CAS在十年前興起, 令到玩CD機的人越來越少. HMMM.....點解呢?
個個話CAS方便, 唔駛浪費地方擺位CD, LP. 全部SAVE晒入個NAS度, 更甚者直接上TIDAL, 幾百萬首歌任你聽, 經條LAN CABLE就攪掂晒.
的確, 有好多初燒玩家都問我一個相同的問題, 訊源方面, 應該玩SACDP? CDP? 或CAS?
我地先談談CAS的優點吧, 作為初燒玩家, 買完幾十萬器材喇叭, 已經元氣大傷. 如果要佢地一次過入番晒D靚錄音的CD, 咁真係好鬼肉赤.
話明係初燒玩家, 估計佢地家中CD不出二百隻吧. 仲有大多都是90年代的流行曲吧. 說來說去, 就是說初燒玩家家中軟件存量一定不多.
所有問我玩咩訊源的初燒玩家, 我大都建議先買部靚D既解碼, 再買部串流, 先享受一下音響為你帶來的樂趣吧.
串流可平可貴, 三四千蚊又有, 十幾萬既又有, 真係睇餸食飯. 玩CAS可以玩FILE, 又可以玩TIDAL. 安坐在皇帝位, 拿來IPAD選曲, 一邊選曲, 一邊還可以上HIENDY吹水.
當玩CAS玩多一段時間, 身邊一定有更多毒朋友家訪你, 或你自己身痕去家訪.
有日當你發現, 點解CDP / SACDP可以咁方便就出到咁靚既聲呢? 果時你就開始進入發燒中階, 燒CD軟件.
吓? CDP 或SACDP方便? 鎗王你係咪打錯字呀?!
咪住... 大家聽埋我講先啦. 我所指既方便係一部CDT + DAC都能夠出到靚聲. 反之CAS, 如果玩得專業, 由MODEM開始, ROUTER, SWITCH, MUSIC SEVER, FIBERBOX, DAC等等, 都要加入LPS. 玩緊CAS既你地, 你地睇睇你屋企有幾多LPS?!
我知好多玩家並不同意CD 靚聲過CAS. 但如果我只說, CD係最簡單可以出到靚聲既訊源, 這點大家都應該無異議吧.
大家睇番上兩段, 我之所以建議初燒玩家先買部靚D既解碼, 就係作為現階段的CDT投資計劃.
當你有部靚既DAC, 買多部CDT回家, 享受下買實體CD的樂趣. 這實在方便不過. 哈哈. 恭喜你, 你已成功進入發燒中階了. 不過依個中階段, 有好多LEVEL. 依家只係中階既LEVEL ONE吧.
好肋, 依家你屋企的組合已經擁有CDT , NAS, MUSIC SEVER, DAC吧. 這就開始燃燒吧.
當你享受完CD為你帶來的樂趣, 就一定會身痕, 想知道自己初初SETUP的CAS可以贏到依部CDT嗎? 哈哈, 古語有云, 玩音響千萬不要比較, 否則燒盡你銀包.
如果你發覺CDT的質感, 節奏感, 或其他HIFI元素都遠高於CAS, 咁你就大鑊啦. 以你現時發燒中階指數來說, 你只有兩個諗法:
1) 放棄CAS, 齋玩CD算數. 唔駛再煩於邊條LAN線出現問題? 邊個LPS仲可以再好D? UPGRADE部MUSIC SEVER / NAS??? 等等等...慢慢享受音樂。
2) 仍依覺得CAS無理由會輸比CD, 想盡辦法去令到你家中的CAS可以贏到部CDT. 哈哈...咁你就預左無了期成為HIENDY的粉絲吧.
現今CAS每周都有新產品推出. 電腦既野, 日新月異, 有排你玩. 哈哈.
講左咁耐, 我地返番個主題, 咁即係仲有無人玩CD? 我們還需要CD機嗎?
上文講左咁多野, 我其實係想帶出我的睇法, 就是我們仍需要一部優質的CD機。
每個發燒時期, 都有不同需要, 當你迷網於[何為好聲]的期間, 一部優既CD機可提供一個最正路的方向給你作為你地參考.
而發燒有一定年資的玩家, 像我一樣, 家中存放大量CD, 點會放棄呢。 入手一部優質CDT已經係必須品。
大家又點睇呢? 一齊分享下啦
|