係時候要換釘墊了-Wilson Benesch 釘墊 (續)

mankan

一直都做是CD-ROM，直至有一日系版主鎗王篇 “係時候要換釘墊了-Wilson Benesch 釘墊” 留言話咗一句Wilson Benesch釘墊低買，餅主就吩咐寫篇分享，咁餅主叫到，即管試下，但文筆唔好，寫得唔好請各位多多包涵。

首先講講屋企聆聽環境先，屋企嘅間格放喇叭的位置比較窄，兩個喇叭相距只有差不多1.8m，重有一面貼近牆，而喇叭距離皇帝位就差唔多3米幾，系呢個咁嘅環境，d聲都唔會望有乜立體感，唔好講話有音場，連密度都差d，而當年重未系咁流行釘墊，原先是將釘腳直接放上木地板，低頻都唔差嘅，但中高頻就散散地，都冇辦法，原以為是位置所限，唯有Toe-in 小小，更加收窄音場，希望中高頻密度好d，當年Linn呢個品牌重系好流行，出咗款釘墊，叫Linn Skeet，好多師兄都用過，我都是用家，初初試果陣，系有改善嘅，中高頻就散散地的情況就少咗，改善咗少少無乜音場情況，低頻密度都有收緊，但唔系好夠力，都算可以，咁就聽咗幾年。

近排手痕，入手咗部 Esoteric N-01，當然整套機即刻 upgrade咗，但試來試去，總是好似掙d嘢，用開嘅 Linn釘墊估計是鑄鐵(鉛鐵合金)外層是噴漆/焗漆，用耐咗加上多年清㓗地板， Linn 釘墊表皮生銹同d漆油就剝落，一於試下其他平平哋釘墊，有Oyaide 嘅 INS-SP，TAOC嘅 PTS-N，重有試過幾個類型，有 X寶d不銹鋼釘墊，不銹鋼加石墨，尺寸有大有小，居然以上咁多款，好多都比Linn好，最好的一款就是 vhs 師兄所提嘅Oyaide INS-SP，用咗之後高中頻延伸咗好多，線條收緊咗，低頻就冇乜大變化，但音質就立體咗，的確唔差，後來因為見到豬賓師兄介紹Wilson Benesch釘墊，又唔系貴，當然即刻入手，入手後拎上手估計是304不銹鋼或316不銹鋼，9成是304不銹鋼，同我手上系淘X的不銹鋼釘墊差唔多，初初都唔心存希望，估計最多同Oyaide INS-SP差唔多，
但換上Wilson Benesch之後，一開機，感覺完全不同，好似upgrade咗成套機，高中頻延伸、層次多咗好多，線條收緊咗唔在講，低音的層次、線條、能量感都提升，尤其系我套機冇乜嘅音場，用咗即刻出曬來，雖然唔系多，都好好啦，當時呆咗一呆，唔信用千幾蚊就有咁嘅效果，試真d，真系喜出望外，再重複試真手上其他釘墊，排第一都是 Wilson Benesch，第二就Oyaide INS-SP，Oyaide唔系唔好，用咗之後高頻比Wilson Benesch更高，但有d亂，而低頻的層次、線條、能量感都是Wilson Benesch完勝，現在開心使用中。
經過今次試過呢幾款釘墊，有少少心得，就是喇叭都要夾釘墊，通常硬度越高的釘墊中高頻比較好，不銹鋼高音通常比較清翠，硬度較低的低頻較易出。另外釘墊越大，接觸地面面積越大，低頻較好。而最特別的地方，就是喇叭釘腳同釘墊的接點，除了Linn Skeet同Wilson Benesch外，所有釘墊只是有個凹位，釘腳就咁放上去，但Linn Skeet同Wilson Benesch不同，釘墊的中間凹位是中空設計，即中間有個細洞，另再加上直徑較大的斜圓邊，估計是增加釘腳與釘墊的接觸面積，從而增加低頻的響應，由於手上沒有REVOPOD、FE、Stillpoint呢類有珠的墊，有機會都會試下，估計是不同類別，最後，都要提一句，唔同嘅喇叭有唔同的特性，需要匹配的，選自已合適的釘墊。

bigpun1975

寫得好好，好好睇

racewong

多謝支持， 我都係想介紹多D又平又正既配件比Hiendy各網友

bigpun1975

中曬

vhs

正野

racewong

vhs 發表於 2019-2-4 23:24
正野

過埋年好快D換釘墊啦。 哈哈。

vhs

racewong 發表於 2019-2-5 09:46
過埋年好快D換釘墊啦。 哈哈。

要呀

racewong

vhs 發表於 2019-2-5 11:28
要呀

凌智未有貨， 可以落去訂貨， 順便聽下Dac X

vhs

racewong 發表於 2019-2-5 12:07
凌智未有貨， 可以落去訂貨， 順便聽下Dac X

好

smalltiger

很好的分享 ，有很大參考作用

racewong

你咁多釘墊， 遲D拎去俱樂部一齊玩啦

smalltiger

racewong 發表於 2019-2-5 13:24
你咁多釘墊， 遲D拎去俱樂部一齊玩啦

喇叭用不同釘墊，声音真係可以18O度改善或變差，我試過，之後先用番原装作参考

racewong

smalltiger 發表於 2019-2-5 14:13
喇叭用不同釘墊，声音真係可以18O度改善或變差，我試過，之後先用番原装作参考  ...

係喎， 推下先。

vhs

jjtiger

我都用緊

hscar

師兄係直接用Wilson 墊在Esoteric N-01原裝腳下面？ 定另外換佐釘再墊在Wilson 上面？