80後結婚 「最低消費」40萬

mrspig

【經濟日報專訊】百物騰貴，結婚消費趨增至夠付首期！有80後準新娘慨歎酒席、蜜月旅行樣樣加，40萬元消費僅屬基本；有港女為滿足「要威」心態，向財務公司借30萬元辦5星級婚禮。有調查更發現，近2成新人為婚事借貸或「孭卡數」。

宴飲食業亦指，通脹升溫，明年酒席將加價近1成。有結婚資訊網站負責人指，80後新人冀婚宴獨一無二，出手較闊綽，料明年結婚消費升近1成。

24歲的李小姐任職市場推廣，明年2月與從事保險男友結婚。兩人計劃於高級酒家設宴40圍，每圍6,000多元，連酒水、布置、椅套、紀念品及婚禮攝影，預計花逾30萬元。

2成新人 為辦喜事孭債

為留美好回憶，他們又花4萬元赴九寨溝影婚紗相，並計劃再以4萬元蜜月旅行，所有消費達40萬元，足以支付樓價約百多萬單位的首期。她說：「40萬元是基本，酒席不能慳，不是要豪，但總要能見人！沒有辦法，甚麼都加價。」

活易網站的結婚消費調查顯示，1,911位在2011至2013年結婚新人，平均開支為267,256元，較去年升9.5%。生活易行政總裁馬宗傑表示，愈來愈多80後新人傾向獨一無二的特色婚禮，故出手較闊綽，如自行設計精緻回禮、邀請卡、婚宴標示，甚至是戒指與婚紗。

調查又顯示，59%受訪者結婚消費超支，平均超出3成；另各有9%會選擇以信用卡或貸款透支，以應付結婚支出。

第一信用財務主席冼國林表示，每年接獲數十宗婚宴借錢個案，近年亦見上升趨勢。他舉例指，有年青人借逾30萬元，冀在5星級酒店筵開百席：「主要因女方想威！」

「人情」無加 擺酒難有錢賺

然而，調查發現親友禮金公價不變，酒店及酒樓人情分別為800至1,000元和500至600元，但通脹令酒席價格持續上升，往昔「擺酒有錢賺」情況多不復見。

敘福樓集團執行董事黃傑龍坦言，食材價格升幅強勁，乳豬來貨價按年升逾1倍，青斑按年升7成，明年婚宴酒席最低消費，亦要由每圍4,900元升至5,300元，增幅逾8%。喜來登酒店發言人則表示，明年視乎通脹及市場價格調整酒席收費，但不肯透露加幅。

生活易研究經理繆志華預計，明年結婚消費將升8至10%。他提醒，準新人應提早1年半籌劃婚事，並要量力而為，切忌每一項目都超支：「每樣超少少，額外支出已很大！」

francis_leung21

借錢結婚對於我既價值觀黎講冇問題....買車借錢...買樓借錢...做生意借錢....只要還到就得...

不過各位如果一定會買樓結婚既話一定要有PLANNING...唔可以再做月光族...儲下錢吧

chiuching

而家啲酒席真係貴左好多...

大玩偶

睇黎我要係大棑檔擺酒啦

bigpun1975

大玩偶 發表於 2011-11-17 11:16
睇黎我要係大棑檔擺酒啦

扮旺角卡門呀!

adamkong

有港女為滿足「要威」心態，向財務公司借30萬元辦5星級婚禮。有調查更發現，近2成新人為婚事借貸或「孭卡數」

呢d真係個人心態問題 大家係真心既 開心咪得囉

Hintel

酒席真係貴左好多
各老友做人情都要大啲LA

大玩偶

Hintel 發表於 2011-11-17 13:01
酒席真係貴左好多
各老友做人情都要大啲LA

我包 太陽 + 東方 ! 夠哂厚 !

axgroup

adamkong 發表於 2011-11-17 12:39
有港女為滿足「要威」心態，向財務公司借30萬元辦5星級婚禮。有調查更發現，近2成新人為婚事借貸或「孭卡數 ...

港女......

Hintel

大玩偶 發表於 2011-11-17 13:02
我包 太陽 + 東方 ! 夠哂厚 !

matta722

Hintel 發表於 2011-11-17 13:01
酒席真係貴左好多
各老友做人情都要大啲LA

我送你一對翼

benson26

香港人情仲要分開酒店同酒樓架

sunny388

tontontony

好彩我早幾年結婚~~
唔係就真係唔駛結~~

rklpoon

旅行結婚(唔擺酒)=無face?

七仔

benson26 發表於 2011-11-18 11:44
香港人情仲要分開酒店同酒樓架

車! 擺酒自己要威, 仲要d賓客趁埋你癲!

本人去飲封禮, 只會睇交情, 同埋邊個有錢d. 交情ok同埋佢有錢過我, 一律$500. 超級close話知佢擺大牌檔, $1000起錶.

擺酒時主人家好應該考慮來賓既感受, 圍埋條數往往反映禮數是否恰到好處. 如果明顯賺左錢, 即係待薄來賓, 俾既野太cheap, 甚至濫發請帖. 如果明顯貼好多錢, 即係充大頭鬼, 做到出晒位, 甚至過份show off. 如果和和果果, 大概係邀請來賓合乎親疏關係, 地點大致恰當, 禮數算係恰到好處, 唔太過亦唔太待薄親友.

咁多次去飲, 又幫幾位親友搞過擺酒function, 當天氣氛同事後埋數既關係, 大概如此.

擺酒本身好Q煩, 擺酒係一個好好既學習機會, 學識咩係人情世故. 冇絕對標準, 要恰到好處, 取得平衡, 擺酒做到的話, 受益非淺.

hkgmusiclife

【經濟日報專訊】百物騰貴，結婚消費趨增至夠付首期！有80後準新娘慨歎酒席、蜜月旅行樣樣加，40萬元消費僅屬基本；有港女為滿足「要威」心態，向財務公司借30萬元辦5星級婚禮。有調查更發現，近2成新人為婚事借貸或「孭卡數」。

仲未計比首期買樓，有樓有高潮！！！