自從我使用AUDIO RESEARCH CD8到依家, 我承認我係偏愛[膽]放大的CDP.
係咪玩音響最耐, 就會越愛上[膽]味? 係咪同黑膠一樣, 越燒得勁, 越愛上黑膠? 以我只得十一年的燒齡, 我只能估計到兩個中文字 - [模擬].
當日我拎左部EAR ACUTE CLASSIC返屋企後, 聽左幾首歌, 就忍唔住出左個開箱POST分享. 點解我會咁開心?! 咪就依我在這部EAR ACUTE CLASSIC搵到一份比CD8更ANALOG的聽感囉.
上網睇番EAR的資料, 原來2008年已經出左部叫EAR ACUTE CDP, 不過就無USB輸入. 一直去到2012年, 依部ACUTE CLASSIC CDP先加入USB輸入功能, 其解碼用上Wolfson WM8741 DAC晶片, 可處理24/192檔案. 當然, ACUTE CLASSIC會比2008年的ACUTE CDP略貴啦.
先分享開箱相片
拎部EAR ACUTE CLASSIC出黎, 手感好重, 睇佢個外觀, 你一定估唔到佢有8KG重. 但佢既重量算係好平均, 無話偏重邊一邊.
面板就一貫EAR的鍍鉻鏡面厚金屬板, 由左至右, 先會見到一個6.3mm Headphone插座 (不過我無耳牛, 暫時試唔到個耳擴), 隔離就係一貫CD機應有既按鈕, 最後就係有個SOURCE按鈕. 見到依個SOURCE按鈕, 即係話佢有幾組輸入啦.
中間一個大顯示屏, 過隔離就係一個大VOLUME制, 依個VOLUME制堅到爆, 我一陣再慢慢講.
機背, 一組RCA輸出, 一組XLR輸出, 仲有三組數碼輸入, 分別係同軸, 光纖及USB, 前文提到佢可以解到24/192 FILE.
不過有樣野要提一提大家, 這部EAR ACUTE CLASSIC係無任何數碼輸出, 可想而知, 設計師對佢內部的解碼幾有信心.
大家唔好似為外觀上一貫EAR簡約作風, 入面應該無咩料到, 咁你地就錯晒啦.
你地都知EAR最出名的器材除了PHONO外, 當然係佢地既膽前後級啦. 至於膽機好唔好聲, 完全取決於佢隻牛牛同使用既[膽]. 今次依部EAR ACUTE CLASSIC CDP,
入面使用了兩粒ECC88膽仔
及兩隻２只D/A Low signal boost transformer. 輸出方面, 都用埋兩隻輸出牛, 令到佢既輸出高達5V. 
5V輸出, 基本上佢可以作前級使用. 所以佢個VOLUME制就係比你, 可以慳番部前級. 用這部ACUTE CLASSIC直推後級.
測試器材:
我為左測試依部EAR ACUTE CLASSIC, 專登去VOLENT AUDIO借左部ANTIPODES EDGE返黎. 另外前後級及喇叭, 都係使用番我自己套ARC REF.5se + Bryston 7bsstc + Magnepan 3.7.
線材方面, 除了最新的TELLURIUM Q BLACK DIAMOND XLR作前去後級的接線外, 其他都係一樣.
部EAR ACUTE CLASSIC的電源線我就使用Absolue Creations Versailles PC, XLR就用番我條至愛GURU樂.
由於依部ACUTE CLASSIC喺悠揚已經煲左幾個星期, 今次拎到上手既ACUTE CLASSIC就唔駛再煲, 立即可以試聲.
我仲好記得當日我聽左兩張CD, 已經忍唔住要喺HIENDY出POST分享我的喜悅.
新年個個都開箱， 我都唔執輸開番部EAR ACUTE CLASSIC CDP先
如果大家仲記得我篇 ARC小說 我愛上ARC CD8就是她的音樂感與質感. 我當時形容CD8就好像聽緊黑膠一樣咁有質感, 連貫性強.
點知, 六年後既今日, 比我遇到依部EAR CDP, 佢既質感與連貫性, 完全秒殺左我部CD8. 其實睇番佢入面既佈局, 用到四隻牛牛加一對ECC88膽作放大, 已經估到佢既模擬味道極強. 只是估不到我部CD8全無招架能力.
當我聽番DIANNA KRALL既CD時, 與我套黑膠組合比較, 論質感一D都唔輸蝕. 音色比我套黑膠更令人討好更順滑.
由於依部EAR ACUTE CLASSIC的質感極強易與連貫性極強, 所以聽任何類型的曲目都能夠好容易令人投入歌曲意境.
好啦, 講左佢咁多優點, 咁佢有D咩缺點先?!
hmmmm...如果只係講佢播放CD, 我真係未搵到佢有D咩缺點喎. 所以我試完CD後, 就要試下佢的數碼輸入。
我用部Antipodes EDGE作Music sever，嘗試了同軸及USB輸入部EAR ACUTE CLASSIC, 由於依部Acute Classic可以解到24/192 file, 所以我就用晒D 24/192既FILE比佢試聽. 當中仲有D係使用EDGE經DVD ROM燒錄的44.1 FILE.
唉, 自從我拎左部EDGE返屋企後, 我真係無再用佢個CD盤直播CD, 因為使用IPAD控制EDGE, 經EAR ACUTE CLASSIC播24/96或以上的FILE. 播出黎的聽感與CD真係差唔多.
當然, 播番44.1 FILE時, 分析力, 質感等等音響元素, 無得同直播CD比較啦, 但佢贏在方便丫嘛. 唔駛行來行去. 揸住部IPAD就攪掂晒.
P.S.
不過有關佢既USB或同軸輸入既比較, 我自己都係鐘意番同軸線果份連貫性, 多於USB的分析力.
試完佢既數碼輸入部份, 最後要試就係佢個VOLUME制. 我使用番對TELLURIUM Q BLACK DIAMOND XLR由EAR ACUTE CLASSIC CDP直入我對BRYSTON MONO後級.
以一部四萬幾蚊既CDP, 其內置前級功能無可能好得過我部REF5SE. 經AB比較後, 使用ACUTE CLASSIC直出後級, 除了膽味能夠保留外, 所有HIFI元素都無法與REF5SE比美. 但有樣野真係值得加分, 就係佢既高輸出, 先唔好理D HIFI元素, 純以音壓音量輸出GAIN去比分的話, 我會比好高分囉.
相反, 如果你套機唔係太大, 諗住搵部訊源連前級, 再買多對有源喇叭, 簡簡單單聽下歌仔既話, 依部ACUTE 都CLASSIC可以話FIT到爆. 啱晒這一類客人.
前文提及到依部ACUTE CLASSIC輸出高達5V, 經由佢個VOLUME去微調輸出GAIN, 其配搭性可唯無敵. 就算你用部無源前級, 都一樣夠晒GAIN.
就以我部REF5SE為例, 我試左十幾分鐘, 發覺將VOLUME調到一點鐘位置, 就最夾到我部前級. 所以話呢, 依部ACUTE CLASSIC既配搭性係咪好正先?
後記:
這部EAR ACUTE CLASSIC CDP, 我唔敢話佢係最好聲的CDP, 但係以我玩過咁多部CDP來說. ACUTE CLASSIC的模擬味, 最得我歡心. 佢最勁係唔只播CD夠模擬味, 連帶經數碼輸入的所有歌曲, 都可以咁模擬.
我再三強調, 依部EAR ACUTE CLASSIC CDP放大及輸出部份使用一對ECC88膽仔及四隻牛牛. 唔駛我講, 你地都知道佢既音樂味, 質感密度, 可以強到咩地步.
香港總經銷: 悠揚音響
實價: $48,000 |
IP卡
狗仔卡
發表於 2018-3-18 22:23:53
提升卡
置頂卡
沉默卡
喧囂卡
變色卡
顯身卡
發表於 2018-3-19 21:25:54
