第一次用MI頭, 聽POP果然好鬼正! LONDON DECCA SuperGold

racewong

都話唔好去咁多家訪啦.

有次去左個前輩屋企聽黑膠, 佢個盤用緊兩臂, 一粒頭係大約6萬蚊既MC頭, 另一粒就係2萬幾既LONDON DECCA AUDIO
Reference.

粒MC頭係咩品牌唔好講啦, 因為MC去到依個價位, 都唔係差得去邊. 聽人聽古典JAZZ, 每種音樂都好有水準. 喺我地聽得如癡如醉既時侯, 屋主拎左隻ALAN TAM既暴風女神出黎. 開始時都係用粒MC頭聽一次. 之後就換粒MI頭聽.

就是這次家訪, 令我明白MI頭的特性與吸引力. 以其兩萬幾蚊既水平, 播放POP MUSIC的質感, 力度與厚度, 比MC頭更強更過引. 最重要係分析力都唔係相差太遠...死未?!

結果第二日我就落左聲望搵TONY了解下MI頭的資料. 原來DECCA頭最特別既地方就係佢無長針桿, 唱針後無傳統橡膠去吸收, 消散在唱片得來的訊息, DECCA頭這設計就是能最直接最RAW咁將唱片所有訊息傳至唱放.

不過TONY話我第一次玩MI, 唔好玩咁高級住, 加上我支ANNA LOG臂唔係太啱用粒REFERENCE頭.
佢推介我可以先試下粒SUPERGOLD, 實價只係七千幾蚊.


結果?! 你地自己睇相片啦.



依粒頭好奇怪, 粒針尖喺粒頭既正中間, 你地無睇錯, 只能見到針尖, 真係連針桿都見唔到. 當我裝依粒SUPERGOLD時, 用左好多時間去對位, 因為粒針尖太細, 好鬼難睇得準. 最終攪左半個鐘先對啱個位. SET埋唱重, VTA等等. 攪掂晒可以落針聽歌.



丫....漏左我講我依家用緊一部價值三千幾蚊既MM PHONO, 名字叫LOUNGE. 香港暫時未有代理. 如果你地諗住三千幾蚊無好野既話, 你地就玩少好多牌子啦. 依個PHONO暫時上過黎我屋企聽過既網友, 行家. 無不讚嘆, 超抵玩.
以前我用AS ARCHON頭時, 都係要用隻牛牛升壓先再入依部LOUNGE. 依家用依粒MI頭, 我就唔駛再經升壓牛, 直接將條PHONO CABLE直插落部LOUNGE.



今次用左依粒DECCA SUPERGOLD, 聽左幾隻POP MUSIC, 開頭真係有少少聽唔慣, 因為分析力硬係比AS ARCHON略差. 但論節奏感, 質感, 中低頻既彈跳力, SUPERGOLD既MI頭又能取得優勢. 講真, 我依家幾百張黑膠, 佔左三份二係廣東流行曲. 依家聽番晒倫伯, 哥哥既黑膠, 與之前ARCHON又有另一番味道.  





後記, 我諗好多發燒友進入黑膠世界都係同我一樣, 想聽番70,80年代既廣東流行曲. 好似我之前買番咁多粒MC頭來說, 最滿意當然係粒ACOUSTICAL SYSTEM THE ARCHON啦. 不過依粒MC頭都唔平, 要二萬幾.

今次以七千幾蚊既MI頭 VS 二萬尾既MC頭, 我可以咁講, 如你多數聽POP MUSIC既話, 又剛想進入黑膠世界, 買粒唔係太貴, 又唔會咁易斷針既唱頭既話; 又或者一D已經係黑膠友, 用緊MC頭聽POP MUSIC既玩家, 我強烈建議你地一定要試聽下本文主角-  LONDON DECCA Super Gold. 當然如果銀包許可, 或黑膠老手既話, 直上LONDON DECCA REFERENCE啦.

包你對POP MUSIC有另一番體會.

LONDON DECCA Super Gold Spec.
Stylus                                 extended line-contact
Frequency range                 20Hz to 40kHz
Output                                 5mV
VTF                                         1.8g
Weight                                 6.7g

代理: 聲望音響
價錢: $7,900

http://www.hiendy.com/hififorum/ ... read&tid=114392

jt1917

London Decca 唱頭真係好難調較, 針尖被唱頭body遮住晒, 少D眼水都較唔到, 絕對唔適合老人家/老花人士使用, 較完佢會真係想講一句"調較佢"! 另外此頭因為針桿無乜damping, 所以對唱臂非常揀擇, 要高柔順度單點臂比較合適。
不過較好用來聽Rock/Pop真係幾啱。

racewong

jt1917 發表於 2018-2-7 15:42
London Decca 唱頭真係好難調較, 針尖被唱頭body遮住晒, 少D眼水都較唔到, 絕對唔適合老人家/老花人士使用, ...

好在我仲後生, 不過都已經有老花了....

嚦嚦

記得咪唱魷魚牒，好易扢底．隻頭裡面用蜂蠟做填充物，天冷天熱聽唔同聲．

racewong

嚦嚦 發表於 2018-2-7 16:24
記得咪唱魷魚牒，好易扢底．隻頭裡面用蜂蠟做填充物，天冷天熱聽唔同聲． ...

我知呀, 聲望話左比我知啦, 因為粒頭無DEMPER, 所以唔可以唱炒太勁既碟.

嚦嚦

你就爽啦咁快有新頭玩，禾粒光仔有排等．  

ANTH

Output 5mv咪好大聲？ 係咪要用MM檔位唱

新漢陳Sir

ANTH 發表於 2018-2-7 16:47
Output 5mv咪好大聲？ 係咪要用MM檔位唱

這個當然！
此類唱頭輸出電壓甚高，有些型號輸出可達7mV，內阻也不少於2,000歐，所以必須接47,000歐負載阻抗之MM檔位。

racewong

ANTH 發表於 2018-2-7 16:47
Output 5mv咪好大聲？ 係咪要用MM檔位唱

係呀， 上文咪講左我駁MM PHONO囉。 哈

racewong

ANTH 發表於 2018-2-7 16:47
Output 5mv咪好大聲？ 係咪要用MM檔位唱

你都買番粒玩啦

Avantgarde-HK

我地配SME臂就好易較.  亦可征服一般魷魚碟.  

London Decca 優點是透明度非常好.  感染力超強.  

如有用家在調較上遇到難題, 歡迎到本公司詢問.  本公司樂意提供協助.

racewong

Avantgarde-HK 發表於 2018-2-8 12:06
我地配SME臂就好易較.  亦可征服一般魷魚碟.  

London Decca 優點是透明度非常好.  感染力超強.  

依家我使用過ANNALOG支臂, 先知道SME臂係幾咁方便.

Avantgarde-HK

ANTH 發表於 2018-2-7 16:47
Output 5mv咪好大聲？ 係咪要用MM檔位唱

對!  是插MM.  市面上很多獨立的phono 都可調整增益由36db -72db.  一般應該在42db-48db 適合

loading 設定47K 或以上都可以

ANTH

racewong 發表於 2018-2-7 17:49
你都買番粒玩啦

冇MM檔位喎

wilmerworkshop

我對上一次擁有佢，好似 15 年前，以家仲係 $7900，真係抵到冇朋友

racewong

wilmerworkshop 發表於 2018-2-8 18:48
我對上一次擁有佢，好似 15 年前，以家仲係 $7900，真係抵到冇朋友

的確好抵玩

新漢陳Sir

各位兄臺有否聽過 AKG 可調VTA 的頂級動鐡唱頭？
1984年售價高達 HK$6500！

skycheung

奉勸各位珍惜生命，遠離毒品！

新漢陳Sir

skycheung 發表於 2018-2-9 10:37
奉勸各位珍惜生命，遠離毒品！

兄臺言重了！
社會迄今尚未復原，我等銷售者仍須努力(促進社會繁榮)。

racewong

新漢陳Sir 發表於 2018-2-9 12:08
兄臺言重了！
社會迄今尚未復原，我等銷售者仍須努力(促進社會繁榮)。

陳SIR努力呀, 分享多D你既寶貴經驗呀.