［花絮及討論區］體驗Wilson Benesch 教皇 Eminence

racewong

今曰剛完結既WB EMINENCE 欣賞會完滿結束， 等我分享番D相片比大家睇啦。

今日示範器材全部係極品中既極品， Nagra CDP, HD DAC X, HD PRE



DAD THE LITTLE BIG MONO POWER AMP



WILSON BENESCH EMINENCE 喇叭。



開場白由我為大家介紹今日既器材及先播兩首歌熱身。



及後就介紹試聽會首賣既唱片［唱香港的歌］，今次首賣我叫左[唱香港的歌]錄音師Terence Lai , 等佢親自講下依張碟既概念與錄音過程.




大家都聽到好陶醉呢.




我地喺試聽會聽左四首[唱香港的歌],  我雖然唔係坐喺皇帝位, 但聽得出今次凌智依個配搭好有音響味, 尤其係WILSON BENESCH既味道好吸引, 就係有一種令你一直想繼續聽歌的感覺.
NAGRA HD系列叫好叫座, 大家都對這系列不會陌生, 反而我想講下對Danish Audio Design The Little Big Mono Power配WILSON BENESCH EMINENCE既中低頻層次十分出色, 重量感與線條並重. 實在係超高班之配搭. 至於新設計高音單元, 密度質感已達頂尖之列.



大家聽多幾首古典棚爆後, 就照大合照,



最後最後, 當然係每人買幾隻[唱自己的歌]返屋企慢慢欣賞啦.

hksarac

原來去萬宜，不是去高級會所聽

littlecx

買幾隻碟有得近距離接觸百萬器材，抵喇
我幾百蚊買隻麥當娜都係係屋企聽架咋

ccli1996

多謝Hiendy及凌智的安排，昨午可以欣賞由過百萬器材（甚至幾百萬，因為話單一對EMINENCE喇叭定價都話過球）播放的試聽會，又有Terence Lai介紹及試聽“唱自己的歌”CD裡幾首歌，合唱錄音，非常好聲，超高分析力，又有質感及耐聽，這種效果當然係要靚錄音，加埋超高班器材結合所得出來的播放效果啦！

最後當然是買了一隻回家，一來隻CD真係好聲，啲粵語合唱歌，又真係未聽過，感覺幾新鮮，二來回家又可以用佢嚟比較下，在自己套系統播放時，音效會差幾遠 ，作為下一次升級改善目標的參考

remychiu

再次多謝Hiendy及凌智的安排，一對有高超質素但絕對吾易玩嘅超型靓聲喇叭(當然價錢亦都................)CD係香港本土精英炮製緊係值得支持喇

Ray@_@

阿溫去了凌智做嗎？

racewong

ccli1996 發表於 2019-7-14 10:33
多謝Hiendy及凌智的安排，昨午可以欣賞由過百萬器材（甚至幾百萬，因為話單一對EMINENCE喇叭定價都話過球） ...

咁喺屋企聽左未？

racewong

Ray@_@ 發表於 2019-7-14 11:51
阿溫去了凌智做嗎？

凌智showroom主要有兩位同事主理， Steven 及 忠哥

racewong

Ray@_@ 發表於 2019-7-14 11:51
阿溫去了凌智做嗎？

Steven 即係亞溫

Ray@_@

racewong 發表於 2019-7-14 13:03
Steven 即係亞溫

ccli1996

racewong 發表於 2019-7-14 11:52
咁喺屋企聽左未？

聽咗一次，不過唔係太專心坐定定聽果種 第一個感覺，就好似Terence昨日所提到，隻碟制作時，是沒有經過壓縮處理，聲音（量）會偏細，播放時係須要開大幾多Volume度數才覺得夠聲，即係要開到聽得清楚在一般（或一部）演唱音量時嘅人聲咬字夠清晰時，到澎湃（或幾部一齊）合唱段時，又不會容易變成爆聲或刺耳，都唔係咁容易，anyway，成隻碟嘅粵語合唱曲目，只有一個鋼琴做伴奏，其餘大部份屬不同人聲，聽落真係幾舒服，好relax，值得推介！

JL0330

多謝Hiendy及凌智的安排, 可以欣賞過百萬器材, 最後當然買了一隻“唱自己的歌”CD回家

jason10

今次真係找死啦，買咗隻碟番去聽，完全兩個世界，凌智套機實在太堅啦。

racewong

ccli1996 發表於 2019-7-14 14:13
聽咗一次，不過唔係太專心坐定定聽果種 第一個感覺，就好似Terence昨日所提到，隻碟制作時，是 ...

咁要幫手推介下比你D 老友了.

HIENDY俱樂部現有少量貨存.

racewong

jason10 發表於 2019-7-14 15:39
今次真係找死啦，買咗隻碟番去聽，完全兩個世界，凌智套機實在太堅啦。

差好遠?

racewong

JL0330 發表於 2019-7-14 14:29
多謝Hiendy及凌智的安排, 可以欣賞過百萬器材, 最後當然買了一隻“唱自己的歌”CD回家 ...

聽左未?

記得推介比老友. 我覺得依張碟真係每人要買一張看門口.

racewong

Ray@_@ 發表於 2019-7-14 13:44

得閒上去搵佢吹下水, 聽下歌啦.

對EMINENCE真係好堅. 我驚你聽完會轉會呢.

Agassi

尋日聽對WB真係聽得好過引，前後排合唱團距離感同果hall個濶度深度真係聽得清清楚楚，一同係屋企聽真係爭好遠，另外隻碟真係清新及感受到Terrence 十分用心去錄，D歌亦好聽。

不過最大得著係得知凌智新人事新作風，從此以後唔會唔敢入去 參觀（笑）。

denonwan

Ray@_@ 發表於 2019-7-14 11:51
阿溫去了凌智做嗎？

yes 阿溫去了凌智

racewong

Agassi 發表於 2019-7-14 19:56
尋日聽對WB真係聽得好過引，前後排合唱團距離感同果hall個濶度深度真係聽得清清楚楚，一同係屋企聽真係爭好 ...

咁要介紹多D老友買碟啦