|
|
喇叭面板越窄, 甩箱能力越高. 這是玩音響的常識吧. 
但面板太窄, 又點可以放D大SIZE既低頻單元呢?
AUDIO PHYSIC依間廠就係依方面既表表者. Audio Physic , 香港發燒友鐘意叫佢做AP. 我諗最多人用AP既型號一定係TEMPO 25吧. 以我所知HIENDY網友裡, 起碼有五個會員用緊TEMPO 25. 原因不外乎係AP所有型號都使用窄身設計, 極適合香港既居住環境.
本文主角CARDEAS PLUS+係對上兩代既旗艦型號, 不過最近已經比CARDEAS 30 JUBILEE EDITION 及最新旗艦STRUCTURE所取締.
可能你地會問我點解唔寫最新款既STRUCTURE? 反而寫返上兩代既CARDEAS PLUS+ (下稱CP+)?
一來最新款STRUCTURE剛到香港代理, 依家佢地仲煲緊對喇叭.
二來話明最新款, 喺價位上, STRUCTURE與CP+相差都有成倍價錢. 所以依對CP+可以係話一對可以品嘗到AP旗艦技術之餘, 價錢又比較親民.
我地先唔好講依對CP+賣幾錢先. 今次香港代理絃聲SEND依對CP+真係新開箱, 煲都未煲透. 咁即係又要喺俱樂部慢慢煲啦。
我地又唔講價錢，又唔講聲，咁講咩呀？哈哈。好，我地先講下依對CARDEAS PLUS+既技術先。
講開AP, 第一樣要講當然係佢地既自家單元啦, CP+用左三路六單元設計,
高音係自家HHCT III單元,
每邊三隻中音係用左HHCM II單元, 一隻係全頻中音, 另外兩隻係負責中低音. 所以我聽到既Cardeas plus+既中頻水份與分析力超強.
至於AP最強既SIDE FIRE低頻, 喺CP+就用左兩隻十吋低音單元, 你地見到佢條喇叭膠邊咁粗, 都估到佢既低頻可以有幾勁啦.  而CP+每邊喇叭用左兩隻長衝程低音單元.
而另一值得一提係佢既釘腳, VIBRATION CONTROL FEET (VCF), 依四粒釘腳可以將整對喇叭懸浮起. 我試下輕輕推對CP+, 真係會郁郁下.
好肋, 今次既測試我用左好多不同擴音機推動, 可以話真係試晒佢既表現.
第一部我用VIOLA CHORALE INT. AMP,
依部美國頂級音響品牌既最新合併機, 擁有每邊125W@8ohm, 250w@4ohm既強勁輸出. 講真, 美國機既力水, 大家不用懷疑, 而好似VIOLA這品牌, 擁有強勁輸出, 又兼容幼細高貴既品牌, 我只諗到VIOLA.
而這兩個品牌第一次喺俱樂部合作示範, 連我依個餅主都好好奇, 佢地既表現會係點呢?
(由於今次要寫三套機, 所以我唔諗住再張張碟咁寫啦, 我只會寫番我既聽感.)
VIOLA 夾 AP CP+依套組合, 喺俱樂部既大廳, 我都攪左幾場示範會, 記得喺示範會中, 有會員對本文主角好好奇, 點解咁既SIZE喇叭可以做出咁大既音場? 而每邊六隻單元既CP+, 只係使用250w@4ohm既合併機都可以推得頭頭是道.
除左音響, 會員們最欣賞係CP+既中頻感染力.
如果聽一D大爆棚樂章, CP+既擴散性好易就填滿左俱樂部四百幾尺既大廳. 好明顯佢果粒HHCT III高音單元真係有料到.
當然, 你地會問, 咁大對CP+真係咁易推? 只用250W既合併就可以攪掂佢? 哈哈, 點可能呢? 喺依次既組合裡面, 我地都聽到依對CP+有著更大潛能, 都係果句, 你比好D佢, 佢一定會有更佳表現.
第二套擴音機就係使用SOULUTION最新3系前後級325+311.
依套組合係SOULUTION最入門既前後級, SOULUTION既前級出名幼細, 瞬變速度爽快, 加埋311既240w@4ohm 輸出. 可推動市面絶大部份既小型座地喇叭.
不過今次既喇叭係使用AP CP+, 點講都係旗艦級別, 喺311既推力下, CP+會唔會有更佳表現呢?
如果我話之前部VIOLA CHORALE INT. AMP係中性偏音樂感的話, 咁依套325+311就係絶對中性及爽快, 如果以控制力來說, SOULUTION既DF絶對係冠絶武林, 就算以依套入門前後級既240w@4ohm輸出, 控制對CP+十二單元, 一樣頭頭是道.
聽好多小品及演唱會等等樂曲時, 豐滿既音場以及全頻線條極靚, 好似好多發燒碟都使用的DOUBLE BASS, 喺SOULUTION夾CP+絶對表現出豐富既層次感及下潛力.
當然, 你可能問我240w@4ohm既後級就可以攪得掂對CP+?? 
以我既聆聽經驗來說, 本文主角CP+係幾大食, 基本上係有大食大. 當播放大動態樂曲時, 我諗要出動SOULUTION 711等級數既後級先可以餵得飽佢.
eee....711??? 我既工作室入面咪有對猫仔MONO囉, 依對THE LITTLE BIG擁有1200w@4ohm 輸出. 如果以依對猫仔推CP+, 咪可以試真佢既實力囉...
二話不說, 我就動手, 搬對CP+入房
第三套擴音機係NAGRA HD PRE + DAD THE LITTLE BIG MONO POWER AMP.
NAGRA HD PRE被譽為世上最好既前級, 只要聽過佢既表現, 所有發燒友只能慨嘆, 點解我個銀包咁薄...
而DAD THE LITTLE BIG MONO POWER AMP就之前已經寫過報告. 詳情可以睇番下面條LINK
[官方測試報告] Blue Cat Danish Audio Design-The Little Big
[官方測試報告] Blue Cat Danish Audio Design-The Little Big
今次對AP CP+對面1200w@4ohm輸出既猫仔mono block, 會有咩表現呢?
當對CP+搬左入房後, 我立即搵幾張爆棚天碟黎試一試. OMG
雖然工作室的面積比出面既大廳略細, 但係當CP+夾左DAD THE LITTLE BIG後, 音場大上一圈, 整個音場既密度提升得最明顯 三頻來說, 以低頻既質感, 層次與彈跳力提升得最勁. 其他元素如分析力, 超高與及DAD獨有既感染力都能表現得接近完美.
後記:
我寫報告寫左咁多年, 多數代理都會叫我寫最新最熱賣, 或者旗艦級別的產品. 但依對AUDIO PHYSIC CARDEAS PLUS+雖然都係現有型號, 但旗艦已給STRUCTURE取締. 咁點解我仲要寫依對CP+, 因為我與代理都一致覺得依對CP+係一對可以接觸AUDIO PHYSIC旗艦精緒, 又絶對抵玩既型號.
見上文所寫既形容詞, AP CP+係一對不帶任何音染, 有碗話碗, 有碟話碟既喇叭. 可能有D AP用家並不贊同, 但如果有機會, 使用超高DF既擴音機推動AP CP+或其他型號, 我諗你地既聽感會與我一樣呢.
---------------------------------------------- 完 ----------------------------------------------
代理: 絃聲音響
價錢: $218,000
https://www.hiendy.com/hififorum ... =2954116&page=1 |
評分
-
2
查看全部評分
-
|
IP卡
狗仔卡
發表於 2019-8-26 11:47:04
提升卡
置頂卡
沉默卡
喧囂卡
變色卡
顯身卡
發表於 2019-8-26 14:11:27
