打開紗窗的靈魂--FUSE--

benwongkk

題目有小許虛無飄渺,不過正是小弟對自己套音響迷思的反照.
小弟回歸高級音響已經過了三年半,加入HIENDY幾年今次都係第一次出POST因為好怕寫字,表達能力又差. 由開始玩既INT=>前後=>INT=>前後, 當然試過不同器材自然有不同線材. 由普普通通變得有小小冇咁普通,但轉換過程中令我印象最深刻既竟然係一粒輕到打個乞嗤會吹走,趺落地可以搵唔返既..FUSE..
現在小弟既組合如下:
CAS: LUMIN T2
CDP: MARANTZ SA11S3
LP: CEC ST930+LEHMANN DECADE + 華唱頭SL
AMP: HEGEL P30+H4SE (2ND EDITION)
SPEAKER: PMC PB1i

玩得hi end當然身邊一定有班燒友,毒友,毒forum(包括呢度), 所以玩既過程由diy線,除左自己畀錢買既線之外亦不乏大量高質線材由朋友提供, 試玩過亦都係大路野如..audioquest, inakustik, harmonic, van den hul, siltech.....線材包括電源,訊號,喇叭,拖板,插頭,升壓牛,手雷,fuse...
試左咁多樣野搞到七國咁當然試出黎既野都係七國咁亂..事實亦都唔會話有邊樣好邊樣差因為唔同物料跟唔同組合有n個效果,重點係試到邊樣配搭合自己口味就可以了. 所以一直覺得沒有發揮不到的器材/線材只有發揮不到的技術.
講咁多又關我題目乜事呀? 咪就正因為係我搞到自以為好滿意好穩定好好聲既前提下畀一粒野打破左我個觀念囉.

之前自己都有玩SR&IP,感覺良好但冇大驚喜直到試左Wilson既fuse..wow..一試領野,真係耳界大開..(銀fuse,金銀頭各一邊二種玩法)..直接將我套組合既立體感同清晰度大大提高,後邊d咩音場細緻乜乜物物唔講了...總之用左之後有一個量既提升.
一次自助晚餐錢直接改善..低到冇投訴. 唔信可以搵黎試試,唔得返黎搵我,最多請你一個男人的浪漫作補償.

P.S..粒fuse我玩左2個幾月..直到而家先忍唔住出個post讚下,希望有緣人見到可以試下同支持一下本地創作!~~
補返幾張相,怕畀人話我吹水..

benwongkk

唔知點解會出左二個post..麻煩槍王兄delete一個

littlecx

好過zero？

machinez

師兄文筆很好，太謙了！一頓飯價錢帶來驚喜的fuse又夫復可求呢！

benwongkk

littlecx 發表於 2019-11-16 17:11
好過zero？

冇用過zero,只試過platinum純以自己組合為比較.... 太貴既野我都真係唔捨得...

machinez

小弟無沒有試過zero, brimar等靚fuse, 只玩過同是入門價錢的fuse比較。若以聽感計，樓主所推介的wilson fuse交出超越身價的表現。我用在合併機後有點撥見青天的感覺，聲音更立體。借用著名球評家說“以庶渣的價錢踢出燒鵝的味道”來形容雖然有點誇張，但以性價比而言確是值得一試。

WilsonAudioLab

帶望呢個新產品可以為香港人帶黎更優質音樂體驗，大家都可以有能力開心玩 ^.^

ConstantK

'一餐晚飯錢直接改善..低到冇投訴'

厘餐飯係什麼餐，茶餐廳定係富豪飯堂?

eds60

多謝分享。

benwongkk

ConstantK 發表於 2019-11-16 23:27
'一餐晚飯錢直接改善..低到冇投訴'

厘餐飯係什麼餐，茶餐廳定係富豪飯堂? ...

師兄我改左喇