本帖最後由 gary9413 於 2016-11-12 19:14 編輯
一年前首次接觸 R2R ladder dac ,(totaldac, rockna, metrum), 之後愛上, 在能力內敗了部Metrum Pavane, 及後至上月因某種原因要downgrade 賣機, 機賣出, 無機用, 想揾部萬五樓下嘅機, 揾二手, 留意新機, 其實幾難下, pavane 係同價位下實在好聲, 高密度, 微動態, 歌者聲音上變化都比我以前用過嘅金仔dc-37要好, 無法, 又無能力上totaldac, rockna, msb, 唯有求其揾部聽, 應該好快忘記, 其實係幾個月前都有留意過Holo泉, 又r2r, 又硬解到dsd, 今次原本都在考慮之列, 但最近上國內各forum 大多評價唔多好, 有的又說數據差, 有的又説流暢度比mytek還差, 嚇得我無再唸, 及後上代理工作室試佢另一tube dac , 小試2首歌後, 叫佢開部泉聽下, 當然之後無再聽部tube 解碼, 因為一種好熟適嘅r2r 特質又返嚟, 代理說呢部係銀牛版, 但因Jensen電容短缺, 呢部只是用上普通嘢, 亦係全港第一部upgrade咗 audionote 纯銀數字隔離牛, 我用Aes入,所以啱使, 最後主持人在半推半就, 半情不願下比我抬走咗部機, 亦應承電容有貨再幫我換!!
原本無唸過寫任何嘢, downgrade有乜好寫, 又唔係upgarde可以曬下, 但係我聽咗幾日, 真心覺得好聲, 可以介紹比比較大眾玩家, 亦想講可能利益關係國内forum好多聽感都不可信, 我在同樣器材,線材下, "泉"可以話接近pavane質素, 佢有着同㨾十分流暢聲音, 中頻密度佳, 良好分隔度, 三頻平均, 其實賣岀pavane後, 入手泉中間, PWD mk2 曾短暫停留, 舉個例子, 我用pavane 及 "泉"播放Adele - someone like you, 佢地都能夠正確詮譯到歌者把磁性聲音,感情力度, 而pwd mk2 係呢方面係硬係争小小, 可能呢個就係r2r 同 delta -sigma分別, 亦係我鍾情r2r嘅原因, 現在機還新及還未升級電容, 我相信還是有進步空間, 全升級的"泉"約小於pavane的1/2價錢, 以聲音質素計我絕對收貨 |