|
復活節假期前忍唔住手,
同代理入咗對Tellurium Q嘅Silver Diamond.
相信已經有好多師兄感受過TQ有幾毒!
加上身邊有D損友成日話TQ幾正幾好!
攪到我心思思入對試玩吓!
而之前一路用Zonotone Royal Spirit XLR.
如果有用過Zonotone嘅師兄都知,
呢個牌子有超高C/P值。
音色自然唔會太重口味。
而喺我套系統上會加返一㸃色彩!
所以一路上自我感覺良好。
而TQ線一路都無說明所用的線材物料。
設計師只建議”聽聲收貨”!
其實我非常同意!
好聲就唔使講咁多, 衰聲就用咩靚料都無意思!
見對TQ Silver Diamond都煲咗一段時間,
係時候同大家分享吓。
呢對TQ第一個感覺係層次感好咗非常之多!
音場不論前,後及左,右都好似大咗一個大圈。
真係有D穿牆嘅效果。
分析力好好, 細節同弱音都比之前出咗。
好自然唔使開大聲就聽到更多。
人聲方面唔重味,但毛燥更少順滑咗。
質感唔錯,乾淨而且有線條。
最正係整體聽起嚟係豐富咗好多!
呢對Silver Diamond簡單講就係非常之平衡!
用喺我套Esoteric度可以話係全面提升。
比起之前對線今次只能講一分錢,一分貨!
真心諗唔到一對XLR就可以有咁大改善。
最正係有個老友試聽完即時要去俾錢解毒!
之後我都想試埋條Silver Diamond Lan線。
如果有師兄用緊希望可以分享吓! |
評分
-
16
查看全部評分
-
|