本帖最後由 uglymask 於 2020-5-22 08:32 編輯
其實本人對自己Audio Research REF5SE都幾滿意,但係因為之前同廠家買左對後級,佢主動聯絡問我有無興趣試下佢新出前級,佢話如果唔啱聽就寄返去,所以未膽粗粗試下咯,點知道一試就......
L200外觀設計風格同佢地之前產品完全吾一樣, 之前全部都金光閃閃金屬幾箱, 我自己覺得靚好多,依家就轉曬黑色, 本人就覺得一般般。粗獷美國風格,就兩個一大一細黑箱, 如果各位師兄對外觀手工有高要求就欠奉。不過據廠家講用, 佢今次個機箱設計係用一種特別貴材料,同之前產品金屬材質不同, 今次係用佢地黑膠轉盤底座材料,有調聲抗震作用, 本人覺得有少少類似石頭之類材質,所以成台機都非常重手,主機有成80磅,個外置電源就十幾磅,如果連埋木箱成130磅,所以一個人開箱都有少少難度!
新機都要煲一排,依家聲音終於算穩定。配合番佢地自己單聲道後級, 聽番自己平時聽開曲目,忽然覺得樂器比我用緊ARC 5SE要黎得真實,果種真實感係建立在樂器反應速度快,分離度大,定位清晰之上,而且聲場又大左起碼一圈!人聲方面細緻順滑,明暗分明,Diana Karll把聲會變得有磁性,佢大小呼吸聲,弱少變化都比之前聽得清楚!果種解釋力係ARC 5SE無,比較之下會覺得ARC 5SE粗,而且蒙!最後本人覺得無搖控無咁方便,下下都要行埋去調大細聲,我問廠家點解無,佢話試過,噪聲大,所以無裝。
小弟文筆有限,敬請各位師兄見諒!
|