最近用少好多錢, 但好開心。(地盒地線線材避震)

kekecola

版主借個地方我抒發下＞＜

已經好耐好耐無中毒要買神器啦！
現在覺得系統中的大件都好掂，與其盲目升級，不如滿足現狀，一動不如一靜啦
升級大件難免要損失幾千蚊，
更何況，我是ＣＡＳ玩家，自已知自已事，ＰＣ電腦比到盡都係３０Ｋ左右ＣＤ轉盤的級數。
所以自欺欺人算數，　直接拒絕旗艦誘惑，　全系統大件每件在３０Ｋ左右就夠曬皮了。


幸好系統都算敏感，所有線材，線托，避震，地盒，都可以忠實一耳朵反映出來改變，

於是我開始構思，點樣用周邊去微調聲音，讓系統出來岩小弟口味的聲音，而唔係換大件


先不管線材地盒避震線托是不是全部都是東拆西補, 哪怕旗艦級別的周邊也是調音而不是全面改善嗎?
這些都是後話, 我也沒有能力去深入對比。

在過去幾年入面, 小弟使用過10蚊到30K的線材, 10蚊到5K的釘墊,
我發現了一個很重要的規律:
所有周邊千萬不要玩入門, 例如我用過一些10K的大廠入門電源線,
Ｓ線）出來效果完全是東拆西補得太過份,（ＦＩ１１頭尾）
中頻的紋理感完全失去, 低頻的型體沒有了, 就只有華麗的高頻了。
Ｙ線）得中頻好聽囉，聲場太窄，細節好一般（ＦＩ２８頭尾）
Ｃ線）高中頻掉失太多紋理，中低很厚

由於財力有限, 再加上交過好多學費, 見識了太多「坑」貨,
所以小弟心中一直有個夢想,
可唔可以用最少的價錢去做平衡, 多細節, 多弱音泛音, 又有張力的聲音啊。
(好機線其實都好平衡, 都好好聽, 但無細節弱音 我接受唔到。
差機線就更加又糊又燥, 聽到人心煩意亂。)

於是我開始嘗試各種巨人殺手, 也開始DIY周邊自已玩。


這一年來認識左幾個「窮」燒朋友, 都係發燒左10年-20年了, 比我大一個輩份。
但係, 好明顯, 佢地試過的野多好多, 雖然投入都唔高, 但都有一個共同的特點,
有一個無私分享的心, 問咩都會答。  好開心可以認識到佢地。

我開始嘗試推介的線基, 開始也是懞懞懂懂, 抱住交學費的心態去試下啦
有些線基是好難聽的, 已經呆在雜物房唔少時間了。
但有些線基配上了好頭尾(一個是德國電木尾都已經絕曬版, 但真係又平又正), 整條電源線成本不到1500, 但已經打敗了一路用開二手價位在5000的電源線, 勝得好徹底。

經過我同朋友的大量的測試同埋比拼后, 我陸陸續續收左唔少二手FI-50NCF（肉赤）
這個頭應該係現役最靚的頭了, 有質素之餘, 仲用幾多都無問題...
試過唔少其它 入門鍍金插頭了,  用一只還可以, 用多了系統直接GAME OVER。
線基方面唔方便講，不能在ＨＩＥＮＤＹ討論「假」貨。


墊材墊釘方面,
在我的觀點里, 一個旗艦架係一定要的, 因為旗艦架真的可以讓系統改變很大！！！
而且對比起每部機用各種旗艦釘，性價比也很好。
一個旗艦架　其實已經足夠打造系統需要的好骨架。

我自問無料去DIY了,　於是又係買左唔同牌子一大堆板啊釘啊，　入門到旗艦都有
其實自已都有手痕去ＤＩＹ釘，　結果點呢，　

ＤＩＹ釘好聽係好聽，　但整個系統不能用多過３組，　咁樣有咩意思？　表示唔平衡囉，某個頻率太厚重。
而入門釘，我又覺得唔掂，改變太大，　而旗艦釘又覺得太貴（一套５０００。。。）

幸好我在一年前想買釘時認識左個ＤＩＹ的人，　佢話有一批釘墊特點夠張力好岩我的聽音觀，咁我見唔洗錢試，緊係叫佢比幾粒我試下先啦。
一試就大獲，真係有張力，而且音樂感好，夠曬甜，　但係。。。都係衰在用多了系統必死。
點算好啊，　我問佢，　佢都話我金耳朵，　聽得出其實Ｄ批係佢已經心灰意冷的剩貨。
我自已都唔訓氣啊，　點解咁有音樂感　咁有張力的野，　用多了系統必死呢？
於是我自已用左自已（抄大廠）的秘密武器，　我淘左唔少不少尺寸的水晶球／石墨球／不同物料的金屬球／陶球返尼，　　用在他的釘墊上。
最后，真係比我負６　試到　點樣做可以改善他的釘墊，　最后也無私分享返比佢，　佢試完之后直接話以后我要買咩都比朋友價，仲叫我佢有咩新産品要幫佢試聽。
現在我們都變左幾好朋友的燒友了，雖然我只係買佢的釘墊（因為真係好平，又好得）
當然佢出的其它産品我試過都唔算好鍾意，朋友價都無用，直接退。
音響架我其實已經有２個旗艦牌子架，但以后要再加架，會優先試下佢的架。

而到現在，家里１０多件大大小小的器材，　全部用曬佢的釘墊了，
最重要的感覺係，　這些釘雖然打唔過旗艦，　
但也成功地讓小弟將家中超過２０套試過的所有入門釘同埋旗艦釘出得７７８８。

用幾多套都唔會覺得唔平衡，　這是最難能可貴的是。
缺點就係，若器材重量小就要換珠的尺寸同埋加重物找重心。



地盒跟地線也是調音的利器，唔怪得咁多ｃｈｉｎｇ玩到停唔到手，（真係可以掘好多細節同層次感出來）
有機會再分享下ＤＩＹ心得，有參照物架（ＧＮＲ同埋ＥＮＴＥＲＱ大銀＋ａｐｏｌｌｏ地線），
唔係亂ＤＩＹ的，最后留左ＧＮＲ同埋ＤＩＹ地盒。
去食飯了，空了再吹下水


Ｐ。Ｓ
基本上我認為要ＤＩＹ咩野都好，首先你要不斷咁對比，另外出來的成品一定要夠平衡，又要有音樂感（好似死魚咁就唔好聽，無咩張力）。　　另外必須要有大廠參照物，要有目標接近它的表現跟水平。　（大廠有咩特別的技術記得一定要抄啊）

平衡真係好重要，有時候你一件大件或是小周邊唔平衡，你又唔知道，　咁就死了，
以后好難救返尼。所以我終於慢慢明白到點解旗艦野都平衡。。。

wildmanhk

有機會都想跟你學下嘢！

Hungmo

好似睇咗個目錄咁
有時間時兄可唔可以講得深入淺出一D

r002

師兄有無實照睇睇,我都想抄一抄,其實淘實都有一大堆地盒地線釘墊都係抄名廠
但好多只是抄到型....

ivan

上來學嘢