痴線, 邊有咁靚既喇叭?! Estelon YB

racewong

mahi 發表於 2017-2-25 21:39
我都玩了這喇叭近3個月了，我反而覺熟化變化不算大，第一日開聲已覺得很不錯。廠方話係會先將單元煲過才做 ...

我聽感上好似未煲好啫, 又可能部合併未發揮到YB最強一面

下次要用VA mono推YB先

Sa683s

racewong 發表於 2017-2-25 19:57
屋企已經兩對喇叭, 我諗這已是女人的極限

如果多一個女人，又會唔會提升一倍極限呢？

lulu

昨天聽過呢對ESTELON嘅入門版YB, 可能我老啦, 四個字形容..不外如是, 唔係我杯茶

mahi

lulu 發表於 2017-2-25 23:29
昨天聽過呢對ESTELON嘅入門版YB, 可能我老啦, 四個字形容..不外如是, 唔係我杯茶 ...

即客觀和主觀上都達唔到師兄要求？

lulu

mahi 發表於 2017-2-25 23:44
即客觀和主觀上都達唔到師兄要求？

可以咁講, 我聽嗰對demo唔知熟未？如果熟嘅話, 以咁嘅價位仲有好多選擇！
以上是本人觀點,有錯勿怪

racewong

lulu 發表於 2017-2-25 23:59
可以咁講, 我聽嗰對demo唔知熟未？如果熟嘅話, 以咁嘅價位仲有好多選擇！
以上是本人觀點,有錯勿怪 ...

我自己就好鍾意依對喇叭的LOOK,

以我聽咁多次ESTELON的型號來說, ESTELON比較偏向古典愛好者.

LawsonEnzo

lulu 發表於 2017-2-25 23:59
可以咁講, 我聽嗰對demo唔知熟未？如果熟嘅話, 以咁嘅價位仲有好多選擇！
以上是本人觀點,有錯勿怪 ...

舊代理個對應該熟左:
講樣接近無敵, 個d太大面板既喇叭令家居出現壓迫感 (唔係樣靚就等於入屋就好睇), 呢對喇叭絕對係易入屋, 易襯裝修, 唔會影响空間感之餘又有精緻細喇叭俾唔到既大器! 不平衡切割式設計, 時尚之餘卻又如淑女晚裝般,給人一點古典式設計才有既味度, 不會有一般時尚設計只可搭配時尚冷調裝修或古典式設計配時尚裝修格格不入既問題!

講聲小弟木耳就覺得舊代理同場對 Kharma S7 AB比較全面勝過佢(唔少), 仲平過佢. 音場離箱及分離度我覺得平一半既 Verity Audio Finn, Penaudio Sara S Signature, Vivid B1 都唔會輸俾佢! (可能係擺位問題?) 佢D單元亦唔係咩頂級野... 人聲很一般, 樂器音色亦唔算係好出色 (可能係配搭問題?) 另外呢對喇叭係勁難推, 舊代理試過用貴價瑞士合拚推佢都推到死死下 (相反推S7簡直係無難度), 何況新代理個部合併 (老實講我對呢部合併印象....佢個spec claims 個power output, well....)?! 唔夠力一到大場面就亂, 根本發揮唔到. 建議新代理認真D用部 VA 前後去推, 否則真係趕客. (新代理俾我既感覺係想sell樣)
正面D既係, 佢全頻好 smooth, 中性, 線條好, 密度不俗, 速度以古典播放來說係適中 (不過我覺得Atohm GT2 + YBA 350係古典播放比佢更佳, 可能係因為農夫set得好...), 聲音柔和舒適. 不過達唔達到呢個價位既要求, 最好去試真d比較下先 (不過前題係代理挍掂個setup先)

用家如覺得聽感不同, 最好都係share 一下! 可能係用家仔細setup/tuning之下會發揮得好好多!

mark38

LawsonEnzo 發表於 2017-2-26 01:09
舊代理個對應該熟左:
講樣接近無敵, 個d太大面板既喇叭令家居出現壓迫感 (唔係樣靚就等於入屋就好睇), 呢 ...

一半同意，同意是在新舊代理都係未盡量set好對喇叭，表現末如理想。

不同意是, 在我家中, 你講的問題，我唔覺喎,      

人聲細緻高貴，音場又高又深, 高中低的連接，—氣呵成, 絕對是—對成熟大氣的喇叭，只是對Amp很有要求,完全是環境影

响, 代理地方太小大窄, 令YB未能正常工作

ccli1996

mark38 發表於 2017-2-26 06:33
一半同意，同意是在新舊代理都係未盡量set好對喇叭，表現末如理想。

不同意是, 在我家中, 你講的問題， ...

樂見師兄對呢對喇叭在府上有上佳表現的分享，恭喜恭喜
唔知有冇機會可以讓小弟去見識見識及學下嘢呢？尤其是聽古典音樂

mark38

ccli1996 發表於 2017-2-26 07:35
樂見師兄對呢對喇叭在府上有上佳表現的分享，恭喜恭喜  
唔知有冇機會可以讓小弟去見 ...

哈哈，一定有
等埋我部EC前級嚟咗先喇

willip

Who is the old dealer?

ccli1996

mark38 發表於 2017-2-26 08:20
哈哈，一定有
等埋我部EC前級嚟咗先喇

好的，等你通知

mahi

我果陣時搵喇叭覺得比較接近yb的係wilson sabrina，兩者規格差不多、單元size一樣。kharma s7就無機會聽過，但可以想像好多人一講kharma就會讚好靚聲。

wilson都好聽的，一開聲我試首blues就聽到跟大wilson直頭一樣的簽名聲底，甚至連規模都差不多，試古典亦可以勝任。

yb就相反，hifishow聽過吓，之後再代理聽了兩次，感覺樣樣有但又不會逞強，甚至可以話平平無奇，都唔知佢係sell乜聲底添，和獨突外型相比會係一個反高潮。

不過我最後都買了，因為我還是喜歡這種比較中庸低調的特質。喇叭聲雖不突出，但聽音樂時會更易投入其中。

LawsonEnzo

mark38 發表於 2017-2-26 06:33
一半同意，同意是在新舊代理都係未盡量set好對喇叭，表現末如理想。

不同意是, 在我家中, 你講的問題， ...

咁佢對空間要求都幾大，因為係舊代理聽過其他喇叭，都係同—環境下試聽.
至於對後級有要求, 玩得呢個級數喇叭嘅用家, 後級應該都有番咁上下, 反而唔係一個問題~

LawsonEnzo

willip 發表於 2017-2-26 09:25
Who is the old dealer?

昌明4樓

LawsonEnzo

mahi 發表於 2017-2-26 10:17
我果陣時搵喇叭覺得比較接近yb的係wilson sabrina，兩者規格差不多、單元size一樣。kharma s7就無機會聽過 ...

"感覺樣樣有但又不會逞強，甚至可以話平平無奇，都唔知佢係sell乜聲底添，和獨突外型相比會係一個反高潮"
很同意這一點, 但Wilson Sabrina嘅低音都係比較突出, 我反而覺得似Audio Physics Avanti 5.

"不過我最後都買了，因為我還是喜歡這種比較中庸低調的特質。喇叭聲雖不突出，但聽音樂時會更易投入其中"
音響嘅嘢最緊要自己啱聽就得! 師兄用咩amp去推?

racewong

mark38 發表於 2017-2-26 06:33
一半同意，同意是在新舊代理都係未盡量set好對喇叭，表現末如理想。

不同意是, 在我家中, 你講的問題， ...

MARK哥, 你用對EC MOMO BLOCK推對YG喎, 當然夠力啦.

mark38

racewong 發表於 2017-2-26 12:57
MARK哥, 你用對EC MOMO BLOCK推對YG喎, 當然夠力啦.

哈哈，又係喎

DIO

方浪的定價冇咁癲，算係香港hifi代理界之中極之，難得，罕有，少見。

haha12

LawsonEnzo 發表於 2017-2-26 01:09
舊代理個對應該熟左:
講樣接近無敵, 個d太大面板既喇叭令家居出現壓迫感 (唔係樣靚就等於入屋就好睇), 呢 ...

Estelon 是令人又愛又恨嘅喇叭，計外型配合新一代家居擺設冇得彈。

除了老頂之外，小弟有幸每個型號都領教過幾趟，聲音是合符身價交到功課，可以肯定它對環境及其它器材配套頗奄尖，要多花心血調教方能發揮潛能。在以前代理聆聽雖有超班器材傍住， 祇可說是音效高班卻總是欠缺一點 musical engagement 令人越聽越想聽下去的衝動，所以要玩好佢是心機與功力的好考驗。

另一邊廂又要再讚一讚 Kharma S7, 配搭毋須太傷神都自然流露一份難得嘅美樂感染力，活在 250 呎空間內精彩之作！