Fiberbox 終極大補版

史的墳

玩 CAS，其中最重要嘅一樣嘢，就係盡量將 Jitter 同 EMI 影響減到最低，「拍子」亦要非常準確，出嚟嘅聲音就會好靜，好有音樂感，可與其他 sources 分庭抗禮，爭一日之長短。當然，要做到以上所講係有代價的，就係無盡嘅心機不停鑽研。老實講，CAS 要做到好聲音，所花嘅時間與心機比起花黑膠更多、更複雜、更難玩，而花嘅金錢可能亦比起玩黑膠有過之而無不及。

至於控制 Jitter，其中一樣神兵利器就係 Fiberbox 光隔，利用 LAN 與光纖方式轉換，而將音樂資訊「洗水亅，去除雜質。如果想再做好 D，就可以將轉換過程將「拍子亅用 25.0 MHz OCXO再重新排序，另再加進「調味料」，就資訊豐富起來，並將雜訊及 Jitter 影響減到近乎零，咁出嚟嘅聲就純正如絲。

我一向都有用 Fiberbox，用於 NAS 及 Streamer（Weiss DSP502）之間，效果顯著。而我幾年前是用兩隻 D-Link 單模做光隔。到前年開始轉用有「御品音響亅加持及認同的 Edison 兄所製作嘅 Fiberbox II Bybee Version，效果比起用 D-Link 有相當提升。



去到近期，Edison 兄又有新攪作，將 Fiberbox II 用上極品材料，金光閃閃、好有音樂感嘅 Audio Note 快晴電容、 TG 8.1 LAN 頭，UPOCC 機內線、 reference silver LAN 線、25.0 MHz OCXO 鐘、專業設計底板、及紫銅底板。我當然唔會放過再一次提升嘅機會，立刻 call Edison 將我部 Fiberbox II 進行升級。



過咗大概一星期，今日升級終極版嚟到我手上啦！二話不說，立即將佢駁返落套機度，24 x 7 不停煲熟佢先。

後續......

TChan

講開光隔，有啲嘢想交流請教一下師兄。
使用了光隔，就等於在NAS同streamer之間，除了多咗個隔之外，還多了一條lan cable以及同時使用多了一條電源缐。這樣一來，出現的變數就會從原本一條lan cable，變成兩條lan cables加個隔再加條電源缐，一變四。
如果，把玩光隔的資金，全數去盡只升級條lan cable，結果又會點呢？形式雖然不一樣，但對聲音同様有所改變。這方面，我個人就偏向越簡單越好。

史的墳

TChan 發表於 2020-3-29 11:59
講開光隔，有啲嘢想交流請教一下師兄。
使用了光隔，就等於在NAS同streamer之間，除了多咗個隔之外，還多了 ...

如果你係用 DHCP 由 NAS 直出 Streamer，你既推斷就應該正確。如果唔係，就算你用 Dalby Audio Design（我係用緊佢去最後一關），效果都不及經過 Fiberbox 有用。

另外，講開電源線俾 Fiberbox，我試過唔少線去配佢，發覺最好既都係一 D 唔使大電流，冇乜性格既線，例如 Acrolink 4020，又唔貴，就最岩。最後可以用尾關 LAN 線調味。

仲有，我想講你知，我除左光隔之外，我去 Steamer 之前仲有以下駁法：QNAP -> Fiberbox 光隔 -> SoTM Switch 1 -> SoTM Switch 2 -> Acoustic Revive RD-1 摩改 TG 8.1 頭 -> Weiss DSP502。

最後，玩 CAS 玩左咁多年，俾到我一個好大既結論：玩 CAS 唔同其他音響，唔係越簡單越好。

HungLiu@FB

光電隔離主要是用來隔離雜訊，而不是用來控制jitters

Fiberbox 光隔,正是因為利用 LAN 與光纖方式轉換，反而額外產生出更多jitters，怎麼會誤認為控制 Jitter?道理在於，經過光電轉換時，他就有可能基於某些因素，例如遭受外部電磁波干擾，慢了0.0001秒將標號999的音樂封包完成光電轉換，從此產生0.0001秒的jitters

結論就是，真正最好的做法就是不要經過任何轉換，全部的模組連接都採用I2S。為了實現全部都是I2S,可以採用I2S Transmitter and I2S Receiver

世界上最昂貴的MSB DAC，他就是建議用戶採用I2S連接CD轉盤與DAC

racewong

HungLiu@FB 發表於 2021-5-4 15:54
光電隔離主要是用來隔離雜訊，而不是用來控制jitters

Fiberbox 光隔,正是因為利用 LAN 與光纖方式轉換，反 ...

依部有好多師兄都用緊你所指最貴既MSB SELECT DAC,

等我叫 佢地上黎分享下先.

謝謝你的提問.

Midnighteye

HungLiu@FB 發表於 2021-5-4 15:54
光電隔離主要是用來隔離雜訊，而不是用來控制jitters

Fiberbox 光隔,正是因為利用 LAN 與光纖方式轉換，反 ...

你不能用network engineering 去理解音響產品，因為某些音響產品好大程度上係以pseudo science 做特點，改變是一定有的，可以好左，可以變差，亦可以無效。

呢類產品存在，主因是marketing. 不用太深入探討。

racewong

HungLiu@FB 發表於 2021-5-4 15:54
光電隔離主要是用來隔離雜訊，而不是用來控制jitters

Fiberbox 光隔,正是因為利用 LAN 與光纖方式轉換，反 ...

以下是MSB SELECT DAC用家既回答.. 給大家參考一下.

有 pros 有 cons
光電轉换非 perfect。
但一定隔了电噪音。
Depends on implementation 的能耐了。
Transceivers & optical fiber 要靚。
也要 match 過。
也要 select 過。
MSB 的 ProISL and ProUSB 正是光隔。
但 transievers & fiber 都是精選。
我和 CAS 高手朋友, 攞正嘢的 Transievers & fibers 去試, 仍輸俾 MSB 原庒的呢。
另外, MSB ProISL and ProUSB modules 原来是 clocked by the very expensive clock module inside the Select/Ref DAC 的呢。

Jacky820

認真為了一個點，你已經用sotm x2 還加….. 未去到你的級數！

史的墳

Jacky820 發表於 2021-5-7 20:16
認真為了一個點，你已經用sotm x2 還加….. 未去到你的級數！

我心諗，既然冇諗住玩返黑膠，不如就將自己最耍家的發陽光大啦！

racewong

史的墳 發表於 2021-5-7 23:08
我心諗，既然冇諗住玩返黑膠，不如就將自己最耍家的發陽光大啦！  ...

快D拍片啦.