身痕想換喇叭

t1174

就好像吧各大美女至美的部分砌起來會好奇怪咁吧。

但我好奇是甚麼事。

szekt

音色呢家野，真係。。。。。你話榴槤贏嗅豆腐幾多呢???

一休大師

starhifi 發表於 2020-5-10 13:57
Alumine 3只貴B&W 803D3少少，寶華803D3定價161K
https://youtu.be/e2tvlp-6ggA

啱啱睇完！ 講真！ 真係勁靚聲！ 靚聲到播住隻鄧麗君空港黑膠 都可以出到 paganini ！有料
搞到依家我都好想買， 我想睇下我隻許冠傑 會唔會變返鄧麗君……

原本都冇留意， 見到寶麗金 大大隻字， 如果係DG 都當睇你唔到， 我相信 任何一個讀者 都會希望 聽到最真實嘅一面， 而唔係見到你出貓嘅一面， 希望佢下次夾返好啲

shooter

史的墳 發表於 2020-5-10 14:05
係唔係收咗好多錢我唔方便評論，但日本仔十個著九個半都係用金仔夾 B&W就係真嘅 ...

仲有, 日本仔發燒友多數偏愛Jazz and Classical music

一休大師

starhifi 發表於 2020-5-10 14:40
你的組合和我差不多，但個個家訪過我都話衰聲。

部機係畀你聽， 你覺得好聽咪得囉！

每個人鍾意嘅嘢唔同， 你先係部機嘅主人， 佢服侍嘅人係你！

睇完條片 ， 我就記得 曾經有個人同我講， 套機靚唔靚聲， 唔係你自己話， 係要人哋話， 我心諗:…… 吓……人哋屋企套機 靚唔靚聲 原來要得你同意 先可以靚聲？ 你真係好大支嘢喎 ？ 人哋屋企個老婆 使唔使過埋你手呀？哈哈

當然！ 你自己覺得唔滿意， 又想人哋畀下意見， 呢個時間就要聽下， 如果自己滿意， 我覺得唔使理人哋！

一休大師

shooter 發表於 2020-5-10 16:03
仲有, 日本仔發燒友多數偏愛Jazz and Classical music

其實我覺得日本仔 嗰邊比較多元化， 文化真係唔同， 人哋連電視 都會播放交響樂， 香港呢邊…… 睇嚟睇去， 淨係睇到政府出嚟解話…… 頂到盡都係畀個新年音樂會 畀你睇下！

banjo

一休大師 發表於 2020-5-10 13:34
我冇喎！ 個名咁高級！ 係咪好貴㗎？
睇個設計都幾特別！ 好似真係四路咁， 我見佢兩條膠邊 中低音都唔同 ...

上年喺灣仔音響展聽過, 音質斯文淡定, 耐聽舒服, 係一對好喇叭.

shooter

講喇叭, 我又搭吓嘴, 自己由認識hifi開始就對英國人設計嘅品牌喇叭偏愛(可能同英國殖民地長大有關), 感覺上佢哋對音樂文化藝術比較高......KEF, Proac, ATC, B&W, Harbeth, PMC, Wilson Benesch, Celestion, Tannoy, Spendor......自己都用過幾款, 亦用過美國喇叭, 但始終like英國味道.
當然唔係話其他國家設計唔到好喇叭, 不過其實去到所謂hifi/hiend級喇叭, 已經唔係講好聲唔好聲嘅問題, 而係啱唔啱自己口味嘅問題, 而大部份發燒友有幾何會一對喇叭聽過世？我自己就一定揀大路brand, 換野出貨較容易.
而一啲唔係hit嘅品牌, 定價set到天咁高, 聲底係點就見仁見智, 自己就不敢恭維....

題外話, 有位老友買咗一對唔平嘅本地brand喇叭, 用咗頂級單元/物料......非常靚聲咁話, 不過早排身痕想換, 可惜等極都冇人接貨, 有興趣既就壓價......其實day1我都叫佢3思

shooter

一休大師 發表於 2020-5-10 16:21
其實我覺得日本仔 嗰邊比較多元化， 文化真係唔同， 人哋連電視 都會播放交響樂， 香港呢邊…… 睇嚟睇去 ...

係呀, 佢哋聽Jazz多人用JBL, Classical 就B&W

一休大師

banjo 發表於 2020-5-10 16:46
上年喺灣仔音響展聽過, 音質斯文淡定, 耐聽舒服, 係一對好喇叭.

呢啲板砌房， 其實好難set得好聲， 如果喺呢度都覺得好， 我覺得呢對喇叭 都考慮得過

starhifi

一休大師 發表於 2020-5-10 15:45
啱啱睇完！ 講真！ 真係勁靚聲！ 靚聲到播住隻鄧麗君空港黑膠 都可以出到 paganini ！有料{:5_1 ...

https://youtu.be/qkjRA37zAxc

banjo

starhifi 發表於 2020-5-9 06:31
師兄用緊旗艦金仔可考慮配B&W一定錯不了，金仔總部都用金仔推B&W 800D3

https://www.xuehua.us/2018/08/ ...

其實我有對Y記NS-5000服役中, 暫時都唔會換, 而且呢對嘢已經開始進入狀態, 同套金仔十分之夾.
不過真係有機會俾我再換, 反而想試吓ATC嘅100SL, 因為我對啲饅頭中音情有獨鍾, 佢出人聲同Jazz啲管樂特別好聽.

一休大師

starhifi 發表於 2020-5-10 17:30
https://youtu.be/qkjRA37zAxc

star兄！ 唔好介意， 首先我係相信呢對係好喇叭 ， 但係佢試呢隻審死官， 正常一套hifi， set好少少， 都好難衰聲……！ 呢隻碟難度係零！ 所以你去試機嗰陣時， 記得要留意返！ 我唔記得邊個post曾經同大家講過， 試机時候嗰啲cd， 其實好緊要㗎！ 呢啲天碟， 唔好太上心！ 反而如果佢啲機 要用呢啲碟去畀你試， 就更加極度極度危險， 記得要留意番呀！ ！

情形就好似我哋初初玩hi-fi， 試機嗰個人， 例牌攞隻 蔡琴出嚟， 呃我哋啲靚仔 唔識嘢， 仲以為對喇叭好正， 情況係完全一樣！

一休大師

banjo 發表於 2020-5-10 17:38
其實我有對Y記NS-5000服役中, 暫時都唔會換, 而且呢對嘢已經開始進入狀態, 同套金仔十分之夾.
不過真係有 ...

ATC 的確係， 我自己都好想玩一次， 啲聲音好實淨， 好忠實！

一休大師

你睇下人哋家訪， 忠實幾多？ 腳步聲都聽到！ 係好嘅 根本 唔需要遮遮掩掩！ 讀者自然分辨到

https://youtu.be/7W_9aAiUaIg

banjo

一休大師 發表於 2020-5-10 17:52
ATC 的確係， 我自己都好想玩一次， 啲聲音好實淨， 好忠實！

得閒咪去中環搵島主試吓聲囉, 不過ATC啲喇叭要煲好耐先會好聲.

shooter

banjo 發表於 2020-5-10 17:38
其實我有對Y記NS-5000服役中, 暫時都唔會換, 而且呢對嘢已經開始進入狀態, 同套金仔十分之夾.
不過真係有 ...

ATC饅頭中音 , Billy Woodman
不過Amp就難諗, 買active版就唔洗煩

banjo

shooter 發表於 2020-5-10 18:18
ATC饅頭中音  , Billy Woodman  
不過Amp就難諗, 買active版就唔洗 ...

ATC 100SL或50SL確係要啲大推力嘅後級, 先會搞得掂, 只要銀彈夠, 要搵都好易, 一般合拼機就唔使諗喇.
主動喇叭衰在, 只可聽到喇叭內置放大器啲調聲, 冇乜個性. 當然鍾意佢聲底就無問題.

一休大師

之前聽人哋講 都知道係難玩， 聽完你哋咁講 更加覺得係難玩

一休大師

真係好靚仔 ！ 搞到我變咗fans咁！ 最衰尖沙咀b&w 嗰個sales 咁屎忽鬼！ 不過都好嘅， 聽完唔啱 好地地， 聽咗啱 盞搞……
其實chord 都好忠實， 速度又夠， 係貴啫！ 但係香港就係少人玩