mcintosh mcd600 & ma9000 開箱編

一休大師

vf4 發表於 2020-6-17 08:58
咁就真係要試下先得啦

係呀！ 一千幾百 就可以體驗一下 無阻力嘅釋放， 淨係呢一個point 已經抵畀！ ！ 聽返你平時認為好悶嗰啲碟， 可能會有另一個睇法！

szekt

有可能平時好聽既碟，聽起來平平無奇。

一休大師

szekt 發表於 2020-6-17 11:29
有可能平時好聽既碟，聽起來平平無奇。

嘻嘻！ 咁又唔出奇喎！ 可能仲衰聲啲添 ！

所以好多時做測試， 都真係好鬼麻煩， 要用好多唔同嘅碟， 先可以試得清楚， 不停 重複 聽返啲歌好鬼悶……會好想死……， 好彩自己分享就冇時間限制， 輕鬆好多， 如果係專業嗰啲呀， 都真係好辛苦！

szekt

我既準則係播自己喜歡既歌，好聽就係好器材

heha

一休大師 發表於 2020-6-17 14:08
嘻嘻！ 咁又唔出奇喎！ 可能仲衰聲啲添 ！

所以好多時做測試， 都真係好鬼麻煩， 要用好多唔同 ...

無時間限制同埋屋企人無詐型好重要，其實我都好鍾意玩ab比較，不過真係要一個人長時間試都好鬼難

一休大師

對呀！ 梗係試自己喜歡嘅歌啦！ 套機係整畀自己聽㗎嘛！ 絕對正確啦


係呀！ ab對比其實係好難， 真係要天時地利人和， 你以為夜晚靜靜地ok， 其實有人煲緊湯…… ， 真係估佢唔到……

heha

一休大師 發表於 2020-6-17 20:38
對呀！ 梗係試自己喜歡嘅歌啦！ 套機係整畀自己聽㗎嘛！ 絕對正確啦

有人煲湯咁幸福仲比咩較，一齊聽住1812嘆靚湯啦！

一休大師

繼上次全套 excelsior 之後， 仍未調教出心目中最愛， 痛定思痛 既然ls502 已符合自己心水， 純粹係中頻厚度 同埋低頻量感 問題， 睇返review再加上自己嘅記憶，ls1002 應該會合心水， 所以就向佢進發！ 因為今次會試好多嘢， 所以diy 絕對係心水選擇！

咁買咗1002返嚟 都係嗰啲配套啦！ 咁就即刻開波 試下bi wire la！ 其實真係試過好多次， 不過我個性格就係咁， 點都要係試一試， 唔同體系 有唔同效果， 我唔相信 一條formula 玩成世 理論， 所以都用咗好多時間 去試驗bi wire 1002！ 咁今次好好多喇， 基於係同一種線材， 高低音 非常夾聲， 沒有上次分離的感覺， 透明感非常厲害， 樂器間一清二楚， 空間感 高音伸延 比之前更加厲害， 結像仲要係清楚嗰隻， 其實真係幾正， 但係無奈， 可能我嘅空間 都係偏向硬調， 高音再厲害咗 空氣感再好咗， 都係無補於事， 總會覺得有少少彈聲， 人聲同以前 試驗結果係一樣， 都硬係薄咗少少， 加上我希望可以 增加中頻厚度 同埋低頻量感， 呢兩樣嘢係完全幫唔到手！ 啟發 我嘅嘢就係， 如果你嘅體系 如果唔係用bi wire 去較聲， 純粹想提高 resolution， 咁bi wire呢個玩法係非常正確！

咁跟住呢 就將1002 變番做single wire， 用返原裝針扒， 對角插法 去測試！ 即係出番原本1002 嘅聲音， 咁一開 嗰把人聲 ， 其實都幾滿意， 夠放 忠實 噴mic 都感受到， 中頻厚度 低頻量感 同埋 punch 都完全彌補到， 完全係我需要嘅嘢， 今次發達啦， 有望完成任務， 仲要係保持返502 嘅特質， 穩陣！ 但係可惜出到高音幼細位嘅時候， 我嫌佢有少少粗聲……唉…… 我鍾意正常聲啫， 但係聽古典 始終要有美感 高音粗聲 點可以接受…… 唯有去下一輪任務……

跟住落嚟 就係 502去高音 1002 去低音， 咁樣去玩bi wire， 呢一個結果， 其實幾令我意外， 一心以為應該幾好， 但係出嚟效果 同自己心想係兩回事， 感覺上 成個速度係慢咗好多， 聲音係累贅， 有量但係冇力， 件頭又大件， 控制力亦都被動搖， 我相信係 合併機唔夠力嘅原因， 水喉粗咗， 但係水壓唔夠， 成件事被影響得體無完膚， 我以前用AA amp3 後級 就算用兩對1603 都完全沒有呢個問題， 所以呢個方案 迫不得已地 要放棄！

咁總共即係話試咗三個方案， 第二個方案 暫時比較喜歡， 咁我就試下1002 single wire 去低音，502 做針扒 上高音，嗯…… 效果出奇地好， 中低頻彌補到之餘， 高音又不失幼細， 動態仲係非常非常之喜歡， 突然拉弓嘅效果 鋼琴鍵按下去嘅力度 都非常之正！ 質感都係自己滿意嘅！ 所以暫時就係咁嘅setting， 聽耐啲， 再睇下有啲咩不足 先再算！

暫時報告係咁多！哈哈

ranrandy

多謝分享,正
btw, 有冇諗過加超底?啲人話JL Audio Sub 好夾 805d3

szekt

一休大師 發表於 2020-6-22 00:36
繼上次全套 excelsior 之後， 仍未調教出心目中最愛， 痛定思痛 既然ls502 已符合自己心水， 純粹係中頻厚 ...

有冇試兩對502或者兩對1002 ?

一休大師

ranrandy 發表於 2020-6-22 10:09
多謝分享,正
btw, 有冇諗過加超底?啲人話JL Audio Sub 好夾 805d3

邊度有位擺……

一休大師

szekt 發表於 2020-6-22 10:33
有冇試兩對502或者兩對1002 ?

咁我就冇試過喎！ 因為我見1002 其實即係等於兩對502， 所以就冇特登買嚟試！ 如果買埋真係好瘋狂 ， 不過有機會都可以試下

szekt

一休大師 發表於 2020-6-22 11:07
咁我就冇試過喎！ 因為我見1002 其實即係等於兩對502， 所以就冇特登買嚟試！ 如果買埋真係好瘋狂{:5_104 ...

玩，一定要瘋狂。。wakaka

szekt

2去4同4去4會有分別吧。。。

一休大師

szekt 發表於 2020-6-22 11:25
2去4同4去4會有分別吧。。。

的確係有機會， 唔計插頭， 雖然線心大細同埋股數係一樣， 但係獨立編排結構 應該都會有唔同， 淨係睇佢嘅空氣芯 結構就知道， 或者等有二手 都可以試下！

一休大師

假期前夕， 爆下機先！嘻嘻！

部samsung note8 short short地， 開始對唔到焦， 激死……

https://youtu.be/V3JlAaRSXXI

racewong

一休大師 發表於 2020-6-30 18:25
假期前夕， 爆下機先！嘻嘻！

部samsung note8 short short地， 開始對唔到焦， 激死……

一休, 係時侯要UPGRADE部手機了

racewong

racewong 發表於 2020-6-30 19:09
一休, 係時侯要UPGRADE部手機了

我等緊MATE 40X

一休大師

又係時候打小報告啦 ！

試咗inakustik 1002， 既然覺得啱使 咁就梗係要微調下啦 同埋整番靚仔佢， 咁我就買咗 star的鍍金蕉插同埋inakustik 蕉插， 咁其實兩隻都幾好嘅 出嚟嘅效果！inakustik 嗰款 速度比較快， 高音伸延好好， 就係薄咗少少，至於star 嗰款 就厚聲啲 質感比較好啲！ 兩隻都試左用哂全套甘測試過， 性格大概係咁樣， 但係兩個都係爭少少， 唯有出絕招 溝淡 ， 又係一個不倫不類嘅樣子， 但係聲音呢 暫時都幾好！ 我暫時喺負極 用咗一粒star 嘅蕉插， 樣子就係怪怪， 不過效果就唔錯！
https://youtu.be/XlroQzSUB0c

ranrandy

congrats!
Will you change the jumper too?