本帖最後由 PhantomGTR 於 2019-2-20 18:45 編輯
自從係六、七年前 (https://post76.hk/forum.php?mod= ... ertype=1&page=1 ) 用部老爺 laptop 誤打誤撞開始咗玩 Voyage MPD Linux ,咁先驚覺原來 CAS 可以出到咁既聲,攪到呢幾年我玩 hifi 同 CAS 把火燒到㷫熻熻。中間咁多年我仲試過好多唔同/類似的 software,windows/linux 都有。始終都係 voyage mpd linux 最好聲,背景最黑,分析力最高,聲音最舒服,但亦都係最難 install 同 setup。雖然玩 voyage mpd Linux 條 learning curve 好 steep,但聲音絕對 promising & rewarding。
直到早幾星期,我心痕又上網搵有乜新 mpd 時,發現咗一件好嘢。介紹咗俾幾個都係玩開 Voyage MPD Linux 的朋友試,大家都覺得好聲過 Voyage MPD Linux,我自己覺得好唔少,係音色、動態、音樂感、分析力、背景寧靜度等等都更好。仲有,勁易 install 同 upgrade,幾乎不用打 command 了!
呢個就係 Snake-Oil OS https://www.snakeoil-os.net/。
後來我才知道,原來 作者 係住在澳洲的星架坡人,仲要係 hiendy member!!! 所以佢會係呢到答大家問題!
講返呢個 Snake-Oil OS,佢可以 support 好多 player https://www.snakeoil-os.net/Manual/clients/ ,e.g. Logitech Media Server & Squeezelite, e.g. XMMS, Roon Server, Roon Bridge, HQPlayer, HQPlayer NAA, Amarok, Clementine, deadbeef, qmmp, upmpdcli, minimserver, Spotify Connect。下一個 release 仲有 tidal 同 Qobuz!! 不過除了 mpd,其他的我都未試過。
要幾錢呢?Officially FREE!! 如果各位用家覺得好用,請 donate 少少去 support 下佢,咁你會有個 activation code 去 unlock 一 D advance control options 。雖則呢 D options 對一般玩家都用唔著(except "cpuset"),但你的 donation 對個作者的意義就遠遠大過個銀碼上的多少。 |