|
本帖最後由 oasis789 於 2016-1-18 14:36 編輯
本身用緊對ETI Q1000, 印象中三年幾前買,上年一直都心思思想換喇叭線,一路都有留意下有無啲萬元內嘅線,新又好,二手又好,不過自己唔多朋友玩2.0,無得問下朋友借線試下,咁啱聖誕前去搵馬爺拎返個唱頭,咁又問下有無喇叭線啦,佢話有對黑駿馬可能啱我口味同射程,黑駿馬......老實講,個名好似.....(不過到最後收到我買嗰對時,應該有英文名叫Black Beauty The Gallop)
唔好理個名啦,有得借就借黎試下先,事關我對木耳,好多時換完啲線都係覺得有啲分別,但又唔係好明顯,話有分別都可能係自我催眠咁解
咁借左返去後,x'mas放假就一於試下
一開聲,啲聲好似好似幾啱聽,佢把人聲唔會突然變高貴左或者厚左咁,都係舒服嗰隻,到聽下樂器喇,感覺啲細節都唔錯,啲弱音都聽得清楚左,咁好啦,換返對ETI, 咦....聲底好似無咩分別咁嘅,印象中,對ETI係銅線,呢對都係,可能因為都係銅線,所以咁接近啦
咁年尾身痕還身痕,都真係要有野值得買至得ga, 打工仔份人工搵得好辛苦ga, 咁又再反覆聽下兩對線,終於覺得對新嘅啲層次比較分明,聲音包圍感方面都好啲
咁好啦,過左x'mas即管落order 啦, 結果又撞中假期,由2015最後一擊變成2016年成一擊
呢個幾星期,聽左約30個鐘,對線本身可以駁地盒,咁我都係連埋地盒買(試嘅時候無借到地盒),暫時覺得加埋地盒,聲音線條再分明啲,而人聲感覺較凝聚,總括黎講,呢次換線唔算好大提升,但起碼我呢次都聽到有咩分別,而把聲都覺得聽得舒服 |
評分
-
8
查看全部評分
-
|