本帖最後由 ming741 於 2019-6-1 13:55 編輯
話說兩年前入左部Teac 503從此開始折騰周邊,本人主要玩CAS,耳牛,
玩過master時鐘,攪usb處理,各種線材,加加埋埋超出Teac 503價位好多倍,但一直都無換解碼,
反而玩電都唔少錢,原因好簡單, 一來無對比無傷害 , 二係因為聽過503最靚聲既時候,聲靚到已經好滿意 ,
奈何靚聲既時間唔係常出現,主要係10點打後...但自己習慣係中午先會開機 ,而無電處既中午聲唔係講笑,真係衰到喊 , 所以一直走入電源大坑, 先後入過keces隔離牛,好天真地以為一隻隔離牛已經攪掂,雖然加隻牛隔離聲音已提升不少,但長時間聽得出係前面既電都會影響後面既聲,唔同時間都唔同聲... 電係可以再靚..最近得知PS Audio出細size再生電300va ,自己整套系統check過先用緊100w左右,3月開始等到5月有貨即狗沖入左隻,向Ambago買入,因為買開野有咩技術問題kinder一直都熱心解答。一開聲已經感覺到503樽頸之前仲未到,預料中既控制力,解析,定位都有提升,已經好靚聲,咩係靚聲?係開幾大聲都唔會覺得嘈!! 雖然應該都到503盡頭,心無雜念係有排聽 , 但我覺得玩電一定係燒友必經之路.
|