LUMIN U1 Mini 兩個月用後感

PhantomGTR

事緣小弟部玩了四年的 HiFi Fanless PC 係二月突然撒手塵寰，而我等了又等的 Audiobyte HydraHub 雖已望穿秋水都仲係只聞樓梯響，不見有人來。係買零件整返好佢，定係買部 streamer 之間躊躇咗幾日，用部 NAS 頂住先，但呢聲真係......  有日出開去辦事時走發現原來係 Ben sir office 附近，咁就上去請教 Ben sir。我問佢係 local market，兩皮 budget 內，有乜不用 internal disk 的好聲純 streamer? 佢話我要求咁簡單，呢部 Lumin U1 Mini + Plixir 專俾 U1 Mini 的平衡牛 LPS 會係最好聲，當然要發揮到幾多就要靠自己功夫云云。小弟見部機個樣黑黑實實（其實仲有銀色揀），夾我屋企套 system 既 Theme，唔止 display 可以熄，連 LAN LED 都熄得咁得意，咁我聲都無試就買咗佢走。不過因為我要的牛係 dual output，又剛巧無貨，所以就要訂一星期。

部機返去就咁插線開機，無落墊。開聲都幾好喎，呢嘢都幾清楚，不過係某D 位呢聲就混濁了少少，播大動態大排嘢就亂少少。煲了一日呢聲都進化了不少，不過同之前部 fanless HIFI PC 嚟比，都係濁了少少，尤其是聽動態大既音樂，另毛燥感都較大，真實感同逼力包圍感都欠了一點點。咁試下加平靚正既彈弓腳先，墊了就清咗很多，淡淡定定，開始有板有眼返。係等隻LPS 個一星期內聽住佢進化，都幾開心，不過毛燥感等等仍沒有改善幾多，反而好像更明顯。而真實感同逼力仍然欠了點點。

好了，過了一星期我隻 Plixir 平衡牛到了，佢有條原裝 DC 線跟，又看看如何先。換上 LPS 後例牌少了很多毛燥感，不過呢聲開揚自然咗很多，背景一下子就靜晒黑晒，呢隻 LPS 係有D 料到喎！！如果比起之前用電腦行 Linux music server，現在聲音通透好多，從容好多，音場深遠好多，闊好多，高音多好多，空間感大好多好多。不過同之前比，個音場除了闊咗大咗，成個移後咗幾尺。係 CAS 世界，LPS 錢真係唔慳得......    玩了幾日，聲音又進化了，但耳仔總係有點隔靴搔癢。又用返之前係 Hifi PC 時的玩法，換條 MPS 的單晶銅線做的DC cable，聲音馬上立體好多同真實了不少。效果比以前部 Hifi Fanless PC 好了不少，當下個心都定 D，起碼去到呢個位既聲，知道今次呢錢無花錯。

因為要等一個接底板的 connector，中間有段時間唔攪呢電住，剛好俾我同佢玩下 3M 的 EMI Absorber。我發覺如果張 Absorber 的 size 大到 cover 晒成塊底板，咁呢聲係醇厚很多，layering 好好多，大細上落等等都順滑很多，尤其是係中低頻更明顯。不過，呢高音唔見咗好多，而且，呢聲好暗好悶 ...... 咁我反覆試過同聽下比較下，發現原來淨係 FPGA、RAM 上貼細細塊夠 cover 粒 IC ，so far 個平衡會幾好，都聽得下。

之後我的 connector 到了，我就將部 mini 同 DC cable 的 DC plug 飛走，機內的DC 接線等等都一概飛走，直接將條 DC cable 接落底板；及跟之前 Plixir 的做法，係 DC cable 並聯一粒 cap。呢個係我之前玩 Fanless PC 時既玩法，之前咁樣可以係令聲音的包圍感大大增強，當然係因為呢聲真實好多，直接好多，就如視覺上少咗好多層紗。去到呢一步，咁就幾乎同我以前玩 fanless PC 既 setting 一模一樣（隻牛不同）。餘下既比較就會客觀同公平好多了。

一開聲個下無爆炸或燒機，跟住呢聲同以前部 Fanless PC 嚟比，已經幾乎全勝。過了一星期後，呢聲既變化都大致塵埃落定。係音場的濶度同深度、定位、細節如大細聲既變化、尾音、咀形、三頻等等都好好多。如果以咁既價錢有咁既聲，覺得自己之前玩 DIY fanless PC 時，係 BIOS, hardware 同 software 上的 tweaking 其實好像一場夢......

PhantomGTR

註：

化震：
因為機面係塊厚鋁，但機身係單薄既鐵片，而且內置 SMPS 係側邊之餘仲要幾重。佢既重心係前，放彈弓腳都花了我一些時間。用三隻部機係唔會跌，但呢聲好衰。要放四隻，但位置唔同個分別都好大，可能因為係機身的重心比較側埋一邊。So far 試到，兩隻彈弓腳係貼住前腳同面板的內側，另兩隻係貼住後腳同機身既側邊條邊，已聽了一個月，都無乜唔妥。大家不妨比較下。


電：
LPS 呢個走唔甩，最好係 dual output的，因為用嚟夾埋 FMC 做光隔。Ben sir 介紹咗 FS.com 有隻可以食到 5V & 12V 仲有雙 LAN slot 的 FMC 做光隔，支 laser module 就另購。呢隻好好用。因為佢另一邊的FMC 可以一個 slot 接咗 NAS 先，另一個 slot 先接 switch/router。係我到呢個接法好聲好多，相比之前，呢聲無咁飄，定位好咗不少，接近咗係 internal HD 出既聲。
我仍然覺得用單晶銅線做的 DC 線係平靚正，尤其係 MPS 的，真係平靚正中的不二之選。

FUSE:
呢個當然有改進，口味很主觀吧。

地盒：
下一步跟住就試。

anthonymsk

Congratulation ! Enjoy

PhantomGTR

anthonymsk 發表於 2020-4-13 20:05
Congratulation ! Enjoy

多謝 Anthony 兄！

zoom^2

PhantomGTR 兄，有可能你買機當日係BEN SIR 個場見過面，你個日即刻拎走部U1 MINI，我就學野請教兩位CAS 既知識，得益不少。

PhantomGTR

zoom^2 發表於 2020-4-13 23:57
PhantomGTR 兄，有可能你買機當日係BEN SIR 個場見過面，你個日即刻拎走部U1 MINI，我就學野請教 ...

Zoom^2 兄，後生新進，日後還請師兄多多指教IT 嘢就真！
話時話，家你的CAS 構建成點？

zoom^2

PhantomGTR 發表於 2020-4-13 23:58
Zoom^2 兄，後生新進，日後還請師兄多多指教IT 嘢就真！
話時話，家你的CAS 構建成點？{:1_677 ...

我未諗掂，仲係得個睇字

PhantomGTR

zoom^2 發表於 2020-4-14 00:03
我未諗掂，仲係得個睇字

藏於九地之下，動於九天之上。師兄日後應該會玩得好好！

Hungmo

恭喜呀~~~

chakat

恭喜Ching!!!!真係玩得精彩及專業! 我近日都有上Ben Sir度搵Streamer....如果早D看到你篇文章, 可能真係會跟你的方式試下...

PhantomGTR

Hungmo 發表於 2020-4-14 09:18
恭喜呀~~~

Thank you, c hing!

PhantomGTR

chakat 發表於 2020-4-14 10:37
恭喜Ching!!!!真係玩得精彩及專業! 我近日都有上Ben Sir度搵Streamer....如果早D看到你篇文章, 可能真係會 ...

chakat 師兄，見笑了！小弟只係耳痕加手痕而矣。請問師兄現在買咗乜嘢 Streamer 聽？
BTW, 我有ＰＭ俾你，煩請有空時看看。

chakat

PhantomGTR 發表於 2020-4-14 11:12
chakat 師兄，見笑了！小弟只係耳痕加手痕而矣。請問師兄現在買咗乜嘢 Streamer 聽？
BTW, 我 ...

我之前是用D1的, 但輸出唔到USB...想換機, 但怕太多設備,  運作上複雜困難, 又唔識搞電子嘢...加上疫程影響情緒 .....所以唯有訂了部All-in-one 機種...Zenith MKIII..現在等待中...

PhantomGTR

chakat 發表於 2020-4-14 11:49
我之前是用D1的, 但輸出唔到USB...想換機, 但怕太多設備,  運作上複雜困難, 又唔識搞電子嘢...加上疫程影 ...

ic, 都好呀，簡簡單單，煩少D。

hscar

咁師兄依家係用部舊fanless pc入u1定用nas 入u1?  

PhantomGTR

hscar 發表於 2020-4-14 12:45
咁師兄依家係用部舊fanless pc入u1定用nas 入u1?

師兄，部舊 Fanless PC 已被肢解，可以用返的 parts 已用係其他PC 機內。所以現在係 NAS 經光隔入 U1 Mini。

mufans

恭喜揾到部咁滿意嘅streamer

PhantomGTR

mufans 發表於 2020-4-14 16:02
恭喜揾到部咁滿意嘅streamer

多謝師兄！

威爾遜

感謝師兄用心分享.......我大部份時間聽串流.....也有用光隔及audio grade switch...效果也很好
Happy Listening!

PhantomGTR

威爾遜 發表於 2020-4-14 17:14
感謝師兄用心分享.......我大部份時間聽串流.....也有用光隔及audio grade switch...效果也很好
Happy List ...

Thank you, Happy Listening!!