|
不經不覺, 丁悅在Hifi碟已到第三張。 數年前, 她與我們銅鑼灣拍攝片頭的影像依然歷歷在目。
我們這班叔叔班發燒友, 看著她由初出道的Baby fat, 去到依家既model級身型。 就好像看著自己親人成長一樣, 所以丁悅出的CD, 我點會唔支持丫。
講番隻碟, 取名[最愛是誰]係咩原因? 會否有特別意思? 我睇過CD的小冊子, 當中並未提及。 可惜, 今年我未有機會訪問丁悅, 所以問唔到佢。
亦可能只是我多心了, 大碟名稱只是取名於碟內的其中一首首目吧。
當CD放進MSB內, 響起的聲音是一把很真實的丁悅聲。 咩叫好真實? 咪就係丁悅用番佢本來的真聲來慢慢唱出, 這份真實加強了情感的傳遞。 令每首歌都好易聽得出丁悅想表達的意思,感情。
另一值得讚賞既係依張碟既底噪極低。 背境好靜好黑。人聲樂器都好立體。
全碟我最鐘意[為你鐘情],[忘不了你]及尾二果首[夢幻的擁抱]。
丁悅的情感喺為你鐘情與忘不了你兩首歌爆發出黎, 令我好快feel到少女情竇初開的感覺, 一邊聽, 一邊有少少眼濕濕。
夢幻的擁抱, 一開始的色士風勁有質感, 到丁悅開聲, 她使用Jazz既Live 風格唱出這首歌, 加上新篇曲。 真係好好聲。
喺我寫緊依篇介紹之時, 我已經reply play左三次這張碟了。
在此鎗王誠意推介依張[最愛是誰]給Hiendy網友。
|
評分
-
2
查看全部評分
-
|