本帖最後由 kevin2007 於 2019-7-23 21:04 編輯
數年前開始, 識我的人都知我係一個嚴重抗拒CAS的人,基本上話有家訪如果話訊源係CAS我都會吾去, 心中永遠覺得無謂浪費自己時間, 如是這便過了幾年直到Tidal的興起, 身邊又有一大班朋友又去參與同推介用各種綱絡串式流播放器玩Tidal同NAS, 最初的有籃芽播放, WIFI播放, 但在我家訪試聽過幾次及朋友帶器材我試, 最後我的結論都係一個字講晒 ”朦”, 都係浪費我時間~~~直至一個朋友推介一部PI仔PI3b比我玩便發生翻天覆地變化
第一階段(初玩篇)
PI3b其實係一部小型電腦只要插入LAN線輸入及USB線輸出直入DAC的USB便可以接駁好, 第一次接駁的PI3b是好友借給我試玩, 接駁好後可以用電腦/手機經WIFI控制選歌及音量控制
剛開聲, 聲音無那些籃芽/WIFI播放器的”朦”感覺, 但明顯未能追貼CD的音質, 問問朋友咩價位回覆是$400蚊左右, 都OK可以買部返o黎玩玩播吓背景音樂方便家中做嘢都可以,事後再查問仲有咩玩法及方式可以提昇聲音質量, 朋友便話搵日會攞齊架餐過我度試玩及同場比較
又過了一星期朋友真係攞齊架餐再到訪, 今次見佢左右手各一大袋再加一個大背郎……….心唸使吾使咁重火力o黎毒我入坑呀?? 打開D袋竟然係D電腦嘢而又吾係D咩HIFI嘢仲怪, 朋友今次攞o黎係數隻LPS線牛, 光纖線, LAN線, Router同一D我都吾識的電盒仔………心唸你攪HIFI定攪電腦呀?? 於是咪問問朋友攪邊科啦, 佢話一切要從源頭開始攪, 源頭好之後的一般般的都吾會失禮人, 開始
第一個setup: 更換一個電競級别的Router
聽感 : 音場即時深了, 聲音滑溜及有密度了
第二個setup: 幫Router換上19V LPS線牛
聽感 : 比第一個setup再進步10%左右, 太神奇了
第三個setup: 為光纖/LAN轉換器換上12V LPS線牛
聽感 : 音場再深了及更立體感, 背景更寧靜不少
第四個setup: 在光纖/LAN轉換器接Router中間加裝一對光隔及換上5V LPS線牛供電比光隔
聽感 : 比第四個setup再有5%進步
第五個setup: 在Router LAN線接駁PI3b中間加裝一對光隔及換上5V LPS線牛供電比光隔 (其中Router到PI3b的8m距離改用光纖線代替長距離LAN線)
聽感 : 因前邊幾個setup已改善了訊號的大部份干擾, 所以第五個setup再沒有翻天覆地的改善,只係感覺背景再黑點,音場深少少,整體改善低於3%
在五個setup完成後再聽返Tidal同AMR CD777 CD盤出同一曲目在聽感上大家已經好接近, 如果真係要講分別那便是聽Tidal 分析力高d細節多d, 聽CD人聲中頻厚點, 泛音多點, 之後朋友再在各位置換上不同品牌的LAN線調味, 完成後我已聽不出播Tidal同CD有咩大分別了, 而同行另一朋友更直接話其實已經超越了CD, 最後唯有乖乖跌錢照朋友菜單執藥, 大約用了7仟蚊左右進行訊號源頭優化
第二階段(進階翩天覆地篇)
自朋友幫忙優化訊源已有一個月時間, 其間大部份日子都是在聽住Tidal因為實在太方便連聽黑膠時間都減少了9成, 而期間CAS系統出問題多是軟件的不穩定問題其他都無咩大問題發生過, 直至一日朋友又帶來一部Lumin A1借我玩取代PI3b及AMR CD777的DAC部份
第一setup : 用Lumin A1 取代PI3b及AMR CD777的DAC部份
聽感 : 明顯在APP的操控更敏捷及得心應手, 聲音無咩明顯改善而且聽耐左仲覺得吾夠耐聽, 吾夠吸引表現平平無奇………..
第二setup : 朋友第日問完結果再o黎聽一篇後聽感都同我描述差不多便建議不用A1內置的DAC, 只用佢份network bridge部份再用同軸線入CD777的DAC
聽感 : 開聲, 掂左, 想要ge嘢有返晒, 背景更靜, 音場更深立體感更強, 今次真係全面贏CD半條街
第三setup : 說時遲那時快朋友又從佢八寳袋取出一部Mutec mc3+usb在CD777及A1中間用同軸線接上
聽感 : 一開聲音場再後點, 立體感由原來在喇叭與皇帝位之間兩邊側牆直接伸延到皇帝位後方的兩邊側牆, 都好跨張好有3D感覺, 聲音更清晰, 無咁顆粒感更加滑溜, 背景更黑, E一刻我好肯定聲音整體已超出播放CD一條街了
第四setup : 朋友第日一早又手提一盒嘢繼續坑我落深坑, 今次係一部Antelope 10MX鐘, 接駁比部Mutec mc3+usb用
聽感 : 樣樣再好d, 整體每樣都有5%提升, 明顯地CD已經比下去差距越o黎越遠了
後記(金翅仆街鳥篇)
今天朋友又o黎帶上新訂的LPS線牛及改裝零件比個Antelope 10MX鐘改裝用, 改裝用線電後的鐘用後無太大分別, 暫時只聽到背景再黑點, 待線牛煲好先可以講到聽感, 從前我永遠覺得CAS點攪都只能做到接近CD的質素, 嘅然係咁不如聽返CD啦, 所以一直都好抗拒CAS但今次真係改觀了, 原來CAS係可以帶出無限可能同變化, 不過經過朋友e幾階段慢性落毒及不停加藥後今次想吾毒發都吾得了~~今次真係金翅仆街鳥
|