KLAUDIO 洗碟機小改裝

長長影子

原本用緊部 amari 洗碟機，勝在可以落法國洗碟水去油蹟及省走啲霉霉。  之後加多部 KLAUDIO 係為咗貪方便乜都唔使落又或者可以話係除咗蒸餾水外乜都唔落得。


但慢慢開始覺得部 KLAUDIO 個設計有啲缺點，主要有兩個問題，第一個問題係吹乾啲碟時周不時都會有塵吹咗上隻碟，喱個問題同 amari 嘅設計一樣，我喺 amari 兩邊入風位加咗濾棉減少啲灰塵，而喺部 KLAUDIO 入風位就加咗層 3M 濾網，但風乾時間都需要 set 長啲，但都算係決解咗一部份問題。


第二個問題係我發現部 KLAUDIO 洗碟時啲污水無經過過濾而會直接流返落個水箱，洗下一隻碟時啲污水連帶啲大大粒啲雜質微粒不斷跟水流循環，如果隻碟夠污糟，洗碟時喺水位窗望入去會見到啲污濁嘢流嚟流去都幾壯觀吓。  部 amari 洗碟機喺喱方面設計唔同，你其實係睇到裡面啲水有幾污糟，不過少你會睇到部份回流嘅水會經過海棉過濾後回流水箱，大粒啲嘅雜質會被隔喺海棉上面，但我相信唔係全部回流嘅水都係經濾棉。


KLAUDIO 個水箱下面個窿係入水位抽啲水上去洗碟，上面個窿洗碟後回流嘅出水位。


喺入位窿位加裝金屬過濾網 (茶葉濾網)。