玩咗部4010幾時候出下report, 先講開機時間, 4010的待機模式有3個選擇, 1)正常模式, 2)省電模式, 3)快速模式,
省電模式最省電, 不過開機時間最慢, 而快速模式的開機時間最快, 不在OPPO之下, 我呢D心急派當然選舉快速模式...........
而LOAD碟時間就比OPPO慢好多, 入碟後可以去沖個杯麵先..............
畫面方面, 4010的黑位同對比度都比OPPO好少少, 黑位更加結實, 更有層次, 不過就沒有OPPO咁銳利,
聲音方面, 未開Denon Link之前, 與OPPO相比, 低頻的控制力稍為好少少, 動態亦有增強, 不過實際亦不是相差太遠,
不過當開啟Denon Link之後, 可以話係另一個世界, 一D細微的聲音出番哂嚟, 動態大幅提升, 如果 A1UD 有100分, 4010亦有95分.........
再試下聽兩聲道, 雖然只係行AL24, 及不上A1UD的AL32般清晰細緻, 不過人聲的結象及清晰度, 都比OPPO更勝一籌, 樂器聲好離箱, 定位更準.........
總括而言, 部4010聽歌明顯輸俾部A1UD, 不過睇戲同樣用上Denon 4th Link, 其實真係無太大分別, 不過價錢就相差成萬銀有多, 岩哂我呢D窮人...............
|