|
發表於 2020-1-16 20:35:19
|
顯示全部樓層
本帖最後由 FrankieSu 於 2020-1-17 04:42 編輯
首先我講,小弟唔係好識寫報告,純粹個人分享。玩咗Hi-Fi大概七八年。有平有貴。
聽咗三日左右,主要係兩個地方聽,第一個地方係比較高級器材
Avant-garde trio + horn bass
文豪30周年CD機
Goldmund Ng pre + 1000 Ng mono block
今次一口氣朋友同我喺香港買咗兩條三冠王一條雙冠王一條35周年同埋兩條大力神
首先喺試,用兩條 triple crown 入mono block 換走原裝高文線。直接了當既感覺係好靜,聲音非常淡定,三冠王比我感覺唔係高音中音或者低頻邊邊強啲,而係整體來講有好特別,聲音突然變得好平衡,非常非常之穩。感覺係我大把貨,出少少力就推到你夠。分析力好強,密度好高.人聲同樂器聲嘅層次比之前用嘅某牌子好非常之多。特別嘅係背景嘅樂器變得吸引,同歌手嘅聲音層次做得非常好。
之後pre amp 加入雙王,聲音風格完全去咗另一種路線,雙黃冠中音非常飽滿,聲音亦都有向前傾一啲嘅感覺,感情味道非常強,聽人聲嘅結果係好特別,我相信如果鍾意呢種味道個人會愛不釋手。係雙冠王加兩條三冠王之下,系統比之前用原裝高文power cord 帶開一段距離.
小弟之後將雙冠王攞走,換上大力神. 我有D唔夠膽相信呢條線嘅價錢同表演。結果係大力神加三冠入mono block 嘅效果之下,比雙冠王加三冠王嘅效果更加好。大力神嘅立體感同空氣咁贏好多,高中低頻嘅平衡非常之好,如果你鍾意雙冠王嘅濃烈感情重任,咁大力神嘅完全唔同風格,三頻平均做得非常非常之好,聲音更加爽快,更加有立體感。小弟同兩個朋友係音樂房到聽,三個人一至大力神加三冠王嘅結果係最吸引。小弟亦有用嗰兩條大力實係後級加三冠前級,結果係三冠王係後級嘅聲音更加優勝。
然後我哋保留着大力神加三冠王,開始攪文豪30 周年CD player
我哋再用雙冠王同令一條大力神,入文豪嘅解碼比較。唱盤部份用35周年,雙冠王係文豪CD解碼部份,做得比大力神好,感情略勝一籌,整體音樂感比較舒適,結果係解碼嘅情況之下,雙冠王小勝大力神。當解碼用大力神去前級都用大力神嘅結果,聲音變得有小小硬。
呢個係我哋喺第一個場地試左一整晚半嘅結果,值得注意,大力神嘅價錢真係平得好交關,但水準出嚟係超級恐怖,希望各位師兄如果唔夠budget上三冠之類嘅電源線,大力神絕對值得考慮,佢嘅性價比高得好誇張。係前級表現之上,我覺得勝過雙冠王,價錢只係三分之一。但我唔recommend 用係source 度
等遲少少再出另外一嘅結果,係dartzeel 合併機 Cth 8550 mk2 同一樣用以上嘅線材嘅結果。再次提醒小弟耳仔絕對唔係專業玩㗎,我只係小小分享,可能會有出入,因為係第二部機嘅結果就已經同第一部機唔同 |
|