處男 Post 送俾 Dr.E

ky1175hk

終於成為可以發貼嘅會員！第一個 post 必需係很有意義的。

反覆思考之後，決定獻俾兩位老師：近期大熱嘅烽日雙雄 Gary 同 Ray。

約一年前第一次請兩位幫忙調音，當時仲喺家中做緊「環境鬥仕」，雖然鐘意音樂，日日聽，但總未能打開音響世界嘅正確大門。只識上網睇別人嘅分享，不斷換器材，加配件，左試右試，係好玩嘅，但走的是小路，不是真正的去了解到底點解？為甚麼？原因？認識到兩位後，當日嘅調音過程好似打開咗一度正確嘅門喎！由移喇叭、拆走一啲配件、加咗一個電處，一步一步解䆁，演示，比較之下，嘩！見到光明喎！

之後一直保持聯絡，但無幫襯，浄係問！他們又不斷肯答我所有嘅問題，直至數月前再試咗一條 Dr.E 嘅 XLR 訊號線。係先試後買嘅服務，當然試咗2日後乖乖俾錢留低啦。

又隔咗三個幾月，我搬新公司，家中小朋友開始大，所有音響係時候移去寫字樓玩啦。當然又要請兩位老師來幫手搬嘢加補課。中間過程唔寫咁長，直接跳去前幾日最終的覆診 + 訂咗好耐嘅全套 Dr.E 線材到埗。

————————————————-
大工程 「覆診」！ 全套線材到位！化身小學雞，從 Ray 同 Gary 度從頭學起。

一堆線，唔好急，一 part part 慢慢換先知道點解？有咩分別？好咗喺邊度？

首先；起 source 墊材，只係三粒釘腳，一拆走，成個音場定位即刻向下降咗，中底音多咗密度，厚度，歌手企返落兩級，高音由頭頂落返耳水平，順耳好多！！神奇！！

然後到訊號線，一換，背景由深灰色即變黑色！所有多餘雜聲，啪啪嘅微弱電流聲，無晒。口水聲，換氣弱音，中音嘅尾音，喉音，泛音，低頻一浸浸，彈跳感，應該有嘅嘢有返晒！感覺好似換咗成套機加喇叭。之前條訊號線因線身屏蔽可能做得唔好，而全套膽機對電流又太敏感，有啲歌播放時贈送一堆微電流聲，除咗驚燒高音，毛燥感令耳仔聽耐咗有啲累，宜家問題解決晒

ky1175hk

今天化身小學雞，從 Ray 同 Gary 度從頭學起。

一堆線，唔好急，一 part part 慢慢換先知道點解？有咩分別？好咗喺邊度？

首先；起 source 墊材，只係三粒釘腳，一拆走，成個音場定位即刻向下降咗，中底音多咗密度，厚度，歌手企返落兩級，高音由頭頂落返耳水平，順耳好多！！神奇！！

然後到訊號線，一換，背景由深灰色即變黑色！所有多餘雜聲，啪啪嘅微弱電流聲，無晒。口水聲，換氣弱音，中音嘅尾音，喉音，泛音，低頻一浸浸，彈跳感，應該有嘅嘢有返晒！感覺好似換咗成套機加喇叭。之前條訊號線因線身屏蔽可能做得唔好，而全套膽機對電流又太敏感，有啲歌播放時贈送一堆微電流聲，除咗驚燒高音，毛燥感令耳仔聽耐咗有啲累，宜家問題解決晒

ky1175hk

再入直路，3 條「排隊等待」之電源線。玩音響其實係玩電力，呢句定律真係100% 正確。未換之前，對膽後級嘅能量好似 cut 咗 50%，唔係分體 845 真空管應有嘅力量。可以教大音量格硬去「爆」，但高音「拆」，中音「兇」，低音「硬」，聽到耳仔痛，所以只可用有限音量，末能盡情享受音樂。

去到呢度，我已經好滿意新嘅配搭，但有一個問題未解決。話說有一首歌嘅低音好重，早幾日播時控制唔到，出現單元「拍邊」情況，嚇到有陰影。我以為係對後級得 30 W，唔夠力。今日一來即刻問老師想買新機，老師神神秘秘咁答；唔使又買機，換咗喇叭線試下先

ky1175hk

重頭戲，之前我特登每邊都用一對銀線 bi-wire 去俾電，諗住高，低獨立分開實無衰，點知....領嘢。

點醫呢？首先，拎返原裝 jumper 出嚟，係「銅線」，原廠較音都用銅線，宜家用銀線就首先領嘢啦。先裝返原裝 jumper，正正經經用返新嘅「銅」喇叭線由低位經 jumper 通去高位，嗰啲咩左高右低，右高左低，先經高再去低....一堆坊間傳聞就由佢啦。

宜家再試返同一首「拍邊」歌，噫！無事喎，仲好正添！老師先教導原來係「電」嘅流動，當喇叭線唔夠能量去過，負回輸又到，所以控制唔到個單元，低音就會出現失控，拍邊等情況。又學到嘢！

所有線材搞好，正式聽返平時嘅歌好好比較一下。再請教有關：升頻，正反相位，音樂制式等等學識。一輪比較後，虛無縹緲嘅形容詞唔識作，總括然而，套機嘅表現比之前升咗起碼一倍有多，宜家嘅聲，喺器材 show room 都聽唔到。好或唔好？唔敢講。每個人聽覺不同，年紀不同，靈敏度，喜歡音樂種類又不同，音樂修養亦不同，我覺得好，你又未必。但最基本嘅現場環境還原，人聲、樂器還原，高低動態，上下左右前後聲場全部滿足。就好似聽緊一位歌手唱歌，不單只唔會擔心佢「爆爆」地就嚟走音，仲卓卓有餘。

我相信肯定仲有進步空間，但暫時夠了。因為方便，數播已經夠玩，CD，黑膠唔玩囉，知足常樂。

題外話；老師嘅作品越來越多玩家認識同欣賞，經自行 A/B 比較之下，宜家接單接到手軟！想訂想試嘅朋友們要耐心啲等候啦。我好少打咁大篇嘢 sell 人哋，我有俾錢買產品㗎！仲俾得好開心添

ttty

他們的線材超值

ky1175hk

ttty 發表於 2020-5-1 19:13
他們的線材超值

係！我更欣賞他們肯用心分享同教料。我試過半夜2點問野都答！仲要唔係幫襯，係問街外一部機值唔值得買？都照幫我分析，真係好似老師和朋友嘅關係。無「銅臭」，好難得。

bigpun1975

咁啱同鎗王出左條片講 DR. E

ky1175hk

bigpun1975 發表於 2020-5-1 19:47
咁啱同鎗王出左條片講 DR. E

今晚睇吓先

racewong

ky1175hk 發表於 2020-5-1 20:00
今晚睇吓先

我都中左毒

7500martin

後牆海報正中嗰隻係咪Richard Mille RM 27-02呀?

ky1175hk

7500martin 發表於 2020-5-1 20:30
後牆海報正中嗰隻係咪Richard Mille RM 27-02呀?

是的，師兄好眼力。

平凡人

請問ching:
Dr.E係咩意思?E博士,E醫生?純好奇。Thanks.

ky1175hk

平凡人 發表於 2020-5-2 01:04
請問ching:
Dr.E係咩意思?E博士,E醫生?純好奇。Thanks.

師兄，我無問過，照字面我自己估係 E = 電，Dr = 醫生。

PhantomGTR

師兄好有心玩！

chuck

師兄很識玩鐘錶，有個 MB&F L‘EPEE

ky1175hk

racewong 發表於 2020-5-1 20:08
我都中左毒

已經睇咗您兩位 YouTube 嘅片，感受完全一樣。最搞笑嗰句：佢哋成日叫我唔使買新嘢

ky1175hk

PhantomGTR 發表於 2020-5-2 11:10
師兄好有心玩！

音響係男人嘅浪漫

mark38

恭喜師兄

一步到位

ky1175hk

chuck 發表於 2020-5-2 12:24
師兄很識玩鐘錶，有個 MB&F L‘EPEE

師兄連 MB&F 咁冷門嘅牌子都識，好嘢！男人孖寶；音響 + 鐘錶

ky1175hk

mark38 發表於 2020-5-2 13:00
恭喜師兄

一步到位

有排！師兄頭像嘅 mbl 仲等緊機會玩，仲有好多夢想未試。

音響世界，水深