一年一次既開放日喺上星期日已經完滿結束, 今次係我地攪EVENT第一次唔駛會員報名既活動.
我地又未試過星期日去攪活動, 所以究竟多唔多會員黎玩呢? 有幾多呢? 真係全部都係未知之數.
星期日, 我, 豬賓與百事佬一早返到俱樂部, 就擺晒D椅子面對兩聲道器材, 我地既原意係先聽大廳既兩聲道,
再入工作室聽,
最後才出番去睇戲.
一直去到兩點鐘, 開始有會員陸陸續續咁入黎, 我地一邊聽歌, 一邊吹水, 話咁快就坐滿左個大廳. 聽多兩首歌, 大家又入左工作室聽歌, 而百事佬襯大家入晒工作室, 佢就喺出面開始搬椅子, 為之後既AV分享會作準備.
今次AV既器材係使用出名強戲院FEEL既YAMAHA 最新前後級5200系列, 喇叭為使用一系列既SENSA SOUND. 百事佬就負責打碟比大家欣賞我地俱樂部既頂級家庭影院既刺激感覺.
開放日既第一節玩到過晒鐘, 最終第二場既會員到步後, 有D會員仲留埋喺度一齊玩埋第二場添.
今次真係好多謝咁多會員陪我地顛, 一齊抛妻棄子. 星期日都上黎俱樂部玩.
雖然開放日已完結, 不過HIENDY俱樂部會陸續安排更多好玩又學到野既活動比大家. 大家記得留意HIENDY啦. |