身痕想換喇叭

史的墳

ptmm 發表於 2020-4-1 21:31
B&W 805D3 or 804D3

B&W 係 Hifi 友必經階段，但音色確實麻麻，尤其依家嘅 D3，密度高但冇感情

starhifi

mingson 發表於 2020-5-9 09:18
想換邊對呀？

用金仔機好難揀喇叭，很多喇叭都推不好，金仔原廠係用B&W做reference喇叭。

待賣走Miles 5先决定入邊款，最夾金仔係B&W803D3，心議有Stenheim Alumine 3，Tidal Piano G2 和 Marten Mingus 20.

mingson

starhifi 發表於 2020-5-9 13:43
用金仔機好難揀喇叭，很多喇叭都推不好，金仔原廠係用B&W做reference喇叭。

待賣走Miles 5先决定入邊款 ...

聽過金仔配FYNE好靚聲！你可以去聽下！

starhifi

史的墳 發表於 2020-5-9 10:49
B&W 係 Hifi 友必經階段，但音色確實麻麻，尤其依家嘅 D3，密度高但冇感情

B&W音色當然輸比Kaiser Kawero Chiara

HaiFaiYau@FB

Wilson benesch vector或Wilson Benesch Vertex 書架喇叭最近隔離台二手有一對，可惜剛睇睇已被掃走玩這廠嗽叭錯不了 但對落書架型號就相對失色…。首要條件主系統要有一定質素，因為鏡 係好老實

一休大師

starhifi 發表於 2020-5-9 13:43
用金仔機好難揀喇叭，很多喇叭都推不好，金仔原廠係用B&W做reference喇叭。

待賣走Miles 5先决定入邊款 ...

803d 正呀！ 我自從由803d 降級去咗804d， 羅文嗰隻佛羅倫斯 都冇再攞過出嚟…… ！ 乜嘢都冇改變 嘅情況下， 淨係降咗speaker呢一级， 係呢一隻碟， 簡直係晴天霹靂， 所以如果食到， 真係有大食大！ 嗰個分別真係嚇死你， 我嘅感覺 大概變咗三折到啦！ 乜嘢形體感， 規模感， 真係輸好遠！

一休大師

mingson 發表於 2020-5-9 15:02
聽過金仔配FYNE好靚聲！你可以去聽下！

哈哈！ 呢個組合我都聽過， 一開聲 第一個感覺 好似天朗 ， 唔係音色， 係聲音 傳送到耳仔嗰種感覺 非常非常之似， 不過我自己就唔鍾意， 剛好同你相反 ， 係因為耳仔嗰個感覺， 我估計 減少 toe in角度， 可能會有唔同感覺， 因為我都唔係好鍾意咁銳利 皇帝位嗰種感覺， 所以個個 聽感 唔同， 手工就靚仔嘅， 都值得去聽一聽！

一休大師

HaiFaiYau@FB 發表於 2020-5-9 19:00
Wilson benesch vector或Wilson Benesch Vertex 書架喇叭最近隔離台二手有一對，可惜剛睇睇已被掃 ...

WB 我自己都好鍾意呢隻品牌， 曾經為佢瘋狂過 ， 但係佢嘅書架喇叭， 如果冇咗佢嘅招牌Isobaric， 就要留意返 你自己接唔接受 嗰個厚度 同埋低音！ 舉個例！ARC同discovery 表面上 好似係細佬 或者係低一級， 但係如果有聽過 呢兩隻對比 嘅師兄！ 應該即刻明白 我講緊乜嘢 ！ 當然 環境所限 同埋金錢所限 冇辦法嘅！ 現實就是殘酷
佢嘅坐地 就冇呢個問題， 聲音仲好full添！

順便同師兄你 講聲sorry！2015年 你問過我嘢， 我依家先睇到， 因為嗰陣時 退咗燒， 所以冇上泥， 不禮貌地 冇回覆你嘅問題！

mingson

一休大師 發表於 2020-5-9 19:42
哈哈！ 呢個組合我都聽過， 一開聲 第一個感覺 好似天朗 ， 唔係音色， 係聲音 傳送到耳仔嗰種 ...

可能以前小孩年代，聽叔叔用金仔配天朗，播許冠傑同鄧麗君，入左腦呢個係好聲音
所以，上次喺阿二聽金仔800配FYNE書架覺得真係堅好聲㗎！

mingson

一休大師 發表於 2020-5-9 19:34
803d 正呀！ 我自從由803d 降級去咗804d， 羅文嗰隻佛羅倫斯 都冇再攞過出嚟…… ！ 乜嘢都冇改 ...

心大心細中，睇相阿女話白色803D3超靚！搵日同佢一齊去聽下！
老婆批準左換喇叭，但講明唔可以多個10個囉...

一休大師

mingson 發表於 2020-5-9 20:45
可能以前小孩年代，聽叔叔用金仔配天朗，播許冠傑同鄧麗君，入左腦呢個係好聲音
所以，上次喺阿二聽金仔8 ...

哎呀！ 我都係呀！ 一係就成套山水， 一係就yamaha 加jbl， 記唔記得 以前好興 將對喇叭 擺上去電視機櫃頂？ 跟住有個玻璃櫃 一揭開 就成棟hifi， 好鬼正！ 嗰陣時我好細個， 但係已經覺得好正！ 同樣地 可以帶畀大家開心， 嗰陣時 佢哋好純真， 邊有話較聲， 一定唔會一隻歌， 聽幾百次 ， 其實嗰個年代 你覺唔覺得 唔會出現依家啲嘢！ 乜嘢高音多， 唔適合聽乜嘢， 薄聲 之類之類……！

一休大師

mingson 發表於 2020-5-9 20:53
心大心細中，睇相阿女話白色803D3超靚！搵日同佢一齊去聽下！
老婆批準左換喇叭，但講明唔可以多個10個囉 ...

真係好幸福 ！ 羨慕又妒忌 ！ 買喇叭係開心事， 慢慢嚟啦！

mingson

一休大師 發表於 2020-5-9 20:55
哎呀！ 我都係呀！ 一係就成套山水， 一係就yamaha 加jbl， 記唔記得 以前好興 將對喇叭 擺上去電視機櫃 ...

可以話係新一代音響技術高超，但超級靈敏，咩薄聲衰聲一概話係傳真。
以前係會略曚，但喇叭擺地櫃左右兩端，機放櫃內或獨立玻璃櫃，聲音點都係順耳好聽個度神奇！

HaiFaiYau@FB

一休大師 發表於 2020-5-9 19:50
WB 我自己都好鍾意呢隻品牌， 曾經為佢瘋狂過 ， 但係佢嘅書架喇叭， 如果冇咗佢嘅招牌Isobaric ...

ARC我就麻麻地 ！同同系Vertex 書架喇叭都差幾遠

starhifi

mingson 發表於 2020-5-9 20:53
心大心細中，睇相阿女話白色803D3超靚！搵日同佢一齊去聽下！
老婆批準左換喇叭，但講明唔可以多個10個囉 ...

B&W803D3中環有對紅色特價$112700，超出你筆直

mingson

starhifi 發表於 2020-5-9 23:17
B&W803D3中環有對紅色特價$112700，超出你筆直

相差唔多，我會講俾太太知，店家會再減俾我...

講笑啫... 你講嘅係中環寶華？

史的墳

starhifi 發表於 2020-5-9 15:05
B&W音色當然輸比Kaiser Kawero Chiara

唔止 Kaiser，仲有輸俾好多其他喇叭添

一休大師

樓主已經冇出現， 好明顯 淨返我哋 想換喇叭的

B&W 8系 講真 又唔係真係超級犀利， 但係勝在 佢唔會揀歌， 咁佢可以用得家庭影院， 涵蓋範圍 一定係高嘅！
有時 玩hi-fi嘅時候， 唔知大家覺唔覺得， 越玩 就越收窄 自己 可以聆聽嘅曲目同埋範圍， 原因就係為咗遷就器材 或者線材， 令到自己越嚟越窄， 大聲啲 又話驚個盆裂， 爆兩下 又話單端膽機 唔夠力 唔係咁聽， 聽下無伴奏小提琴， 又話大火數機 做唔到咁幼細， 明明播古典 覺得好好， 放隻鄭少秋落去 就完全唔聽得……………… 當你想乜都有嗰陣時， sales就會叫你用一百萬 去買老頂就得 ， 當你買咗， 佢又會叫你使三百萬， 沒完沒了………………
我自己 都問過自己， 你想要乜先？ 我反思， 我想要正常咋 ！ 就係咁， 之後自己揀嗰啲器材 或者線材， 都變咗 呢個方向去進行， 好自然就會諗，喂！ 買得呢啲 梗係有音色㗎啦！係， 但係有音色啲， 都可以 有一定嘅涵蓋範圍嘅啫， 唔一定要偏得咁緊要， 好似新嘅金嗓子呢啲牌子， 佢擺明係整咗嘢， 但係佢涵蓋嘅範圍 都好闊， 嗰陣時 攞佢試咗好多碟， 一樣係好多都播到！ 所以我自己揀喇叭， 都係會以呢個方向進行， 唔係唔可以有音色， 有音色係可以， 但係要保持 一定嘅 涵蓋範圍， 其實除咗b&w， 我覺得ATC PMC Dyna 呢啲牌子， 聲音都係好正常， 都可以去聽下， 但係設計上 我就覺得b&w 整得靚啲 ！ 再貴嘅我就唔識， 事實係天外有天， 新嘅b&w 8系 我自己都未聽過， 淨係聽過805d3， 有興趣嘅 帶多少少 自己聽開嘅cd去， 試清楚啲， 了解自己嘅方向， 咁命中率就會高啲！

嗱！ 唔好打頭呀！ 我分享自己嘅經驗咋， 唔係代表啱㗎！ 不食人間煙火 一樣可以玩得咁開心， 我只係想 大家了解自己嘅方向咋！

starhifi

史的墳 發表於 2020-5-10 07:50
唔止 Kaiser，仲有輸俾好多其他喇叭添

同意B&W音色會輸比其他喇叭，但金仔推隻好易推全陶瓷單元Miles 5都好似錯配門神，一些心議喇叭好似Kharma Galileo和Tidal Piano G2都不再考慮，至於書架喇叭，玩過坐地頁唔想玩番書架

一休大師

starhifi 發表於 2020-5-10 08:30
同意B&W音色會輸比其他喇叭，但金仔推隻好易推全陶瓷單元Miles 5都好似錯配門神，一些心議喇叭好似Kharma ...

其實換返啲歐洲機去推， 會唔會好啲呢？

我以前金嗓子 都夾過卡馬， 我都覺得係麻麻地， 係好怪咁樣……