mcintosh mcd600 & ma9000 開箱編

一休大師

真係好耐好耐好耐未開過箱， 五隻手指剛好五年， 基於呢個疫情真係悶到黐咗線， 冇辦法唔買返套機嚟玩下， 尋尋覓覓 最終揀咗佢！ 工業風， 圖積頂版， 藍色眼睛錶板， 輸出牛， 再加埋爽快實淨嘅聲音……嗯…… 今次就係佢啦！去片

一休大師

remychiu

又有報告睇兼有野學，正

一休大師

remychiu

見到大師嘅玻璃調聲大法，相信高音一定非常清脆利落

一休大師

remychiu 發表於 2020-3-30 19:03
見到大師嘅玻璃調聲大法，相信高音一定非常清脆利落

師兄真係識講笑 ！ 係冇位擺咋

remychiu

期代報告

法国明

大師即是大師 将二部机影到咁长

一休大師

法国明 發表於 2020-3-30 20:22
大師即是大師 将二部机影到咁长

唔知點解會變成咁， 要撳落去先變返正常

一休大師

remychiu 發表於 2020-3-30 19:06
期代報告

都可以整返個初步報告嘅， 由於冇準備下， 牆插暫時用住萬能插蘇先， 跟机線都用唔到， 因為係歐式， 咁求其用住兩條 電飯煲線先， 平行線 初頭我係用sommer epilogue， 但我覺得唔係咁夾， 咁依家改咗mogami 2534， 喇叭背脊原本斜插， 改咗做全插高音， 喇叭線係Ls502， 喇叭係805s， 叫做ok啦！ 可以開始試聽
咁 先講下機先 發覺做工都幾靚嘅， 但係如果同德國工藝比， 我覺得都係爭啲， 細節做得唔夠好！ 使用上面cd機 我覺得讀碟係慢， 操作轉換都係屬於慢， 比起日本機計， 遙控方便程度非常差， 因為要各自獨立使用， 就連repeat掣都冇， 而且有一大堆掣係冇用嘅， 我未睇說明書除非可以學習， 咁功放嗰方面面板操作都ok嘅！

至於聲音方面呢， 由於一套西裝感覺係正嘅，夾805s 都非常之好， 有一種食飽嘅感覺！ 當然冇喺試音室夾Sonus faber甘好， (當時係用mcd600， 入門前後級 加隻大名琴， 所以呢個位可能都有誤差)， 但整體嚟講我都覺得幾好聲，amp同cdp 分別我都聽過， 其實部amp 主力係做嘢， 唔算係太重性格， 相反cd機 就有一種analog 感覺， 算係比較重音色，350同600 都係， 分別主要係分析力！( 所以我覺得350 都好抵玩， 如果唔追求技術位 安心聽歌！ )，但係都做得好高手嘅， 音樂性好， 完成度高， 真係一啲數碼味都冇， 所以夾落去ma9000 都夾得幾好， 咁暫時啲三件嘢平衡度都幾好， 係一個微暖嘅聲音， 質感密度 都非常之好， 加上有一種爽勁， 聽jazz真係好鬼正， 呢個位我真係畀99分！ 流行曲就當然冇問題， 但係古典……嗯…… 大體上嘅嘢佢齊曬嘅， 係高音生硬咗少少， 如果轉彎位 細緻啲 纖細啲就更加好， 可能係新機問題， 因為我喺試音室佢係做到嘅！ 但係 密度都係好正， 聽黑教堂， 喺空氣中 有種冤魂不散嘅感覺， 係有一浸氣 喺度停留， 我覺得真係黐孖筋， 有冇咁堅呀？……805s 竟然有如此地步， 聽爵士同埋流行曲， 可以越開越大聲， 都係好正， 係驚隻喇叭爛……！ 整體嘅平衡度都好好， 係個低音， 你留意唔到佢， 需要嘅時候佢自然會出現， 平時唔會感覺到佢嘅存在， 呢一樣嘢 可以係好可以係唔好， 你想過足引嗰陣時， 佢唔會強， 但係樂器表現時嘅低音佢又畀到你， 真係幾特別， 唔會dam得太死， 亦唔會鬆！ 速度方面 喺我心目中都係慢咗少少， 但係正常計係夠用嘅！cdp 我估唔到麥景圖 都做得咁好， 細節仍然係好豐富 但係佢唔會 刻意 話畀你知， 但你感覺到佢嘅存在， 係一個非常自然流暢嘅感覺， 呢一個點我好欣賞！ 至於amp……嗯…… 喺合併機之中 我第一次聽到呢個感覺， 真係有前後級嘅感覺， 我用嘅 對上一部合拼應該係金嗓子E460， 如果同佢比 真係完全冇得比， 當然價位唔同， 绝對唔公平，E800 可能又唔同感覺！
細細聲聽嘅時候 嗰個重量感同細節 同埋爆發力 我覺得都好好， 我真係第一次喺合併機 可以聽到呢一個感覺， 而且係相當有質感！
不過真係開番大聲啲 去聽大編制嘅時候， 樂器嘅分隔度 速度， 同埋好多嘢嘅時候， 仍然係有啲亂 同埋 有啲慢， 咁呢個可能係喇叭嘅問題 局限咗， 呢個暫時未有定論！
咁初步報告係咁多， 多謝收看

Hungmo

恭喜一休大師
ho sin mo

一休大師

Hungmo 發表於 2020-3-30 21:21
恭喜一休大師
ho sin mo

謝謝你 ！ 暫時感覺都幾開心㗎！ 因為我初頭都好驚 要賣返出去 ， 估唔到效果比預期嘅 好！ 我覺得係個cd player 幫到手， 暫時基本上係完全聽得， 但係人心冇厭足， 實要搵啲嘢 去搞搞

Anthon

一休大師 發表於 2020-3-30 18:46

Congratulation Master.  Nice set and nice picture.  Enjoy the run in.

szekt

準備換喇叭了。。。

st33

多謝大師分享，只是初級報告都已經令到小弟好想入手McIntosh㖭！

一休大師

szekt 發表於 2020-3-30 23:55
準備換喇叭了。。。

準備食樹皮就真

其實我想揀返sonus faber oly3 se/serafino， 因為想聽返showroom嗰個感覺， 但係我驚捉隻老鼠入米缸…… 食唔起

自己以前係sonus faber frds， 其實而家搞到都唔知係乜， 但係 長江後浪推前浪 一代新人葬舊人， 聽聲收貨啦， 都冇得好講！

一休大師

st33 發表於 2020-3-31 01:32
多謝大師分享，只是初級報告都已經令到小弟好想入手McIntosh㖭！

自己買咗， 實有啲偏心， 參考下就算， 不能作準

一休大師

我買嘅時候， 其實去咗阿一個到買， 佢間細房梗係正啦， 但係佢用嗰條 線真係唔得， 應該係acrolink， 慢撚到想嘔， 好彩我用過佢 知道佢啲特性 呢度自己加減返， 喇叭線睇佢應該係VDH， 嗰條應該就冇問題嘅！

kl122002

聽師講完之後， 都搵日去showroom 聽下先

一休大師

kl122002 發表於 2020-3-31 07:54
聽師講完之後， 都搵日去showroom 聽下先

哎呀！ 中環嗰度已經冇咗， 我去嗰陣時佢哋已經執緊嘢， 我諗你哋要去美麗華， 弊…… 暴露咗我係個煩精 ， 我真係去曬咁多地方試勻曬 ， 請容許我嘅不信任， 因為我真係冇諗過mcintosh 都做得咁好， 所以我一定要試真啲！ 其實我同大部人一樣 都係工薪一族， 都係要儲錢去買玩具， 亦唔會買得特別平， 所以買嘅時候都好小心同埋謹慎
咁另外因為ma9000ae版本 係阿一獨家銷售， 咁要買就冇計 一定要去返嗰度