欲窮千里目 更上四層樓

Shadow

欲窮千里目 更上一層樓 ，呢番說話令我感觸良多！
在這兩個月內，整個系統又來了一個大革新，做了好多動作，
聲音又再翻了四翻！
1/在誤打誤撞之下 ，換了一條毫不起眼，一餐飯的價值的HDMI ，apple belkin 8k HDMI ！呢條缐給予我最大的感覺就是率直、爽快、平衡，只要系統內有任何的差池，它也會毫不修飾地告訴你問題所在，它不似一般貴價綫材，只會在某頻段作出強化，貴價hdmi 我已用了很多條，現在它已取代了nordost Valhalla 的位置繼續為我服役 。我絕不反對用貴價缐材，但是首要是必須做到三頻平衡，如有任何偏聲，絕對會影響在監聽時之質量及三頻的動態。
2/我又加了一台XTA的audio management processor 去取代我原本QSC前級的內置電子分音及EQ，XTA是一個在專業領域內無人不曉，首屈一指的處理器。由於在規格上及在數據上XTA也全面優於QSC的內置功能，即管一嘗專業界蹺楚的威力，使用後，無論在分析力，弱音對比，動態平衡，喇叭的控制也全面優於QSC內置功能，原來專業界與民用界也存在同一問題，一分錢 一分貨！現在QSC只做接收訊號後放大，而XTA就做電分及EQ，各施其職，合作無間！
3/適逢有老友出售一對而價錢亦覺超值，即管就入一對crown reference one後級，此台後級其實在江湖上已極之出名，呢台後級究竟有什麼令我心動呢，就是佢標示於20－200hz內的damping factor是兩萬 ，對，無花無假，真是兩萬！以我認知內，就算是一些hi end品牌，亦絕少聽過會去到兩萬的damping factor，既然此機所標示的規格，亦符合小弟玩電子分音的要求，因小弟之monitor就是在250hz切slope，即管入一台嘗試推我前置的四只12寸低音，果然不負眾望，呢台機器可以贏我兩台MC2bridge mono，它所推出來的低音絕不散，緊致有力，一浸浸的衝到面前，就是這樣，mc2又可放入柴房，只留一部MC2推前置的中高，而低音就落在crown reference one身上，用了它後了解更多部皇冠後，反正朋友還有一台，就入多部，因為既然呢台機器咁利害，如何可用這台機器令我的系統再提昇？！腦海中即時浮現了另外一個諗頭.....................................待續！

bigpun1975

JBL 雙18？

Shadow

上回提到第三波，話說近呢三個月不斷有高手到我家家訪，他們亦有不同的意見及心得留下給小弟，小弟深深受用，而我亦是一個願意接受不同意見之人，心得交流目的就是要相互進步提升，如果做人故步自封，手揸過球器村也只是井底蛙一只。早兩個月，在一次機緣巧合之際，到了全港最大型的制作錄音室，有幸能坐在控制台聽了幾段母帶試音！第一個反應，點解聲音會咁高速，低頻是那麼的乾淨收放自如。而一班工程師跟我提及，我當天坐的位置，就是聆聽最準確的位置，而每年杜比都會來做alignment！就是此次的體驗，深深領悟到什麼是制動力，大口徑單元要比力才可推出勁度，同時亦需強橫的制動力才可收停單元，免得一屋都是不必要及多餘的低頻。
4/就是這體驗，令我決定入兩只戲院用的超低:JBL的4645，因為我有一台強大制動能力的crown，18寸單元見到都流口水，一搬到回家見到個樣都震震地驚奶野，誰知校好音壓下開聲一聽，目噔口呆！點解同市面上一般用開的超低分別咁大？我真是未聽過一只超低是咁快，但個量是咁大而富有彈性的.........................下刪五百字！
可能有師兄會問呢D戲院超低又嘈又乾又硬又無層次，但經過自己細心聆聽後，絕無以上感覺，質感方面絕對拍得住用開的dynaudio studio reference subwoofer，這是我此料不及的！我諗我唯一可以解釋的為何與戲院內的低頻不同，舉個例子，如果Magneplanar的20.1用安橋後級推同用肥釘頂級分別是什麼，我想大家就會明白，君不見戲院現用的後級是什麼類型的皇冠，大家心照吧⋯⋯！

Shadow

bigpun1975 發表於 2019-3-25 23:47
JBL 雙18？

你好叻叻豬呀！

wildmanhk

見到都高興

Samson2011

多謝分享，期待後續。

racewong

開始玩pro機了

bigpun1975

Shadow 發表於 2019-3-26 08:24
你好叻叻豬呀！

以前響海洋見過/聽過

hei426

呢條友痴線架

pepsiman

兄弟,你想拆樓呀....

tst123

racewong 發表於 2019-3-26 10:16
開始玩pro機了

一用QSC 已經好 Pro

Shadow

racewong 發表於 2019-3-26 10:16
開始玩pro機了

其實自從幾年前開始入手Mc2，一直對pro gear愛不釋手，直至現在入到JB 4645，都是幾千蚊，説實話連二手velodyne microvee都買不到，但實際效能更是天地之分，性價比之高是計不清的！

Shadow

pepsiman 發表於 2019-3-26 11:56
兄弟,你想拆樓呀....

我諗現在個兩只超低只用了佢三成功力，但是個種君臨天下的感覺我真是未領教過！仲要現在只Dynaudio woofer駁埋中置用，即係連中置都打緊雙12寸低音，真是有D冧樓感覺！

Shadow

tst123 發表於 2019-3-26 11:56
一用QSC 已經好 Pro

玩完呢D機器，才知什麼是力量！

Shadow

hei426 發表於 2019-3-26 11:38
呢條友痴線架

凈係聽adele首rumour has it開頭intro左手邊個幾下鼓聲，什麼也番哂來！ 死佬，早D叫我入啦！

bigair

見到都爽YY的

chhanthony

好想家訪吸下毒

pepsiman

Shadow 發表於 2019-3-26 12:28
其實自從幾年前開始入手Mc2，一直對pro gear愛不釋手，直至現在入到JB 4645，都是幾千蚊，説實話連二手ve ...

容納呢兩隻巨無霸唔係錢嘅問題，係地方同鄰居嘅問題...

Davidsky

Shadow兄：你的步伐相當急速 小弟真係連燈尾都見唔到 喺你後面食緊塵

claero

我本來都冇乜升級嘅念頭, 都已經傻咗一陣子 係時候停一停

條友成日打嚟引我 佢自己步伐急速冇所謂 最慘佢仲要經常鞭策我喺佢後面食塵先 攞命 三兩日吾埋 又有新嘢攪