多謝 Hiendy 舉辦呢個 Event 活動, 亦都多謝烽日音響 Ray & Gary 在現場講解喇叭擺位。今次喇叭擺位活動, 有别於我認識嘅一般擺位。
開場引言, Ray 已介紹佢常用擺位嘅 CD 系蔡琴*機遇, 並指出此碟是反相錄音, 更即場示範正/反相分別 (如師兄們有此碟, 可以即時聽到分別, 請親身體驗)。
講返喇叭擺位示範, Ray 講述低音都包含有低音及高音, 高音都包含有高音及低音 (好似武功心法), Ray 嘅擺位方法講求音樂聲音快速及走動, 擺好後可以解決注波問題, 而令到整個聆聽空間充滿音樂及包圍感。
** 首先開大音量 (比平時聽過大小小)
1. 低音擺位 : Ray 講解用 蔡琴*機遇-第九首曲目(偶然) 首段鋼琴同另一張鋼琴 CD (我冇記低係邊隻)。 先關掉左邊喇叭, 用右邊喇叭擺直及拉前後測試 (先唔好理會喇叭同側牆距離)。如果拉啱位, 會發現座鋼琴放喺個前牆平直位, 琴鍵音會感覺有力, 唔會飄高。之後就進行人聲擺位 (側牆擺位)
2. 人聲擺位 : Ray 講解用人聲側牆距離擺位, 首先假設左右喇叭距離分中(中心線叫中軸), 將喇叭拉近或拉遠側場位置, 令到人聲擺啱系中軸右喇叭區域位置, 人聲不可以壓咗去左邊中軸位置, 測試仍然用 蔡琴*機遇 人聲来測試。
左邊喇叭擺位, 也跟用同方法 1及2 進行。看似簡單好容易擺位, Ray 話曾經用過11小時, 用以上方法先擺正個位。
壓軸就係用-舒特拉的名單, 再播正/反相, 反相嘅小提琴拉奏有力, 當正相播放時演奏者好似背住你拉奏咁。
以上筆錄內容, 只係用小弟有限嘅音響文筆去寫出嚟, 如果睇唔明, 請勿見怪。如有缺漏, 請其他師兄提點補充。 |