剛到手既Stereo Sound出品小鄧全曲中國語歌唱黑膠, 急不及待用洗碟機洗乾淨, 就將佢放上我最愛既NOTTINGHAM ANNALOG黑膠盤上.
鄧麗君這名字, 說真的不是我的年代. 加上小鄧當年錄制唱片, 質素真係麻麻, 我作為發燒友根本沒有任何共鳴感.
一直去到我第一聽小鄧聽到起雞皮, 就是下面這張CD.
當年使用一套頂級金桑子推天朗, 播放這張《85年NHK演唱会》的尾CUT, 小鄧清唱果段. 我開始明白點解依家仲有咁多人喜愛鄧麗君了.
可惜這張《85年NHK演唱会》已是最靚聲的錄音, 之後再無任何小鄧既CD / 黑膠可以與之比美.
Stereo Sound 在幾年前出左一套五張的小鄧黑膠專輯, 我自從聽左《85年NHK演唱会》後, 已成為小鄧FANS, 當然我都已入齊一整套. 不過你地見我需然入手了, 卻沒有出POST分享. 你地自己都估到原因吧.
直至這張<全曲中國語歌唱黑膠>由STEREO SOUND REMASTER. 在A面聽左兩首歌, 就決定出POST分享這次STEREO SOUND真係做出一張最靚聲既鄧麗君黑膠了.
小城故事與在水一方, 人聲與樂器的比例適中, 寧靜度與分隔度都明顯比之前果幾張日語專輯更佳. 至於大家最關心小鄧既美聲. 今次我聽到<在水一方>時, 我的毛管又再之為小鄧的美聲而棟起. 癡左線既幼節與微動態令我忍唔住要開POST分享.
令次這張<全曲中國語歌唱黑膠>我已連續聽左三次. 無論你係咪小鄧FANS, 作為發燒友既你地, 這張黑膠你們必須擁有.
|