請教前級和後級的分工

IKU

各位師兄，小弟剛從合併機轉用了二手前後級，想了解一下前級是否主宰分析力和音色？如要改變音色是否只便換前級就可改變？

banny_seng

分析力和音色是同前級與後級都有關，經常聽人講前級出聲後級出力是有語病的，如果部後級只有力但D聲9唔搭8，畀部最正前級你都無用！

banjo

合拼機只係將前級同後級放埋一齊, 出到好聲證明兩者有密切關係.
所以想改善音質, 從器材方面嚟計, 一套同牌子嘅前後級係必然選擇, 越高質素會越好聲.
至能否完全發揮到套機嘅潛力, 就要睇你聆聽環境同埋對喇叭.

racewong

我個人對後級的要求比前級更重， 當然調聲調音色， 可以從任何器材調節。 訊源， 前級， 後級， 線材等等都可以呢

三文魚腩

都同樣重要。後級無分析力，你前面點攪都作用不大。

digallhong

後級非常重要，尤其係全頻嘅控制力，場面，音場深濶；不同牌子，甚至同牌子但不同型號後級都有不同音色

IKU

我現在用了YS audio reference one mkIII 做前級，後級係用PASS Lab x250.5 推JBL array. 小弟JBL Array1400，現在覺得音場，分析力，定位，音場都比已前好，但覺得高音比較多少了一些厚暖感！

bigpun1975

IKU 發表於 2019-5-27 13:27
我現在用了YS audio reference one mkIII 做前級，後級係用PASS Lab x250.5 推JBL array. 小弟JBL Array140 ...

唔試下 YS AUDIO 西裝？

starhifi

我買咗C3850作前级改善之大比A70後级大好多，终於明白金仔旗艦前级点解會贵過前旗艦class A A70 立体声後级超過50K.

睇金仔和Tidal前级的構造，相信一部靓声前级設計難過後级。

banjo

starhifi 發表於 2019-5-27 20:30
我買咗C3850作前级改善之大比A70後级大好多，终於明白金仔旗艦前级点解會贵過前旗艦class A A70 立体声後级 ...

其實, Tidal前級已經唔弱, 不過面對金仔3850龐大嘅水塘陣, 寛容度唔夠佢嚟都好合理.

banjo

IKU 發表於 2019-5-27 13:27
我現在用了YS audio reference one mkIII 做前級，後級係用PASS Lab x250.5 推JBL array. 小弟JBL Array140 ...

高音比較多,少了一些厚暖感. 我認為係呢對JBL高音號角嘅特性.

IKU

banjo 發表於 2019-5-27 23:43
高音比較多,少了一些厚暖感. 我認為係呢對JBL高音號角嘅特性.

反而我之前用Gryphon Diablo 250沒有高音多

dekiller

IKU 發表於 2019-5-28 00:23
反而我之前用Gryphon Diablo 250沒有高音多

JBL高音出係正常。Gryphon只是剛好抵消。一加一減而已。前級應負責電壓放大而后級應只轉換成電流輸出。理想后級是0dB gain。但一般都是26dB左右。Line pre-amp只是10dB。所以餅主説后級更影響音色絕對不矛盾。后級其實是大半部合並機。

digallhong

高音多而缺少暖厚感，個人斷估，passlab 250.5 同JBL 音色性格有機會重疊左