多謝咁多位師兄幫忙，小弟終於買了................Electrocompaniet ECI 6DX!!!
由結婚，裝修，搬屋，到而家upgrade, 足足等左差唔多一年了。今日終於等到部新機送到，用左2個半鐘setup加擺位，總算大功告成！
一開機聽嘅時候嚇左一跳，因為較個volume時佢有d沙沙聲，好似係d線接觸不良咁，我即刻檢查所有線材，但發現接駁冇問題，咁我就再開機試，點知都係咁，咁我就立刻打電話去昌x, 問過究竟，跟住佢地話因為係新機，可能係防潮物影響，煲下應該冇事，咁你正常的，咁我都冇咁驚。大概聽左一首歌嘅時間，我再試下個volume制，真係冇再有沙沙聲嘅情況，咁我就放心試了
講返音色，小弟本來係用Audiolab 8200A推Focal Aria 936, CDP就用緊部cheap cheap NAD C516BEE (應該都好快會屎忽痕換埋Electrocompaniet...hahahaha), 一直都覺得佢發揮唔到我對936, 而家換左ECI, 佢一開聲我真係嚇親，我從來都冇聽過我對喇叭係可以出到咁嘅聲，不論音色，層次，音場... , 都提升左起碼300%, 我首先試用返cdp自己個解碼，用信號線駁去部ECI, 已經有勁明顯嘅分別，之後再試用optical cable 駁去ECI, 用ECI嘅解碼再聽一次，感覺音場同層次再提升了50%左右，我從未試過咁滿足...hahaha. 之後我再試用一條20蚊嘅usb線駁過去聽電腦檔，我將首歌由cd rip去DSD檔，一開聲我根本分唔到係cd定係電腦檔，個解碼真係好堅！！！
最後我再試用Moov airplay過去，呢方面一定係咁多樣最差嘅一樣，但都完全超額完成，我之前係airplay去AV Amp, 但而家都一定好左大概70~80%, 所以總括黎講我係冇買錯機，今次應該有排玩...hahahaha
報告完畢，今次係小弟第一次po 開箱文，同埋我只係一個新手，所以介紹係重感受多於數據，希望大家唔好介意，再一次多謝咁多位幫過我嘅師兄！！！ |
IP卡
狗仔卡
發表於 2019-5-22 21:36:11
提升卡
置頂卡
沉默卡
喧囂卡
變色卡
顯身卡
發表於 2019-5-22 23:25:08
