大家睇開我既REPORT, 都知道我唔係只玩貴野. 間唔中都會推介D 我覺得平靚正既器材, 配件比大家.
今天, 就是比部OPPO 203SE感動到我.
玩開兩聲道, 我一向對OPPO無甚認識, 自從上次測試完OPPO就SONICA DAC後, 就開始對OPPO有所改觀.
詳情可以睇番:
racewong report - Oppo Sonica DAC
兩星期前, 收到百事佬ORDER, 叫我為10月7日的[最新 OPPO UDP-203SE 歐酷升級版示範] 準備幾隻靚聲CD, 因為今次SE版主力係[摩]左兩聲道果PART.
收到ORDER後, 我就諗起NEW CENTURY 出左隻蔡琴-[老歌] 玻璃CD, 正好為今次的OPPO 203SE示範播放. 在此要多謝NEW CENTURY老闆ALLAN.
而我自己都準備了一張MOZART NO.20 NO.21玻璃CD及一些白版HQCD比大家欣賞.
好肋, 到了10月7日示範會, 開始時OPPO代表OWEN詳細講解OPPO 203SE所提升的每個部份, 由機殼開始, 一直去到IEC插後, 短短的電線. 提升的部件可唯將整部OPPO 203換得既零件都UPGRADE晒. 超勁! 比D相片大家睇下啦.
當然, 玩得耐既發燒友當然知道, 調較聲音並不是將所有補品放晒入部機就會好聲. 聽OWEN講, 今次OPPO 203交左比大間台灣公司, 名稱是: [OH! COOL]. 佢地今次PROJECT既目標係要令原裝203在空間感與中頻的厚度與分析力作無極限提升.
由於OPPO講到部203SE咁堅, 我地就搵左專業影音借場借機, 話就話示範會, 其實我的目的係使用最頂級的器材去配搭OPPO 203SE, 睇下佢可以去到咩境界.
專業影音今次就借出DAN D'agostino 頂級前級Momentum 與 Progression mono block, 推對FOCAL SCALA V2.
訊源方面當然係用OPPO 203SE啦.
開始的時侯, 我地已經諗住玩盲測, 使用[人聲低音炮CD]去試下在場咁多會員, 喺唔知邊部係SE版的情況下, 聽唔聽得出邊部靚聲D呢.
結果係: 全部都聽得出SE版比較靚聲, 到場的會員都一致認同, 203SE版勝在音場的大, 臨場感足, 全頻線性平直, 中頻厚度與分析力都贏得好明顯.
玩完盲測, 當然係要使用OPPO 203SE聽下靚碟啦, 喺第一場, 我仲即場幫隻全新[蔡琴-老歌]玻璃CD開封. 仲有我自己隻MOZART NO.20,21 玻璃CD, 個個會員都聽到合埋晒眼咁, 幾咁陶醉.
由於我拎左隻蔡琴返屋企咁耐都未開封, 所以我都係第一次聽依隻琴姐既玻璃CD, 講真, 喺203SE加埋DAN D'AGOSTINO同FOCAL的合力下, 在場無人會估到一部只賣9K唔駛既OPPO宇宙盤, 可以出到咁靜, 咁立體, 咁有血有肉, 充滿感情的聲音.
而聽MOZART玻璃CD, 203SE既分析力與深闊既音場得以發揮得更全面. 如果以一萬蚊樓下的CDP, 我諗都幾難可以全面贏得到依部203SE.
後記: 網上寫評論, 好多時都係單方面, 只得我自己聽過, 或有時兩三個朋友黎我屋企聽過. 你地睇既報告都主要係我自己的聽感.
今次, 依部203SE令在場所有人, 無論係專業影音的員工老闆, OPPO代表以及眾多位會員, 都覺得以聲論貨, 兩個字 - [超值].
如果有網友正考慮購買一萬蚊左右既CDP, 我首推依部203SE比大家. 包無介紹錯.
定價: $8999
查詢熱線:3188-1720 (聲耀全音)
|