平凡但不平淡 - DR.E R-2 PC

matthewchan1990

等待多時終於可以試到條R-2 電源線，遲一步都可能俾人拎埋。。
好多時玩音響都係會先入為主，認為價錢貴就係好，來佬貨就一定比本地好，外國月亮特別圓。見到一條身價五千幾既電源線可能會睇唔起佢，由佢好似沙漠迷彩色既網，平實嘅插頭，相對輕盈嘅重量，可能連試都未必想試。自己曾幾何時都係咁，買條貴綫插落系統就覺得實無死，從來無諗過線材帶黎既改變可能令自己聽少咗野，聽錯野。

自己用緊條ML-2 喇叭線對DR.E 既聲音取向，理念都有一定程度嘅了解，所以今次無考慮咁多就即刻拎埋R-2返去試，插落去soulution 330 代替我本來嘅nbs 3s。我要詳細了解有咩會改變，所以我拎咗7隻我經常聽嘅CD, 用nbs 3s全部聽一次先，換跟機嘅黑雞線再聽一次，最後換R-2。最簡單講nbs 轉黑雞線音色變化好大，亦失去nbs 既高低伸延，音場。由黑機線換R-2，音色無明顯變化，但密度，深度同速度都提昇咗好多。音場闊度大咗但俾nbs3s 窄d, 但前後對比，音場深度，R-2都係技勝一籌。速度上R-2表現有絕對優勢。以我同Ray談話中了解到電源線輕重同包裹物料對聲音速度都有一定程度嘅影響，亦因此Ray選擇咗依種沙漠迷彩網。尤其聽大型交響樂，瞬變快，速度帶出音樂感，連貫性，真實感。細節弱音方面，我覺得背景比之前更靜，令我聽多咗野。高低伸延起伏R-2比足你亦足夠有餘。

每一次換入DR.E嘅產品，都有一種豁然開朗嘅感覺，非佢哋帶嚟刺激改變，但係佢哋令我更了解自己套機嘅聲音，更加可以聽真d器材本身嘅聲音。

當我上到烽日見到Ray親手整緊插頭上用既木，對細節嘅執著，一絲不苟，係唔係外國貨，有無出眾嘅包裝同外表真係咁重要？

sumchung

哩條線有機會我都想試下!

bigpun1975

琴日正好同鎗王拍左條片介紹DR. E 線材，希望多D人認識呢個品牌

racewong

sumchung 發表於 2020-4-23 01:30
哩條線有機會我都想試下!

依條無老點， 超堅。

5千幾蚊， 唔需要考慮啦。 Wsa我幫你安排。

matthewchan1990

sumchung 發表於 2020-4-23 01:30
哩條線有機會我都想試下!

有得試其實真係最好, 係鋪頭到聽好聽唔代表係屋企套機到好聽, 試清楚先無後悔。

matthewchan1990

bigpun1975 發表於 2020-4-23 11:01
琴日正好同鎗王拍左條片介紹DR. E 線材，希望多D人認識呢個品牌

好野係應該分享,而家越來越多人因口碑認識到DR.E

bigpun1975

matthewchan1990 發表於 2020-4-23 19:20
好野係應該分享,而家越來越多人因口碑認識到DR.E

我琴日响發燒房第一次聽，效果非常之好

sumchung

racewong 發表於 2020-4-23 15:06
依條無老點， 超堅。

5千幾蚊， 唔需要考慮啦。 Wsa我幫你安排。

遲少少會架啦, 依家回緊氣, 比啲時間黎!

sumchung

matthewchan1990 發表於 2020-4-23 19:17
有得試其實真係最好, 係鋪頭到聽好聽唔代表係屋企套機到好聽, 試清楚先無後悔。 ...

係, 有借線服務係好啲!

matthewchan1990

sumchung 發表於 2020-4-23 23:38
係, 有借線服務係好啲!

香港借線服務比較少，可能好多要vip先有依個服務

racewong

matthewchan1990 發表於 2020-4-23 23:57
香港借線服務比較少，可能好多要vip先有依個服務

Hiendy會員獨享

matthewchan1990

racewong 發表於 2020-4-24 11:28
Hiendy會員獨享

話說我都未去過俱樂部, 星期六開唔開架?

bigpun1975

matthewchan1990 發表於 2020-4-24 19:24
話說我都未去過俱樂部, 星期六開唔開架?

打6508 8000預約

史的墳

呢條野真係冇得頂，我響 Hiendy 毒氣室聽佢插響對南瓜 mono 後級，身價同表現家全唔成正比，好正！！