找回密碼
 新用戶註冊
搜索
熱搜: hifi av 音樂
查看: 49142|回復: 133

[官方測試報告] racewong report - 獨立電箱與獨立線: AUDIOLINK

[複製鏈接]
發表於 2017-11-17 07:57:48 | 顯示全部樓層 |閱讀模式
一切, 又要講番我初燒的時侯.

大約十年前, 我還住在大角咀時, 與一般發燒友一樣, 屋企裝修未有諗過要玩音響, 所以對咩叫[獨立線]只係限於冷氣機因為大火數, 所以一定要拉獨立線比冷氣. 及後, 發覺越燒越勁, 開始留意拉獨立線對音響的重要性. 但礙於唔知喺邊度搵專業師傅拉線, 唯有希望電處可以幫到幾多得幾多.

七年前, 新居入伙, 全屋間隔都可以自己話晒事, 所以就間左個13.5尺 X 16.5尺的廳玩HIFI, 當然, 新裝修, 我都有叫幫我做電工既師傅, 由總電箱拉左三條獨立線到放擺音響器材後的牆上. 當時我在網上搵到的入牆線資料, 大都建議使用"派拉利"4mm. 最終使用了三組派拉利入牆.

WhatsApp Image 2017-11-15 at 16.03.23.jpeg

IMG_1277.JPG

開始時, 你地唔好諗住拉左獨立線會立即有明顯提升. 講真, 由裝修完之後的半年, 我屋企的聲音簡直衰聲到爆. 開頭仲以為係器材與喇叭擺位問題, 所以果段衰聲期間, 我換機的次數超密, 一直換機換到我玩ARC後先停下來. 依家諗番, 喺依段換機的日子, 不經不覺都有大半年了. 極有可能係條入牆線需要九個用的煲練, 才能發揮正常表現.

由玩ARC + 屏風這組合玩到依家, 玩過/測試過的電處多不勝數, 無錯, 有料的電處的確可以為你套組合強勁提升[寧靜度], [分析力], 空氣感, 有D使用後更可以加強後級的控制力, 又有D可以提升低頻線條層次感, 中頻厚度水份等等...

當時, 我心諗我已拉三條獨立線, 只需再搵多個合心水的電處就可以完成[電]這問題. 可惜, 上個月, 一個獨立電箱的POST, 引起我的好奇, 一個獨立電箱, 與我本來的三組獨立電線, 會有甚麼的分別呢? 以我有限的知識, [從主電箱拉獨立線] 與 [分電箱拉獨立線最大分別有幾點:

1) 獨立電箱可以提高空間分隔
2) 獨立音響漏電制不用再比家居電器干擾
3) MCB 升級左音響級.

今次因利成便, 我打電話比一個在香港攪電攪到起晒朵既老友, AUDIOLINK老闆PHILIP, 問下佢既建議. 唔問由自可, 一問完. 第二日佢就過左黎我屋企幫我睇位...

經睇位後, 佢有兩個OPTIONS比我選擇.

1) 從舊電箱的MAIN, 拉出獨立線到新電箱與MCB與漏電制. 經過這從MAIN電分流去新MCB再駁番去我本來已入牆的派拉利4mm電線, 出番我原來的牆蘇.
咁攪法係最經濟的提升方法. 因為從主電箱的main拉左條獨立線去新電箱, 咁就可以減少在屋企其他電器在主電箱內, 干擾到比hifi的獨立線.



2) 拉明線, 從舊電箱的MAIN, 拉出獨立線到新電箱與MCB與漏電制, 再直出新線到新牆蘇. 咁就真係最切底的方法. 至於拉幾多條, 就要睇下你既器材多與少. 好似我咁又mono block, 又玩黑膠, CD與CAS. 我就拉左四條獨立線, 即四個孖插牆蘇.



聽左價錢後, 我見OPTION2最終方案都係喺我射程範圍, 所以就決定安裝最頂級套餐, 四組獨立音響及FUSE, 四組獨立線與四個牆蘇, 而四組線當中, 我使用了冷凍銠鉑金與冷凍金各兩組.

今次的PROJECT最令我頭痛係要我清走兩個LP櫃, 兩個CD架, 一個音響架. 好在老友PHILIP晨咁早已經黎到我屋企幫手搬櫃啫. 否則我真係唔知點算.

IMG_1289.JPG IMG_1282.JPG IMG_1285.JPG IMG_1286.JPG IMG_1275.JPG IMG_1273.JPG
IMG_1288.JPG


搬清晒櫃, AUDIOLINK專用電工師傅就拎晒工具到場, 準備開工. 開始時我估計佢地都係攪一個早上, 點知攪到11:00都只係攪完個電箱, 仲未拉線到牆蘇位. 問番D師傅, 因為PHILIP 講左佢地的裝工一定要好靚仔, 所有安裝都唔可以整花任何牆壁, 所以佢地每個工序都要小心處理. 我聽完佢地的解釋後, 就好安心咁比佢地慢慢攪. 我就坐喺度上HIENDY同你地吹下水.

工程由10:00 - 13:00, 已經拉左獨立線, 及初步安裝左牆蘇底. 等師傅食完飯返黎攪埋駁線就攪掂. 比D靚仔相片比你地睇下先.

IMG_1295.JPG IMG_1296.JPG IMG_1301.JPG IMG_1298.JPG

全個安裝大約需要4-5小時, 雖然係明線拉線, 但師傅們的手功靚仔到爆, 起碼我老闆無炸型. 仲話幾靚添....哈哈.
即晚等老婆仔仔訓晒教, 我就開始測試一下這次咁大動作的UPGRADE, 可以提升幾多.

我用我最近聽開的黑膠VINCENT BELANGER {PURE CELLO}去感受下分別. 頭一分鐘, 我咀角開始微笑, 這根本是三個班次的事.

20171021_134425.jpg 20171021_134437.jpg 20171021_134444.jpg

我好簡單的打個比喻.  一個人勁肚餓, 你估佢會選擇要兩大碗香噴噴既白飯, 或是一件好精緻的壽司?

大家知道[電]對一套音響的重要性, 但我地好多時都忽略了電的來源, 成日都以為搵部好D既電處, 就可以解決[電]的問題.

我知有好多網友既屋企都係租屋, 客廳的所有電制都係以[手握手]方式, 先唔好講咁多家居電器的干擾, 在電流方面已經係一個好大的問題. 比你買個十幾萬既電處整靚晒D電又如何, 原來本來的電流根本係嚴重不足, 喺電流不足的情況下, 你D器材根本食唔飽. 可發揮的潛力就會大打折扣.

至我的聽感大致與上述比喻相同, 當我使用新電箱新插座後, 全個音場密度飽滿左起碼20%, 原來我套機仲可以有20%提升. 果一刻, 我勁感動. 空間密度提升, 音場的深闊得以再度擴展. 本來屏風的音場已經可以包圍到皇帝位前三尺位置. 攪左獨立電箱牆蘇後, 音場的包圍感已可以包到皇帝位後面, 音場闊左, 但密度增加, 勁HIGH囉.

諗諗下, 上文講過話[兩碗白飯]的比喻, 好像有D唔係咁啱, 應該係話兩碗經過多位星級廚師精挑細選後的兩碗白飯來得貼切.

當大家攪完獨立電箱與獨立線, 夠晒力比你套組合時, 先慢慢再選擇合適的電處, 將電源再度優化. 咁先係玩電既最終方案呢.

而我, 自從賣左部ISOL-8後, 仲未搵到合適電處....等我煲多陣個電箱, 再慢慢搵合適既電處先.

最尾都要多謝AUDIOLINK PHILIP既幫手, 令到今次的工程十分靚仔, 我老闆都好滿意.

當然都要再次幫佢賣下廣告啦.

工程: AUDIOLINK
聯絡電話: 98364026 / AUDIOLINK MR LEUNG

評分

25

查看全部評分

發表於 2017-11-17 08:02:51 | 顯示全部樓層
板主可否pm audio link 聯絡方法!
thanks
回復

使用道具 舉報

發表於 2017-11-17 08:04:04 | 顯示全部樓層
家中安裝「毒辣電」是一個極重要的基建,若家居環境和老細容許,一定要做!  

評分

1

查看全部評分

回復

使用道具 舉報

 樓主| 發表於 2017-11-17 08:12:56 | 顯示全部樓層
frankiechun 發表於 2017-11-17 08:02
板主可否pm audio link 聯絡方法!
thanks

OH....SORRY! 漏左佢電話添..

98364026 / AUDIOLINK MR LEUNG
回復

使用道具 舉報

 樓主| 發表於 2017-11-17 08:15:26 | 顯示全部樓層
CKKeung 發表於 2017-11-17 08:04
家中安裝「毒辣電」是一個極重要的基建,若家居環境和老細容許,一定要做!    ...

我都估唔到我舊時果三條獨立線原來咁[流]

AUDIOLINK今次的新電箱與獨立線, 一開聲唔駛煲, 已秒殺了舊有的派拉利...

回復

使用道具 舉報

發表於 2017-11-17 08:46:19 | 顯示全部樓層
最初整"派拉利"4mm的確係細咗d
回復

使用道具 舉報

發表於 2017-11-17 08:46:36 | 顯示全部樓層
本帖最後由 smalltiger 於 2017-11-17 08:50 編輯
racewong 發表於 2017-11-17 08:15
我都估唔到我舊時果三條獨立線原來咁[流]

AUDIOLINK今次的新電箱與獨立線, 一開聲唔駛煲, 已 ...


當年(10年前)我整獨立電箱,靚跳製,30A頂級鍍鋅銅線,靚牆蘇,果時網上師兄們大吹派x利4mm單枝芯點中性好用,我極不同意,如果一般器材果條1.5米貴價電源線都有明顯效果,牆身果10幾米用靚線點會冇大改善呀,只要條牆身線音色夠中性,極對有驚喜

評分

1

查看全部評分

回復

使用道具 舉報

發表於 2017-11-17 08:50:41 | 顯示全部樓層
鎗王我同你一樣總掣拉左兩組出來入牆線用派拉利. 睇完你報告即係我都要造PACKAGE 1(工程是否包人工和料)?
回復

使用道具 舉報

發表於 2017-11-17 08:54:07 | 顯示全部樓層
二萬幾,對餅主來講,九牛五毛,濕濕碎啦
回復

使用道具 舉報

發表於 2017-11-17 09:00:30 來自手機 | 顯示全部樓層
請問你的牆穌是否英式防水穌或是豬咀?
回復

使用道具 舉報

發表於 2017-11-17 09:02:41 | 顯示全部樓層
本帖最後由 CFLaw 於 2017-11-17 10:22 編輯

英國灰武士入牆線
獨享版主級服務
回復

使用道具 舉報

發表於 2017-11-17 09:11:54 | 顯示全部樓層
鎗王兄,請問主電箱去hifi電箱是用那款電線?
Hifi箱去牆蘇又是用那款電線?
thx
回復

使用道具 舉報

 樓主| 發表於 2017-11-17 09:36:12 | 顯示全部樓層
澳門客 發表於 2017-11-17 08:46
最初整"派拉利"4mm的確係細咗d

所以依家咪好後悔囉....

白白浪費左六年時間聽依三條派拉利....
回復

使用道具 舉報

 樓主| 發表於 2017-11-17 09:37:05 | 顯示全部樓層
Sohappy 發表於 2017-11-17 08:50
鎗王我同你一樣總掣拉左兩組出來入牆線用派拉利. 睇完你報告即係我都要造PACKAGE 1(工程是否包人工和料) ...

YES AR....你自己打去問詳情啦.
回復

使用道具 舉報

 樓主| 發表於 2017-11-17 09:37:33 | 顯示全部樓層
hksarac 發表於 2017-11-17 08:54
二萬幾,對餅主來講,九牛五毛,濕濕碎啦

又唔好咁講, 叫做比得起啦.
回復

使用道具 舉報

 樓主| 發表於 2017-11-17 09:38:25 | 顯示全部樓層
tarantino 發表於 2017-11-17 09:00
請問你的牆穌是否英式防水穌或是豬咀?

牆蘇使用ABL鍍銠白金兩個, 黃金兩個.

共四組.
回復

使用道具 舉報

 樓主| 發表於 2017-11-17 09:38:53 | 顯示全部樓層
CFLaw 發表於 2017-11-17 09:02
英國黑武士入牆線
獨享版主級服務

我用四條灰武士喎.
回復

使用道具 舉報

 樓主| 發表於 2017-11-17 09:40:13 | 顯示全部樓層
Ray@_@ 發表於 2017-11-17 09:11
鎗王兄,請問主電箱去hifi電箱是用那款電線?
Hifi箱去牆蘇又是用那款電線?
thx ...

總電箱去HIFI電箱係使用AUDIOLINK獨門線材.

Hifi箱去牆蘇就使用灰武士.
回復

使用道具 舉報

發表於 2017-11-17 09:45:25 | 顯示全部樓層
racewong 發表於 2017-11-17 09:38
我用四條灰武士喎.

版主永遠是對的,  大大過 LIKE
我時常譯錯 !
回復

使用道具 舉報

發表於 2017-11-17 09:45:40 | 顯示全部樓層
你個癲佬,四條灰武士好撚葡萄
回復

使用道具 舉報

您需要登錄後才可以回帖 登錄 | 新用戶註冊

本版積分規則

Archiver|小黑屋|聯絡我們|刊登廣告|Hiendy.com 影音俱樂部 一個屬於音響愛好者的家

GMT+8, 2024-3-28 22:22 , Processed in 0.047271 second(s), 20 queries .

Powered by Discuz! X3.5

© 2001-2023 Discuz! Team.

快速回復 返回頂部 返回列表