|
今個月頭, 我地三個HIENDY福祿壽應邀出席喺十二月五日, 廣州東方賓館既威傲音響旗艦店開幕.
大家睇到D相片都會問, 國內[威傲音響]點解放晒香港凌智音響的產品呢? 實情係威傲音響係凌智音響在中國的總經銷. 所以佢地既旗艦店, 放滿凌智音響的旗艦產品.
當日我地一落火車, 就飛的到東方賓館商場, 一入商場就見到一塊寫上威傲音響, 廣州旗艦店盛大開業的大背板. 原來威傲音響今日開幕, 在東方賓館的大堂舉行開幕典禮.
而佢地既舖頭, 就喺東方賓館正門既右手邊.
當我去到舖頭門口時, 已經比佢地櫥窗果對藍色WILSON BENESCH教皇EMINENCE吸引住 ,
行入公司, OH MY GOD...MY DREAM SPEAKER GENESIS DRAGON已經接駁好線材器材, 再經由GENESIS老闆GARY擺位.
今次威傲使用了NAGRA HD PRE及DAD THE ONLY ONE POWER AMP推動這對DRAGON.
NAGRA HD PRE被喻為世上最佳前級之一, 已經無需介紹. 反而我好有興趣聽下THE ONLY ONE以1200W@8ohm既推力, 推動DRAGON會否令我聽到唔捨得走呢?
這對DRAGON我在香港凌智已經聽過好幾次, 而每次使用的後級以VIOLA 四件頭BRAVO 2推動. 所以今次威傲使用Danish Audio Design The Only One推GENESIS DRAGON, 以我對這兩個品牌的認知來說, DAD夾GENESIS一定會毒死好多人.
其次就係今次威傲音響開幕禮, 有一座好靚好高貴既黑膠盤, 齋睇個LOOK已經估到依一座咁有台型既黑膠盤, 屬於GENESIS老闆GARY的產品.
有關依個唱盤既賣點除左使用上最頂級的碳纖柱與特殊HMWA防彈亞加力膠外, 最吸引就係佢係一座直驅盤, 使用了現今最頂級的摩打, 令聲音除左擁有直驅盤的動態, 亦能超越帶動盤的順滑幼細.
我在場聽左幾張唱片, 你地無睇錯, 我真係坐左成個鐘頭, 聽左幾張唱片 因為威傲音響驚毒我唔死, 一次過拎晒D 無封面的黑膠出黎 即係全部都係白版碟.
我最記得係依套頂級音響播放一隻管風琴的黑膠時, 我的聽感真係好似去左聽現場一樣. 好恐佈
尤其係當管風琴的超低頻浸過身體既一刻, 我真係想企起身拍掌 實在太吸引, 果份超低頻已經不是耳聽的層面, DAD THE ONLY ONE + GENESIS DRAGON所表現出來的就是可以用皮膚感受到.
之後再播放皇舞200g 45轉白版與陳佳既白版, 聽感如之前一樣, 無敵的音質與音效. 我強烈建議HIENDY所有會員, 必定要上去威傲SHOWROOM聽一次這套組合. 否則你地將會錯過了一次感受最現場感的音響組合.
聽完大廳套組合, 我就入左間戶, 見到依間房放左AIRTIGHT最新既2211 MONO後級, 與Diesis Audio : AURA, 依個套組好新鮮喎.
房內使用的訊源係NAGRA CDP, 我就拎左張蔡琴出黎, 聽下2211夾AURA的中頻可以有幾毒.
有玩開膽機既發燒友, 都知道單端211本已是極毒, 加上AIRTIGHT的獨有調聲技術, 這對MONO BLOCK在音色上已經是無可挑剔
但單端211的問題就是推力只得32W, 需要配搭高零敏度喇叭才能發揮佢既強項. 而今次威傲選用Diesis Audio : AURA, 簡直就係夾到拍拍聲. 聽琴姐既人聲順滑有水份夠厚暖, 聽古典時的動態亦十分強悍. 果然係預期中的極毒配搭.
你地睇完D相片係咪都好想立即搭火車返廣州呢? 不如過埋聖誕假期, 我地攪個兩日一夜廣州團, 上去一齊發燒好嗎?
https://www.hiendy.com/hififorum ... read&tid=132561 |
|