播Rock都可以好好Feel, 但首要係部後級要夠力, 當部後級夠力控制到對屏風後, 聽者只會越開越大聲, 越大聲越過引。 而當我用這對300S推我對屏風時, 聽Live in Japan我竟然張音量調至新高點(80). 當開到80時, 我一D都唔覺噪吵, 只係越聽越過, 尤其係電結他的速度感, 簡直係超爽呀。
試完Rock, 到聽古典, 膽後的強勁個性立即表露無遺, 絃樂既質感, 靭力, 張力都表達得淋漓盡致。 至於古典迷最關心既音場大小深闊, 這對300S的確比我對Bryston更有優勢。
測左咁耐, 我個總結係, 論力量論音色, 這對300S的確在我部7Bsstc之上。 如果我是一般發燒友, 理論上我應該比左錢Nelson, 將佢據為己有。
依家我還要考慮換膽問題, 因為對屏風實在太大食, 以我平時聽歌的密度, 我諗好快就會扯乾12支KT120膽了。
加上對YS AUDIO 300S實在重料, 平時測試後級時, 一個人搬佢實在太痛苦, 所以我實在要認真考慮考慮。
除非。。。。。
Mono 實價 :$56,000
http://www.hiendy.com/hififorum/ ... hread&tid=96015 |
IP卡
狗仔卡
發表於 2016-6-22 01:10:20
提升卡
置頂卡
沉默卡
喧囂卡
變色卡
顯身卡
發表於 2016-6-22 01:25:18
